ຜູ້ປ່ວຍສະສົມຈາກໂຄວິດ-19 ໃນລັດແຄລິຟໍເນຍ ຫຼາຍກວ່າ 400.000 ຄົນ

8

ສະຖິຕິຜູ້ຕິດເຊື້ອໄວຣັສໄວຣັສໂຄໂຣນາສາຍພັນໃໝ່ ໃນລັດແຄລີຟໍເນຍ ເຊິ່ງມີປະຊາກອນອາໄສຫຼາຍທີ່ສຸດຂອງສະຫະລັດ ອາເມຣິກາ ສະສົມຫຼາຍກວ່າ 400.000 ຄົນ ແລະ ມີທ່າງອ່ຽງແຊງໜ້າລັດນິວຢອກຂຶ້ນມາເປັນພື້ນທີ່ວິກິດມີຜູ້ປ່ວຍສະສົມຫຼາຍທີ່ສຸດໃນອີກບໍ່ດົນ.

ສຳນັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ສະຫະລັດ ອາເມຣິກາ ເມື່ອວັນອັງຄານ ທີ 21 ກໍລະກົດ ວ່າ ສູນຂໍ້ມູນເຊື້ອໄວຣັສໂຄໂຣນາສາຍພັນໃໝ່ຂອງມະຫາວິທະຍາໄລຈອນ ຮັອບກິນສ໌ ໃນເມືອງບັລຕິມໍ ທີ່ລັດແມຣີແລນ ລາຍງານສະຖານະການຂອງໂຄວິດ-19 ໃນຮອບ 24 ຊົ່ວໂມງຫຼ້າສຸດຂອງສະຫະລັດ ອາເມຣິກາ ຈົນຮອດເວລາ 8:30 ໂມງ ຕາມເວລາທ້ອງຖິ່ນຂອງວັນອັງຄານ (7:30 ໂມງຂອງວັນພຸດ ປະເທດລາວ) ວ່າ ມີຜູ້ປ່ວຍໃນໄລຍະດັ່ງກ່າວ 68.524 ຄົນ ເພິ່ມສະຖິຕິສະສົມຂອງຜູ້ຕິດເຊື້ອໃນປະເທດຢ່າງໜ້ອຍ 3.891,893 ຄົນ ແລະ ປິ່ນປົວເຊົາແລ້ວ 1.182.018 ຄົນ.

ຢ່າງໃດກໍ່ຕາມ, ໃນວັນດຽວກັນໄດ້ຢືນຢັນຜູ້ເສຍຊີວິດອີກ 961 ຄົນ ເພິ່ມຈຳນວນຜູ້ເສຍຊີວິດສະສົມຈາກໂຄວິດ-19 ໃນສະຫະລັດ ອາເມຣິກາ ຢ່າງໜ້ອຍ 141.883 ຄົນ ຂະນະທີ່ ເມື່ອຈຳແນກອອກເປັນແຕ່ລະລັດພົບວ່າ ສະຖານະການໃນ 3 ລັດໃຫຍ່ທີ່ສຸດຂອງປະເທດຍັງຢູ່ຂັ້ນວິກິດ ໂດຍຜູ້ປ່ວຍສະສົມໃນລັດແຄລິຟໍເນຍ ເຊິ່ງມີປະຊາກອນຫຼາຍທີ່ສຸດຂອງອາເມຣິກາ ເພິ່ມຂຶ້ນຢ່າງໜ້ອຍ 400.769 ຄົນ ເປັນອັນດັບສອງຈາກລັດນິວຢອກ ແລະ ມີທ່າອ່ຽງທີ່ຈະແຊງຂຶ້ນໄປຢູ່ອັນດັບທຳອິດໄວໆນີ້ ຫຼັງຈາກໄດ້ຢືນຢັນຜູ້ຕິດເຊື້ອເພິ່ມອີກ 9.231 ຄົນ ແລະ ເສຍຊີວິດເພິ່ມອີກ 61 ຄົນ ສະສົມຢ່າງໜ້ອຍ 7.755 ຄົນ.

ສະຖານະການໃນລັດເທັກຊັສ ທີ່ມີປະຊາກອນອາໄສຫຼາຍທີ່ສຸດເປັນອັນດັບ 2 ພົບຜູ້ປ່ວຍໃໝ່ 9.305 ຄົນ ໃນຮອບ 24 ຊົ່ວໂມງ ຜ່ານມາ ສົ່ງຜົນໃຫ້ມີສະຖິຕິສະຖິຕິສະສົມຢ່າງໜ້ອຍ 341.739 ແລະ ເສຍຊີວິດເພິ່ມອີກ 131 ຄົນ ສະສົມຢ່າງໜ້ອຍ 4.151 ຄົນ.

ຂະນະທີ່ ສະຖານະການຂອງລັດຟຼໍຣິດາ ເຊິ່ງມີປະຊາກອນອາໄສຫຼາຍທີ່ສຸດເປັນອັນດັບ 3 ຂອງປະເທດ ໄດ້ຢືນຢັນຜູ້ປ່ວຍໃໝ່ອີກ 9.440 ຄົນ ເພິ່ມສະຖິຕິສະສົມຢ່າງໜ້ອຍ 369.834 ຄົນ ແລະ ເສຍຊີວິດເພິ່ມອີກ 134 ຄົນ ສະສົມ 5.206 ຄົນ.