ພາຍຸ ພັດຖະຫຼົ່ມ ປະເທດໂປແລນ ເສຍຊີວິດ 5 ຄົນ

142

ພົບສົບຜູ້ເສຍຊີວິດຢ່າງໜ້ອຍ 5 ຄົນ ແລະ ໄດ້ຮັບບາດເຈັບ ກວ່າ 100 ຄົນ ເມື່ອວັນພະຫັດ ຜ່ານມາ ຈາກພາຍຸຝົນຕົກໜັກກະທັນຫັນໃນປະເທດໂປແລນ ແລະ ເທິງພູທາທຣາ ຝັ່ງປະເທດສະໂລວາເກຍ.

ສຳນັກຂ່າວເອເອັຟພີ ລາຍງານຈາກນະຄອນຫຼວງວໍຊໍ ປະເທດໂປແລນ ເມື່ອວັນສຸກ ທີ 23 ສິງຫາ ວ່າ ສຳນັກຂ່າວພີເອພີຂອງໂປແລນ ໄດ້ລາຍງານການເປີດເຜີຍຂອງທ່ານແຢນ ຄຣິສຕອຟ ຫົວໜ້າໜ່ວຍກູ້ໄພເທິງພູຂອງໂປແລນ ວ່າ ພົບຜູ້ເສຍຊີວິດຢ່າງ ໜ້ອຍ 5 ຄົນ ຈຳນວນນີ້ ເປັນເດັກນ້ອຍ 2 ຄົນ ເມື່ອວັນພະຫັດ ຜ່ານມາ ເນື່ອງມາຈາກພາຍຸຝົນຕົກໜັກ ກະທັນຫັນເທິງພູທາທຣາ ທັງໃນຝັ່ງປະເທດໂປ ແລນ ປະເທດສະໂລວາເກຍ ແຕ່ຜູ້ເຄາະຮ້າຍສ່ວນຫຼາຍແມ່ນຢູ່ຝັ່ງປະເທດໂປແລນ ເນື່ອງຈາກເກີດເຫດຟ້າຜ່າລົງມາໃສ່ໄມ້ກາງແຂນໂລຫະຂະໜາດໃຫຍ່ຢູ່ເທິງຈອມພູຈີວອງ ແລະ ຍັງມີທີ່ພັກອາໄສທີ່ເຮັດດ້ວຍໂລຫະຕັ້ງຢູ່ໃກ້ບໍລິເວນຈອມພູດ້ວຍ. ສ່ວນທາງຝັ່ງປະເທດສະໂລວາເກຍ ພົບຜູ້ເສຍຊີວິດ 1 ຄົນ, ຫົວ ໜ້າໜ່ວຍກູ້ໄພເພິງພູຂອງໂປແລນ ກ່າວຕື່ມວ່າ ມີເຫດການເກີດຂຶ້ນຫຼາຍຈຸດລວມທັງຟ້າຜ່າຢູ່ເທິງພູທາທຣາ.

ສ່ວນນາຍົກລັດຖະມົນຕີມາເຕອຸຊ ໂມຣາເວຍສະກີ້ ຂອງປະເທດໂປແລນ ກ່າວພາຍຫຼັງເດີນທາງມາຮອດຣີສອດຊາໂຄພາເນໃກ້ກັບບ່ອນເກີດເຫດ ວ່າ ພົບຜູ້ບາດເຈັບຫຼາຍກວ່າ 100 ຄົນ.

ເຈົ້າໜ້າທີ່ກູ້ໄພເຊື່ອວ່າ ຍັງມີຄົນປີນພູອີກຈໍານວນຫຼາຍ ທີ່ສາມາດຫຼີກລ່ຽງເຫດຟ້າຜ່າໄດ້ທັນ ເຊິ່ງກຸ່ມນັກປີນພູມີເປົ້າໝາຍທີ່ຈະປີນຂຶ້ນໄປຍອດສູງທີ່ສຸດຂອງພູຂອງໂປແລນ ແຕ່ຕ້ອງລໍຖ້າໃຫ້ສະພາບອາກາດໃຫ້ດີຂື້ນກ່ອນ.

Rescue helicopter and ambulance have brought to hospital the first people injured by a lighting strike that struck in Poland’s southern Tatra Mountains during a sudden thunderstorm, in Zakopane, Poland, on Thursday, Aug. 22, 2019.(AP Photo/Bartlomiej Jurecki)

ສ່ວນພູເຊີໂວເນ ເວຍຊີ ທີ່ຢູ່ໃກ້ຄຽງກັນ ກໍ່ມີຟ້າຜ່າເຊັ່ນກັນ ເຮັດໃຫ້ຊາວປັອກຕຸຍການບາດເຈັບ 1 ຄົນ.