ອິນໂດເນເຊຍ – ມາເລເຊຍ ພິພາດກັນເລື່ອງໝອກຄວັນໄຟປ່າ

169

ລັດຖະບານອິນໂດເນເຊຍ ກ່າວວ່າໄຟປ່າບາງສ່ວນເທິງເກາະບໍນຽວ ໄດ້ເກີດລຸກໄໝ້ຂື້ນໃນເຂດແດນຂອງປະເທດມາເລເຊຍເຊັ່ນກັນ ສົ່ງຜົນໃຫ້ເກີດມີຂໍ້ຂັດແຍ່ງກັນເລື່ອງໝອກຄັວນພິດຈາກໄຟປ່າ ລະຫວ່າງສອງປະເທດຍິ່ງມີຄວາມເຄັ່ງຕຶງຍິ່ງຂຶ້ນ ຂະນະທີ່ ສະໜາມບິນແຫ່ງໜຶ່ງ ເທິງເກາະສຸມາຕຣາ ຕ້ອງຢຸດການໃຫ້ບໍລິການເນື້ອງຈາກໝອກຄັວກປົກຄຸມໜາແໜ້ນ.

ສຳນັກຂ່າວຕ່າງປະເທດລາຍງານຈາກນະຄອນຫຼວງຈາກາຕ້າ ປະເທດອິນໂດເນເຊຍ ເມື່ອວັນເສົາ ທີ 14 ກັນຍາ ວ່າ ທ່ານນາງສິຕີ ນູບາຍາ ບາກາຣ໌ ລັດຖະມົນຕີກະຊວງສິ່ງແວດລ້ອມຂອງອິນໂດເນເຊຍ ກ່າວເມື່ອວັນສຸກ ວ່າ ລັດຖະບານຈາກາຕ້າ ກຳລັງພະຍາຍາມຢ່າງສຸດຄວາມສາມາດ ໃນການຄວບຄຸມໄຟ ປ່າໃນພື້ນທີ່ສ່ວນໃຫຍ່ຂອງເກາະສຸມາຕຣາ ແລະ ເກາະບໍນຽວ. ຢ່າງໃດກໍ່ຕາມ ທ່ານໄດ້ກ່າວວ່າ ບໍລິສັດຂອງປະເທດມາເຊຍ ຢ່າງໜ້ອຍ 4 ແຫ່ງ ເຊິ່ງຊື້ທີ່ດິນເທິງເກາະແລ້ວຈູດຖາງປ່າສຳລັບເນື້ອທີ່ປູກພືດ ໂດຍໜ່ວຍງານຂອງອິນໂດເນເຊຍ ໄດ້ເຕືອນໄປເຖິງບໍລິສັດເຈົ້າຂອງທີ່ດິນທັງ 4 ແຫ່ງ ໃຫ້ປິດກັ້ນພື້ນທີ່ເພື່ອຄວບຄຸມໄຟແລ້ວ. ນອກຈາກນີ້ ລັດຖະບານຈາກາຕ້າ ຍັງກວດພົບໄຟປ່າໃນລັດຊາຣາວັກ ຂອງປະເທດມາເລເຊຍ ທີ່ຕັ້ງຢູ່ເທິງເກາະບໍນຽວ ເຊັ່ນກັນ.

ທັງນີ້ ກະຊວງສິ່ງແວດລ້ອມອິນໂດເນເຊຍ ເປີດເຜີຍຊື່ 4 ບໍລິສັດຂອງປະເທດມາເລເຊຍ ເຊິ່ງສ່ວນໃຫຍ່ມີສຳນັກງານໃຫຍ່ ຢູ່ໃນນະຄອນຫຼວງກົວລາລຳເປີ ໜຶ່ງໃນນັ້ນແມ່ນບໍລິສັດໄອໂອໄອ ຄໍປໍເຣຊັ່ນ ທີ່ໄດ້ອອກຖະແຫຼງການໃນເວລາຕໍ່ມາ ວ່າ ບໍລິສັດສາຂາໃນປະເທດອິນໂດເນເຊຍ ຄື ບໍລິສັດເອັສເຄເອັສ ບໍ່ເຄີຍໄດ້ຮັບແຈ້ງການຈາກລັດຖະບານຈາກາຕ້າກ່ຽວກັບການປິດພື້ນທີ່ເພື່ອສະກັດກັ້ນໄຟ ແຕ່ຍອມຮັບວ່າ ຫຼາຍຄັ້ງໄຟປ່າຂະໜາດນ້ອຍໄດ້ເກີດຂື້ນໃນເນື້ອທີ່ດິນຂອງບໍລິສັດ ແລະ “ສາມາດມອດໄດ້ໝົດແລ້ວ”.

ຂະນະທີ່ ທາງການແຂວງຣີເຍົາ ທີ່ຕັ້ງຢູ່ທາງທິດຕາເວັນອອກຂອງເກາະສຸມາຕຣາ ຂອງອິນໂດເນເຊຍ  ປະກາດປິດສະໜາມບິນຫຼັກ ໃນເມືອງເປີກັນບາຣູ ເຊິ່ງເປັນເມືອງໃຫຍ່ແລ້ວ. ເນື່ອງຈາກໝອກຄັວນປົກຄຸມໜ້າຟ້າຈຶ່ງເບິ່ງເຫັນວິໄສທັດ ແລະ ຍັງກະທົບຕໍ່ສະໜາມບິນດູໄມ ເຊິ່ງເປັນສະໜາມບິນແຫ່ງໜຶ່ງໃນເມືອງເຊັ່ນກັນ.