ສິງກະໂປ ເລິ່ມວິກິດໜັກ ຜູ້ປ່ວຍໂຄວິດ-19 ເພິ່ມາູງກວ່າ 5 ພັນຄົນ

14

ຈຳນວນຜູ້ປ່ວຍສະສົມຈາກໂຄວິດ-19 ໃນປະເທດສິງກະໂປ ເພິ່ມຂື້ນຫຼາຍກວ່າ 5.000 ຄົນ ຫຼັງຈາກກວດພົບການຕິດເຊື້ອເປັນກຸ່ມໃຫຍ່ໃນບັນດາແຮງງານຕ່າງດ້າວ ສ່ວນຜູ້ເສຍຊີວິດເພິ່ມຂຶ້ນເປັນ 11 ຄົນ.

ສຳນັກຂ່າວຕ່າງປະເທດລາຍງານຈາກປະເທດສິງກະໂປ ເມື່ອວັນເສົາ ທີ 18 ເມສາ ວ່າ ກະຊວງສາທາລະນະສຸກສິງກະໂປ ຖະແຫຼງການ ເມື່ອວັນເສົາ ໂດຍເປັນການລາຍງານປະຈຳວັນກ່ຽວກັບສະຖານະການຂອງພະຍາດໂຄວິດ-19 ວ່າ ມີຜູ້ເສຍຊີວິດເພິ່ມອີກ 1 ຄົນ “ຜູ້ປ່ວຍຄົນທີ 3.145″ ເປັນຊາຍຊາວສິງກະໂປ ອາຍຸ 95 ປີ ໄດ້ຮັບການຢືນຢັນວ່າ ຕິດເຊື້ອເມື່ອວັນທີ 13 ເມສາ ຜ່ານມາ.

ຢ່າງໃດກໍ່ຕາມ, ການເສຍຊີວິດຂອງຊາຍຄົນດັ່ງກ່າວແມ່ນເພິ່ມຈຳນວນຜູ້ເສຍຊີວິດສະສົມ ຢ່າງໜ້ອຍ 11 ຄົນ ໃນນັ້ນມີຄົນຕ່າງປະເທດຮວມຢູ່ນຳ. ຂະນະດຽວກັນ ໃນວັນດຽວກັນໄດ້ຢືນຢັນກວດພົບຜູ້ປ່ວຍໃໝ່ເພິ່ມອີກ 623 ຄົນ ເພິ່ມສະຖິຕິຜູ້ປ່ວຍສະສົມຢ່າງໜ້ອຍ 5.050 ຄົນ. ໃນນັ້ນ 69% ແມ່ນເປັນການກວດພົບຜູ້ຕິດເຊື້ອຢູ່ຮວມກັນເປັນກຸ່ມໃຫຍ່ ແລະ ແອອັດ. ສ່ວນທີ່ເຫຼືອແມ່ນຍັງຢູ່ຂັ້ນຕອນການສືບສວນ ສ່ວນປິ່ນປົວເຊົາມີເພິ່ມອີກ 25 ຄົນ ຍອດສະສົມຢ່າງໜ້ອຍ 708 ຄົນ.

ອີກປະການໜຶ່ງ ລັດຖະບານສິງກະໂປໄດ້ຍົກລະດັບມາດຕະການຄວບຄຸມທາງສັງຄົມ ໂດຍໃຊ້ຄຳສັ່ງ “Circuit Breaker” ເພື່ອຢຸດຢັ້ງການແຜ່ລະບາດຂອງພະຍາດດັ່ງກ່າວ ເປັນໄລຍະ 1 ເດືອນ ເລິ່ມແຕ່ວັນທີ 7 ເມສາ ຜ່ານມາ ເຊິ່ງການວິເຄາະໂດຍກະຊວງສາທາລະນະສຸກສິງກະໂປ ກ່າວວ່າ ຄຳສັ່ງດັ່ງກ່າວຊ່ວຍຫຼຸດອັດຕາການແຜ່ລະບາດຢູ່ໃນຊຸມຊົນ ຈາກສະເລ່ຍ 40 ກໍລະນີຕໍ່ອາທິດ ກ່ອນທີ່ມາດຕະການ Circuit Breaker ຈະເກີດຂຶ້ນ ຫຼຸດລົງມາໂດຍສະເລ່ຍ 32 ກໍລະນີ ເມື່ອອາທິດ ຜ່ານມາ.

ຂະນະທີ່ ອັດຕາສ່ວນຂອງຜູ້ຕິດເຊື້ອສ່ວນຫຼາຍ ໃນໄລຍະຜ່ານມາແມ່ນກວດພົບຢູ່ຫໍພັກແຮງງານຕ່າງດ້າວ ເຊິ່ງທາງກະຊວງສາທາລະນະສຸກ ປະກາດໃຫ້ຫໍພັກຕ່າງດ້າວເປັນພື້ນທີ່ຄວບຄຸມ 3 ແຫ່ງ ເພິ່ມໃຫ້ຫໍພັກແຮງງານຕ່າງດ້າວຢູ່ພາຍໃຕ້ມາດຕະການຄວບຄຸມຢ່າງໜ້ອຍ 12 ແຫ່ງ.