ປະເທດລາວ ໄລຍະ 20-26 ເມສາ 2020 ອາກາດຍັງຈະຮ້ອນອົງເອົ້າ

9

ກົມອຸຕຸນິຍົມ ແລະ ອຸທົກກະສາດເຜີຍອາທິດນີ້ ໄລຍະວັນທີ 20 – 23 ເມສາ ຄວາມກົດດັນອາກາດຕໍ່າຂອງອາກາດຮ້ອນເອົ້າຈະປົກຄຸມຢູ່ທົ່ວທຸກພາກຂອງປະເທດລາວ ຈະເຮັດໃຫ້ອາກາດຮ້ອນ ຫາ ຮ້ອນອົບເອົ້າ ແລະ ຈະມີຝົນຕົກຟ້າຮ້ອງຟ້າເຫຼື້ອມ ໃນລະດັບຄ່ອຍ ຫາ ປານກາງ ແລະ ມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

ສ່ວນໄລຍະວັນທີ 24 – 26 ເມສາ ຄວາມກົດດັນອາກາດສູງເຮັດໃຫ້ອາກາດເຢັນ ຈະພັດລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອອນຈະເຮັດໃຫ້ອາກາດເຢັນໃນຕອນເຊົ້າ ແລະ ຈະມີຝົນຕົກໃນລະດັບຄ່ອຍ ແລະ ປານກາງພ້ອມມີລົມພັດແຮງຢູ່ບາງທ້ອງຖີ່ນ ແຂວງພາກເໜືອດ້ານຕາເວັນອອກລົງ ຫາ ພາກກາງ ແລະ ພາກໃຕ້.

ພາກເໜືອທິດຕາເວັນອອກ: ໄລຍະ 20-26 ເມສາ ອາກາດຈະໜາວເຢັນຕອນກາງຄືນ ແລະ ມີຝົນຕົກຄ່ອຍຫາປານກາງ ພ້ອມມີລົມແຮງຢູ່ບາງທ້ອງຖິ່ນແຂວງຜົ້ງສາລີ, ຫົວພັນ ແລະ ຊຽງຂວາງ. ອຸນຫະພູມຕ່ຳສຸດ 16-18 ອົງສາ ແລະ ສູງສຸດ 30-32 ອົງສາ.

ພາກເໜືອທິດຕາເວັນຕົກ: ໄລຍະ 20-23 ເມສາ ອາກາດຈະຮ້ອນຫາຮ້ອນອົບເອົ້າ ແລະ ມີໝອກແຫ້ງປົກຄຸມຢູ່ທົ່ວໄປໃນຕອນກາງເວັນ ແລະ ຈະມີຝົນຕົກໃນລະດັບຄ່ອຍ ແລະ ປານກາງ ພ້ອມມີລົມແຮງຢູ່ບາງທ້ອງຖິ່ນແຂວງບໍ່ແກ້ວ, ອຸດົມໄຊ, ຫຼວງນ້ຳທາ, ຫຼວງພະບາງ ແລະ ໄຊຍະບູລີ. ຫຼັງຈາກນັ້ນວັນທີ 24-26 ເມສາອາກາດຈະເຢັນໃນຕອນກາງຄືນເຖິງເຊົ້າ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖີ່ນ. ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 36-38 ອົງສາ.

ພາກກາງ: ໄລຍະ 20-26 ເມສາ ອາກາດຈະຮ້ອນຫາຮ້ອນອົບເອົ້າ ແລະ ມີໝອກແຫ້ງປົກຄຸມຢູ່ທົ່ວໄປໃນຕອນກາງເວັນ ແລະ ຈະມີຝົນຕົກໃນລະດັບຄ່ອຍ ແລະ ປານກາງ ພ້ອມມີລົມແຮງຢູ່ບາງທ້ອງຖິ່ນແຂວງບໍລິຄຳໄຊ, ຄຳມ່ວນ ແລະ ສະຫວັນນະເຂດ. ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 36-38 ອົງສາ.

ນະຄອນຫຼວງວຽງຈັນ: ໄລຍະ 20-26 ເມສາ ອາກາດຈະຮ້ອນຫາຮ້ອນອົບເອົ້າ ແລະ ມີໝອກແຫ້ງປົກຄຸມຢູ່ທົ່ວໄປໃນຕອນກາງເວັນ ແລະ ຈະມີຝົນຕົກໃນລະດັບຄ່ອຍ ແລະ ປານກາງ ພ້ອມມີລົມແຮງຢູ່ບາງທ້ອງຖິ່ນ. ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 35-37 ອົງສາ.

ພາກໃຕ້: ໄລຍະ 20-26 ເມສາ ອາກາດຈະຮ້ອນຫາຮ້ອນອົບເອົ້າ ແລະ ມີໝອກແຫ້ງປົກຄຸມຢູ່ທົ່ວໄປໃນຕອນກາງເວັນ ແລະ ຈະມີຝົນຕົກໃນລະດັບຄ່ອຍ ແລະ ປານກາງ ພ້ອມມີລົມແຮງຢູ່ບາງທ້ອງຖິ່ນແຂວງສາລະວັນ, ຈຳປາສັກ, ອັດຕະປຶ ແລະ ເຊກອງ. ອຸນຫະພູມຕ່ຳສຸດ 24-25 ອົງສາ ແລະ ສູງສຸດ 35-38 ອົງສາ.