ອຸຕຸລາຍງານ ພາກກາງ ຈະມີຝົນຕົກໜັກ

178

ກົມອຸຕຸນິຍົມ ແລະ ອຸທົກກະສາດ ໄດ້ລາຍງານສະພາບອາກາດປະຈໍາວັນພຸດ ທີ 11 ກັນຍາ 2019 ວ່າ: ຮ່ອງຄວາມກົດດັນຕໍ່າໄດ້ພັດຜ່ານຢູ່ແຂວງພາກເໜືອດ້ານຕາເວັນອອກຂອງປະເທດລາວດ້ວຍກໍາລັງອ່ອນ ຫາ ປານກາງ, ສົມທົບກັບລົມມໍລະສຸມຕາເວັນຕົກສຽງໃຕ້ພັດປົກຄຸມເປັນສ່ວນໃຫຍ່ ເຊິ່ງລັກສະນະເຊັ່ນນີ້ ຈະເຮັດໃຫ້ມີຝົນຕົກ ໃນລະດັບຄ່ອຍຢູ່ທົ່ວໄປ ແລະ ຕົກປານກາງ ຫາ ໜັກຢູ່ບາງທ້ອງຖິ່ນແຂວງພາກກາງ.

ພາກເໜືອດ້ານຕາເວັນອອກ: ຈະມີຝົນຕົກ ໃນລະດັບຄ່ອຍທົ່ວໄປ ແລະ ຕົກປານກາງຢູ່ບາງທ້ອງຖິ່ນ ອຸນຫະພູມ ລະຫວ່າງ 18-27 ອົງສາ.

ພາກເໜືອດ້ານຕາເວັນຕົກ: ຈະມີຝົນຕົກ ໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງ ພ້ອມມີລົມພັດແຮງເປັນບາງໂອກາດບາງທ້ອງຖິ່ນແຂວງຫຼວງນໍ້າທາ, ຫຼວງພະບາງ ແລະ ໄຊຍະບູລີ. ອຸນຫະພູມ ລະຫວ່າງ 22-32 ອົງສາ.

ພາກກາງ: ອາກາດຮ້ອນ ແລະ ຈະມີຝົນຕົກ ໃນລະດັບຄ່ອຍຢູ່ທົ່ວໄປ ແລະ ຕົກປານກາງຢູ່ບາງທ້ອງຖິ່ນແຂວງ ວຽງຈັນ, ບໍລິຄຳໄຊ ແລະ ຄຳມ່ວນ. ອຸນຫະພູມ ລະຫວ່າງ 25-33 ອົງສາ.

ສະເພາະ ແຂວງໄຊສົມບູນ ຈະມີຝົນຕົກ ໃນລະດັບຄ່ອຍ ຫາ ປານກາງ ພ້ອມມີລົມພັດແຮງເປັນບາງໂອກາດ ອຸນຫະພູມ ລະຫວ່າງ 19-27 ອົງສາ. ສ່ວນນະຄອນຫຼວງວຽງຈັນຈະມີຝົນຕົກ ລະດັບຄ່ອຍ ພ້ອມມີລົມພັດແຮງເປັນບາງໂອກາດໃນຕອນບ່າຍ ຫາ ກາງຄືນ. ອຸນຫະພູມ ລະຫວ່າງ 27-33 ອົງສາ.

ພາກໃຕ້: ຈະມີຝົນຕົກໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງຢູ່ບາງທ້ອງຖິ່ນ ອຸນຫະພູມ ລະຫວ່າງ 23-30 ອົງສາ. ສໍາລັບເຂດພູພຽງບໍລິເວນ ຈະມີຝົນຕົກໃນລະດັບຄ່ອຍ ຫາ ປານກາງ ພ້ອມຈະມີລົມພັດແຮງເປັນບາງໂອກາດ ອຸນຫະພູມ ລະຫວ່າງ 14-25 ອົງສາ.

Credit: ກົມອຸຕຸນິຍົມ ແລະ ອຸທົກກະສາດ