ໜ່ວຍດັບເພີງອົສຕຣາລີ ໃຊ້ວິທີສຸດທ້າຍມີຄວາມສ່ຽງສູງ “ໃຊ້ໄຟດັບໄຟ”

By
laosdailynews
-
21

ເຈົ້າໜ້າທີ່ດັບເພີງຂອງປະເທດອົສຕຣາລີໃຊ້ກົນລະຍຸດ “ຈູດໄຟເຜົາກັບ” ໂດຍການຈູດທົ່ງຫຍ້າໃຫ້ເກີດໄຟໄໝ້ສວານກັບເສັ້ນທາງໄຟປ່າທີ່ກຳລັງລຸກໄໝ້ຢູ່ ແຕ່ຍອມຮັບເປັນ ທາງອອກສຸດທ້າຍ ທີ່ອາດຈະຊ່ວຍສະກັດໄຟປ່າ ທາງພາກຕາເວັນອອກຂອງປະເທດ ເຊິ່ງແຜ່ລາມມາ 2 ເດືອນແລ້ວ.

ສຳນັກຂ່າວຕ່າງປະເທດລາຍງານຈາກນະຄອນຊິດນີ ປະເທດອົສະຕຣາລີ ເມື່ອວັນອັງຄານ ທີ 10 ທັນວາ ວ່າ ສຳນັກງານດັບເພີງ ນິວ ເຊົາ ເວລສ໌ ພາກຕາເວັນອອກສຽງໃຕ້ ຂອງອົສຕຣາລີ ລາຍງານວ່າ ວິກິດໄຟໄໝ້ປ່າໃນພື້ນທີ່ ແລະ ໃນລັດໃກ້ຄຽງ ຍັງມີຄວາມຮຸນແຮງຕໍ່ເນື່ອງ ຫຼັງຜ່ານມາ 2 ເດືອນ ໂດຍໄຟປ່າຍັງລຸກໄໝ້ລວມກັນ ຫຼາຍກວ່າ 100 ຈຸດ ໃນລັດນິວ ເຊົາ ເວລສ໌ ແລະ ລັດວິກຕໍເຣຍ ທີ່ຢູ່ຕິດກັນ (New South Wales & Victoria). ໃນສ່ວນຂອງລັດນິວ ເຊົາ ເວລສ໌ ນັ້ນ ເຈົ້າໜ້າທີ່ໄດ້ຕັດສິນໃຈໃຊ້ວິທີການທີ່ຖືກພິຈາລະນາເປັນ “ທາງເລືອກສຸດທ້າຍ ແລະ ມີຄວາມສ່ຽງຫຼາຍທີ່ສຸດ” ໃນການຈຳ ກັດການຂະຫຍາຍລັດສະໝີການໄໝ້ທຳລາຍພື້ນທີ່ປ່າ ເຊິ່ງເປັນການເຮັດແລວກັນໄຟດ້ວຍການໃຊ້ໄຟຈູດທົ່ງຫຍ້າເພື່ອໃຫ້ເກີດໄຟໄໝ້ສວານທາງກັບໄຟປ່າທີ່ກຳລັງໄໝ້ຢູ່ແລ້ວ ເນື່ອງຈາກຄວາມຮຸນແຮງຂອງໄຟປ່າກຳລັງລາມເຂົ້າໃກ້ຊຸມຊົນຫຼາຍແລ້ວ.

ທັງນີ້ ວິທີການດັ່ງກ່າວ ເອີ້ນວ່າ “ການຈູດໄຟສວານກັບ” ເຊິ່ງເມື່ອແລວໄຟຈາກທົ່ງຫຍ້າໄປບັນຈົບກັບໄຟທີ່ກຳລັງແຜ່ລາມຢູ່ ຈະເກີດເປັນປະຕິກິລິຍາ ແລະ ໄຟຈະດັບໄປເອງ. ຢ່າງໃດກໍ່ຕາມ, ເຈົ້າໜ້າທີ່ຍອມຮັບວ່າ ວິທີການນີ້ຕ້ອງໃຊ້ຄວາມຊໍານານຫຼາຍ ເນື່ອງຈາກຖ້າເກີດຄວາມຜິດພາດພຽງໜ້ອຍດຽວແລວໄຟທີ່ຈູດສວານກັບຈະກາຍເປັນແລ້ວໄຟໄໝ່ທີ່ລຸກລາມເພິ່ມຂຶ້ນອີກ ເພີ່ມອຸປະສັກໃຫ້ແກ່ພະນັກງານດັບເພີງໃນການຄວບຄຸມສະຖານະການ.

ອີກປະການໜຶ່ງ ໄຟປ່າໃນພາກຕາເວັນອອກຂອງອົສຕຣາລີ ທີ່ເລີ່ມລຸກໄໝ້ຂື້ນ ເມື່ອເດືອນພະຈິກ ຜ່ານມາ ສົ່ງຜົນໃຫ້ມີຜູ້ເສຍຊີວິດ 4 ຄົນ, ສິ່ງປຸກສ້າງ ແລະ ອາຄານ ເກືອບ 700 ແຫ່ງ ແລະ ເນື້ອທີ່ຫຼາຍກ່ວາ 1 ລ້ານເຮັກຕາ ໄຟໄໝ້ທຳລາຍ ລວມທັງທີ່ຢູ່ອາໄສຂອງໝີໂຄອາລາ ທີ່ຕາຍແລ້ວຈຳນວນຫຼາຍ. ນອກຈາກນີ້, ການດັບໄຟປ່າຍັງກໍ່ໃຫ້ເກີດຜົນທີ່ຫຼີກລ່ຽງບໍ່ໄດ້ ນັ້ນຄືໝອກຄັວນພິດທີ່ປົກຄຸມໄປທົ່ວ ສ້າງຄວາມຫຍຸ້ງຍາກໃຫ້ແກ່ປະຊາຊົນໃນການດຳເນີນຊີວິດ.

RELATED ARTICLESMORE FROM AUTHOR