ວິກິດໄຂ້ໝາກແດງ! ລັດວໍຊິງຕັນເຂັ້ມງວດຕ້ອງສັກຢາປ້ອງກັນພະຍາດກ່ອນ ຈຶ່ງເຂົ້າຮຽນໄດ້

134

ລັດວໍຊິງຕັນເຂັ້ມງວດ ນັກຮຽນຕ້ອງສັກຢາປ້ອງກັນພະຍາດໄຂ້ໝາກແດງ, ໝາກເບີດ ຈຶ່ງເຂົ້າຮຽນໄດ້ ຫຼື ຍົກເວັ້ນໄດ້ ແຕ່ຕ້ອງມີເຫດຜົນຊັດເຈນ.

ສຳນັກຂ່າວຕ່າງປະເທດ ລາຍງານຈາກເມືອງຊານຟານຊິສໂກ ເມື່ອວັນອາທິດ ທີ 29 ກັນຍາ ວ່າ ລາຍງານຈາກໜັງສືພິມຊີແອັດເທິລ ທາມສ໌ ລາຍງານເມື່ອບໍ່ດົນມານີ້ວ່າ ນັກຮຽນຫຼາຍພັນຄົນ ໃນໂຮງຮຽນຂອງລັດຖະບານນະຄອນຫຼວງວໍຊິງຕັນ ອາດຈະຖືກສັ່ງຫ້າມບໍ່ໃຫ້ເຂົ້າຮຽນ ເນື່ອງຈາກບໍ່ປະຕິບັດຕາມກົດໝາຍໃໝ່ ທີ່ມີຂໍ້ບັງຄັບຕ້ອງຜ່ານການສັກຢາປ້ອງກັນພະຍາດ ເຊິ່ງມີຜົນບັງຄັບໃຊ້ເມື່ອ 2 ເດືອນ ຜ່ານມາ.

ຫຼັງການເປີດສົກຮຽນໃໝ່ເມື່ອ 2 – 3 ອາທິດ ຜ່ານມາ ເຂດການສຶກສາທົ່ວລັດວໍຊິງຕັນ ກຳລັງເລັ່ງດຳເນີນການດ້ານເອກະສານສຳລັບນັກຮຽນ  ແລະ ສົ່ງເອກະສານແຈ້ງເຕືອນ “ຄັ້ງສຸດທ້າຍ” ໄປເຖິງຄອບຄົວທີ່ບໍ່ໄດ້ພາລູກຫຼານໄປສັກຢາປ້ອງກັນພະຍາດ ຕາມຂໍ້ບັງຄັບຂອງກົດໝາຍທີ່ກຳ ນົດໄວ້ໃນລະບຽບການ.

ສຳລັບນັກຮຽນໃນໂຮງຮຽນລັດຖະບານເມືອງຊີແອັດເທິລ ຖ້າມີບຸກຄົນໃດບໍ່ໄດ້ສັກຢາປ້ອງກັນພະຍາດໄຂ້ໝາກແດງ, ໝາກເບີດ, ໄຂ້ໝາກແດງເຢຍລະມັນ (MMR) ພາຍໃນກາງເດືອນຕຸລາ ທາງໂຮງຮຽນຈະສົ່ງຈົດໝາຍ “ເຕືອນກ່ອນການເຊີນອອກ” ໃຫ້ແກ່ຄອບຄົວ ເພື່ອໃຫ້ເວລາໄລຍະ 30 ວັນ ໄປສັກຢາປ້ອງກັນເຊື້ອ ພ້ອມໃຫ້ຍື່ນຫຼັກຖານວ່ານັກຮຽນກຳລັງຢູ່ໃນຂັ້ນຕອນການສັກຢາປ້ອງກັນພະຍາດ ຫຼື ສະແດງເຫດຜົນເພື່ອໃຫ້ຍົກເວັ້ນໃນດ້ານດ້ານສາສະໜາ ຫຼື ທາງການແພດ.

ກົດລະບຽບໃໝ່ນີ້ ເຮັດໃຫ້ຜູ້ປົກຄອງບໍ່ສາມາດລະເວັ້ນການພາລູກໄປສັກຢາ ດ້ວຍເຫດຜົນທາງຄວາມເຊື່ອ ຫຼື ເຫດຜົນສ່ວນຕົວ ຖ້າຕ້ອງການໄດ້ຮັບການຍົກເວັ້ນ ຈະຕ້ອງເປັນເຫດຜົນທາງສາສະ ໜາ ຫຼື ທາງການແພດເທົ່ານັ້ນ.

ອີກປະການໜຶ່ງ ກົມອະນາໄມນະຄອນຫຼວງວໍຊິງຕັນ ກ່າວວ່າ ປີນີ້ ມີລາຍງານພົບຜູ້ປ່ວຍເປັນໄຂ້ໝາກແດງແລ້ວ 86 ຄົນ ເຊິ່ງເປັນສະຖິຕິສູງສຸດຂອງລັດ ນັບແຕ່ປີ 1990.