ຊັອກ! ໂຊນີ ຖອນ ສະໄປເດີແມນ ອອກຈາກຈັກກະວານຮູບເງົາ ມາຣ໌ເວລ ແລ້ວ

132

ກາຍເປັນປະເດັນຂ່າວຫຼັກຂອງວົງການບັນເທີງຕ່າງປະເທດເລີຍກໍ່ວ່າໄດ້ ເມື່ອສື່ຕ່າງປະເທດລາຍງານວ່າ ສະໄປເດີແມນ Spider-Man ເຊິ່ງມີ ບໍລິສັດ Sony  ເປັນເຈົ້າຂອງລິຂະສິດ ກຳລັງຈະຖອນຕົວອອກຈາກຈັກກະວານຮູບເງົາຂອງ ມາຮ໌ເວລ (Marvel).

ເນື່ອງຈາກ ບໍລິສັດ Disney ໄດ້ເຈລະຈາຂໍ້ຕົກລົງກັບ ບໍລິສັດ Sony ທີ່ເປັນເຈົ້າຂອງລິຂະສິດ ສະໄປເດີ ແມນ ບໍ່ສາມາດຕົກລົງກັນໄດ້.

ໂດຍໄລ່ຮຽງສະຖານະການຄວາມເຄື່ອນໄຫວໃນການເຈລະຈາຂໍ້ຕົກລົງທີ່ບໍ່ລົງໂຕກັນດັ່ງນີ້:

1. ໂດຍປົກກະຕິແລ້ວ ບໍລິສັດ Disney ມີຂໍ້ຕົກລົງກັບ ບໍລິສັດ Sony ເພື່ອຂໍໃຫ້ ສະໄປເດີແມນ ເຂົ້າມາຮ່ວມໃນຈັກກະວານຮູບເງົາຂອງ Marvel ຫຼື MCU ແລະ ໄດ້ຮັບສ່ວນແບ່ງພຽງ 5% ຂອງລາຍໄດ້ທີ່ເຂົ້າສາຍໃນໂຮງງູບເງົາມື້ທຳອິດມື້ດຽວ ສ່ວນລາຍໄດ້ຕັ້ງແຕ່ມື້ທີ 2 ເປັນຕົ້ນໄປແມ່ນ Sony ຈະໄດ້ຮັບທັງໝົດ.

2. ຫຼັງຈາກສາມາດດຶງ ສະໄປເດີແມນ ກັບມາຢູ່ໃນການຄວບຄຸມຂອງ Marvel ໄດ້ແລ້ວ Spider-Man ກໍ່ສາມາດປະສົບຜົນສຳເລັດຢ່າງຫຼວງຫຼາຍ ທັງຄຸນນະພາບຂອງເນື້ອເລື່ອງ, ຄ່ານິຍົມ ແລະ ລາຍໄດ້ ໂດຍສະເພາະພາກຫຼ້າສຸດ Spider-man: Far From Home ເຊິ່ງກາຍເປັນຮູບເງົາທີ່ສ້າງລາຍໄດ້ສູງສຸດຕະຫຼອດການຂອງ Sony ປັດຈຸບັນ (880 ລ້ານໂດລາ).

3. ຫຼັງຈາກນັ້ນທາງ Disney ໄດ້ພິຈາລະນາວ່າ ໃນເລື່ອງຂອງສ່ວນແບ່ງມັນບໍ່ຍຸຕິທຳ ຈຶ່ງຂໍເຈລະຈາໃໝ່ ໂດຍເພິ່ມສ່ວນແບ່ງໃນອະນາຄົດເປັນ 50:50 ພ້ອມກັບຍື່ນຂໍ້ສະເໜີໃໝ່ໃຫ້ Sony ສາມາດນໍາຕົວລະຄອນອື່ນ (ກວ່າ 900 ຕົວລະຄອນ) ທີ່ຖືສິດຢູ່ໃຫ້ສາມາດນຳມາສົມທົບໃນຮູບເງົາ Spider-Man ໄດ້ອີກ.

4. ແຕ່ Sony ປະຕິເສດຂໍ້ສະເໜີ ດັ່ງກ່າວ ແລະ ໄດ້ຍື່ນຂໍ້ສະເໜີອື່ນ ກັບໄປໃຫ້ທາງ Disney ເພື່ອຕັດສິນໃຈອີກຄັ້ງ ແຕ່ Disney ກໍ່ປະຕິເສດທັນທີເຊັ່ນກັນ.

5. ທາງ Sony ເອງ ກໍ່ເຖິງຂັ້ນບໍ່ພໍໃຈຢ່າງໜັກ ເພາະວ່າຕອນນີ້ Spider-Man ໃນເວີຊັ່ນຂອງ Tom Holland ເປັນຜູ້ສະແດງ ແລະ ໄດ້ກາຍເປັນທີ່ຮູ້ຈັກ ແລະ ໄດ້ສ້າງຖານຜູ້ຊົມໄດ້ຢ່າງຫຼວງຫຼາຍ ແຕ່ພັດບໍ່ເປັນໄປຕາມການຕົກລົງກັນຕັ້ງແຕ່ທຳອິດ ຈຶ່ງບໍ່ສົນຫຍັງອີກຕໍ່ໄປ.

6. ດ້ວຍເຫດນີ້ Sony ຈຶ່ງຕັດສິນໃຈດຶງ Spider-Man ອອກຈາກຈັກກະວານຮູງເງົາ Marvel ເປັນທີ່ຮຽບຮ້ອຍແລ້ວ.

7. ສົ່ງຜົນໃຫ້ Kevin Feige ປະທານຂອງ Marvel ແລະ ທີມງານ ຈະຖືກຕັດອອກ ແລະ ບໍ່ມີສ່ວນກ່ຽວຂ້ອງກັບການພັດທະນາໂຄງສ້າງ ແລະ ທິດທາງຮູບເງົາ ເລື່ອງ Spider-Man ພາກຕໍ່ອີກ 2 ເລື່ອງ ໃນອະນາຄົດ ທີ່ກໍາກັບໂດຍ Jon Watts.