ຮ້ານອາຫານອິຕາລີຈັດກິດຈະກຳເຮັດພິຊຊາຊອກທຶນຊ່ວຍນັກດັບເພີງໄຟປ່າອົສຕຣາລີ

21

ຮ້ານອາຫານອິຕາລີແຫ່ງໜຶ່ງ ໃນປະເທດອົສຕຣາລີ ຈັດກິດຈະກຳເຮັດພິຊຊາມາກາຣິດຕ້າ ຂະໜາດ ຍາວ 103 ແມັດ ເພື່ອລະດົມທຶນຊ່ວຍເຫຼືອເຈົ້າໜ້າທີ່ດັບເພີງທີ່ມອດໄຟປ່າໃນປະເທດ.

ສຳນັກຂ່າວຣອຍເຕີ ລາຍງານຈາກນະຄອນຊິດນີ ປະເທດອົສຕຣາລີ ເມື່ອວັນພຸດ ທີ 22 ມັງກອນ ວ່າ ຮ້ານອາຫານອິຕາລີ ຊື່ ເພຼເລກຣິນີ (Pellegrini) ໃນນະຄອນຊິດນີ ໄດ້ຈັດກິດຈະກຳເຮັດພິຊຊາມາກາຣິດຕ້າ ຍາວ 103 ແມັດ ຮູບຊົງສີ່ຫຼ່ຽມຍາວ, ໜຶ່ງປ່ຽງ ຍາວ 1 ແມັດ ແລ້ວນຳມາຕໍ່ກັນທາໜ້າດ້ວຍຊັອກໝາກເລັ່ນ ແບະ ມອຊຊາເຣລລ່າຊີສ ກ່ອນນຳໄປອົບໃນເຕົນ ຈາກນັ້ນໂຮຍໜ້າດ້ວຍໃຊບົວລະພາ ອໍຣິກາໂນ່ ແລະ ນ້ຳມັນໝາກກອກ.

ການປຸງແຕ່ງພິຊຊາ ໃຊ້ເວລາ 4 ຊົ່ວໂມງ ແລະ ຫຼັງຈາກນັ້ນ ໄດ້ຕັດແບ່ງເປັນ 4.000 ປ່ຽງ ແລ້ວຂາຍ ຫາລາຍໄດ້ເງິນໄປມອບໃຫ້ກັບສຳນັກງານດັບເພີງຊົນນະບົດລັດນິວເຊົາເວລສ໌ ເພື່ອນຳໃຊ້ໃນການມອດໄຟປ່າໃນປະເທດອົສຕຣາລີ ທີ່ກຳລັງລຸກໄໝ້ໃນໄລຍະນີ້.

ທາງຮ້ານອາຫານອິຕາລີ ເພຼເລກຣີຍັງໄດ້ຈັດການແຂ່ງຂັນທວາຍວ່າ ທາງຮ້ານໃຊ້ແປ້ງປະລິມານເທົ່າໃດເຮັດພິຊຊາ.