ບຸນຊ່ວງເຮືອທ່າວັດຈັນ ປີ 2019 ນີ້ ແຍກຈັດການແຂ່ງຂັນ ຢູ່ສອງໜ້ານໍ້າ

140

ບຸນຊ່ວງເຮືອທ່າວັດຈັນ ນະຄອນຫຼວງວຽງຈັນປີນີ້ ໄດ້ແຍກໜ້ານໍ້າຈັດການແຂ່ງຂັນ ຢູ່ 2 ຈຸດຄື ຢູ່ຫາດດອນຈັນ ແຂ່ງເຮືອນ້ອຍ 12 ສີພາຍ, ສ່ວນເຮືອປະເພນີ – ເຮືອສູດຈັດແຂ່ງຢູ່ຈຸດເກົ່າຂອງປີຜ່ານມາຄືໜ້າໂຮມແຮມແລນມາກ.

ຫ້ອງວ່າການປົກຄອງນະຄອນຫຼວງວຽງຈັນ ອອກແຈ້ງການເລກທີ 0386/ຫວນວ ລົງວັນທີ 9 ຕຸລາ 2019 ເລື່ອງ ການກະກຽມບຸນອອກພັນສາປະວໍລະນາ ແລະ ບຸນຊ່ວງເຮືອນະຄອນຫຼວງວຽງຈັນປະຈໍາປີ 2019

ອີງຕາມການລາຍງານຂອງຄະຮະຮັບຜິດຊອບຈັດງານບຸນອອກພັນສາ ແລະ ບຸນຊ່ວງເຮືອປະຈໍາປີ 2019 ແລະ ຫ້ອງການຄະນະກໍາມະການປ້ອງກັນຊາດ  – ປ້ອງກັນຄວາມສະຫງົບນະຄອນຫຼວງວຽງຈັນຄັ້ງວັນທີ 9 ຕຸລາ 2019.

ບຸນຊ່ວງເຮືອທ່າວັດຈັນ ປີ 1969

ອີງຕາມການຊີ້ນໍາຂອງກອງປະຊຸມຄະນະປະຈໍາພັກນະຄອນຫຼວງວຽງຈັນ  ຄັ້ງທີ 79 ສະໄໝທີ 6 ຄັ້ງວັນທີ 9 ຕຸລາ 2019.

ຫ້ອງວ່າການປົກຄອງນະຄອນຫຼວງວຽງຈັນ ຖືເປັນກຽດແຈ້ງການຕົກລົງ ແລະ ທິດຊີ້ນໍາຂອງກອງປະຊຸມຄະນະປະຈໍາພັກນະຄອນຫຼວງວຽງຈັນ ມາຍັງທ່ານດັ່ງນີ້:

1. ເຫັນດີໃຫ້ຈັດການແຂ່ງຂັນຊ່ວງເຮືອນ້ອຍ, ເຮືອກີລາ 12 ສີພາຍຢູ່ຫາດດອນຈັນ ເມືອງຈັນທະບູລີນະຄອນຫຼວງວຽງຈັນໃນວັນທີ 13 ຕຸລາ 2019ໂດຍໃຫ້ຈັດໃນລະດັບຂັ້ນເມືອງ, ສ່ວນວັນທີ 14 ຕຸລາ 2019 ໃຫ້ຈັດແຂ່ງຂັນຊ່ວງເຮືອໃຫຍ່, ເຮືອປະເພນີຍິງ  – ຊາຍ ແລະ ເຮືອສູດຢູ່ແຄມຂອງບໍລິເວນໂຮງແຮມແລນມາກໂດຍແມ່ນການຈັດງານແຂ່ງຂັນຂັ້ນນະຄອນຫຼວງວຽງຈັນ.

ບັນຊ່ວງເຮືອທ່າວັດຈັນ ປີ 2018

2. ມອບໃຫ້ຄະນະຈັດງານບຸນອອກພັນສາປະວໍລະນາ ແລະ ບຸນຊ່ວງເຮືອປະຈໍາປີ 2019 ເປັນເຈົ້າການສົມທົບກັບພາກສ່ວນທີ່ກ່ຽວຂ້ອງ ເພື່ອຈັດຕັ້ງປະຕິບັດຕາມຈຸດປະສົງຄາດໝາຍທີ່ວາງໄວ້ ໂດຍສະເພາະແມ່ນການຮັກສາຄວາມເປັນລະບຽບຮຽບຮ້ອຍ, ຄວາມສະຫງົບປອດໄພ, ໃຫ້ລາຍງານພາກສ່ວນຕ່າງທທີ່ກ່ຽວຂ້ອງຮັບຊາບ.

3. ໃຫ້ຫ້ອງການຄະນະກໍາມະການ ປກຊ – ປກສ ສົມທົບກັບຫ້ອງວ່າການ ແລະ ພະແນກການຕ່າງປະເທດ ນະຄອນຫຼວງວຽງຈັນ ເພື່ອປະສານແຂວງໜອງຄາຍ ຣາຊະອານາຈັກໄທຕື່ມ ແລະ ເຊີນເຂົ້າຮ່ວມການແຂ່ງຂັນ.

ຂໍໃຫ້ທຸກທ່ານຮັກສາຄວາມສະຫງົບ, ຄວາມສະອາດ ແລະ ສະໜຸກສະໜານໄປກັບງານບຸນຊ່ວງເຮືອທີ່ໃກ້ຈະເຖິງນີ້