ກວ່າ 100 ຄົນແລ້ວ! ຜູ້ປ່ວຍເຊື້້ອໄວຣັສໂຄວິດ-19 ໃນມຽນມາ

12

ສະຖິຕິຜູ້ປ່ວຍສະສົມຈາກເຊື້ອໄວຣັສໂຄວິດ-19 ໃນປະເທດມຽນ ເພິ່ມຂຶ້ນຢ່າງໜ້ອຍ 107 ຄົນ ແລະ ເສຍຊີວິດແລ້ວ 5 ຄົນ ຍິ່ງເພິ່ມຄວາມກັງວົນເລື່ອງການແຜ່ລະບາດໃນປະເທດ.

ສຳນັກຂ່າວຕ່າງປະເທດລາຍງານຈາກເມືອງຢາງກຸ້ງ ປະເທດມຽນມາ ເມື່ອວັນອາທິດ ທີ 19 ເມສາ ວ່າ ກະຊວງສາທາລະນະສຸກມຽນມາ ຖະແຫຼງການ ເມື່ອວັນອາທິດ ກ່ຽວກັບສະຖານະການຂອງເຊື້ອໄວຣັສໂຄວິດ-19 ໃນຮອບວັນ ຜ່ານມາ ວ່າ ຢືນຢັນພົບຜູ້ປ່ວຍໃໝ່ອີກ 9 ຄົນ ເພິ່ມສະຖິຕິຜູ້ປ່ວຍສະສົມ ຢ່າງ ໜ້ອຍ 107 ຄົນ.

ທັງນີ້, ໃນກຸ່ມຜູ້ປ່ວຍທີ່ກວດພົບຫຼ້າສຸດນັ້ນ ອາຍຸນ້ອຍທີ່ສຸດ ເປັນເດັກຊາຍ ອາຍຸພຽງ 1 ປີເຄິ່ງ ແລະ ຜູ້ປ່ວຍທຸກຄົນບໍ່ມີປະຫວັດການເດີນທາງໄປຕ່າງປະເທດ ໃນຮອບ 2 ອາທິດ ຜ່ານມາ. ແຕ່ມີປະຫວັດສຳຜັດໃກ້ຊິດກັບຜູ້ປ່ວຍກ່ອນໜ້ານີ້. ຂະນະທີ່ ສະຖິຕິຜູ້ເສຍຊີວິດເພິ່ມຂຶ້ນຢ່າງໜ້ອຍ 5 ຄົນ ໂດຍຄົນຫຼ້າສຸດ ແມ່ນຜູ້ປ່ວຍຄົນທີ 86 ເປັນຊາຍຊາວມຽນມາ ອາຍຸ 78 ປີ ອາໄສຢູ່ເມືອງຢາງກຸ້ງ ເຂົ້າຮັບການປິ່ນປົວຢູ່ໂຮງໝໍ ເມື່ອວັນທີ 15 ເມສາ, ໄດ້ຮັບການຢືນຢັນຕິດເຊື້ອເມື່ອວັນທີ 17 ເມສາ ແລະ ເສຍຊີວິດ ເມື່ອວັນທີ 18 ເມສາ ຜ່ານມາ

ລະຫວ່າງຄວາມກັງວົນກ່ຽວກັບການແຜ່ລະບາດຂອງໄວຣັສໂຄວິດ-19 ພາຍໃນປະເທດ ທາງລັດຖະບານມຽນມາອອກຄຳສັ່ງປິດເມືອງໃນໄລຍະກາງຄືນ ຢູ່ນະຄອນຫຼວງເນປິດໍ, ເມືອງຢາງກຸ້ງ ແລະ ເມືອງມັນທາເລ ພ້ອມທັງຫ້າມຢູ່ຮວມກຸ່ມກັນກາຍ 5 ຄົນ ຕັ້ງແຕ່ວັນເສົາ ຜ່ານມາ.