ເກືອບ 2 ອາທິດ ຜ່ານມາ ປະເທດລາວ ມີຜູ້ຕິດເຊື້ອໄຂ້ຍຸງ ເກືອບ 3 ພັນຄົນ

166

ຜູ້ຕິດເຊື້ອພະຍາດໄຂ້ຍຸງລາຍຍັງມີແນວໂນ້ມເພີ່ມຂຶ້ນ ເຖິງໄລຍະຜ່ານມາ ກະຊວງສາທາລະນະສຸກ ສົມທົບກັບຂະແໜງການຕ່າງໆທັງສູນກາງ ແລະ ທ້ອງຖິ່ນ ຈັດຕັ້ງນໍາພາປະຊາຊົນສ້າງຂະບວນການທຳລາຍແຫຼ່ງແຜ່ະພັນ ແລະ ປະຕິບັດ 5 ປ ເປັນປະຈຳທຸກໆອາທິດ ເພື່ອປ້ອງກັນ ແລະ ສະກັດກັ້ນພະຍາດໄຂ້ຍຸງລາຍ ໂດຍໄລຍະພຽງ 11 ມື້ ມີຜູ້ຕິດເຊື້ອເພີ່ມຂຶ້ນເຖິງ 2.988 ຄົນ.

ຫຼ້າສຸດ, ຈາກການລົງຢ້ຽມຢາມແຂວງສາລະວັນ ຂອງທ່ານທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ແນະນໍາໃຫ້ພໍ່ແມ່ປະຊາຊົນເອົາໃຈໃສ່ໃນການສະກັດກັ້ນໄຂ້ຍຸງລາຍດ້ວຍການປະຕິບັດ 5 ປ ເຊິ່ງເຮັດເປັນປະຈໍາ ພ້ອມທັງເອົາໃຈໃສ່ໃນການສັກຢາກັນພະຍາດຕ່າງໆ.

ອີງຕາມການລາຍງານຂອງສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ ປະຈໍາວັນທີ 15 ສິງຫາ 2019 ລາຍງານວ່າ ທົ່ວປະເທດມີຈໍານວນຜູ້ຕິດເຊື້ອທັງໝົດ 23.949 ຄົນ ເສຍຊີວິດ 54 ຄົນ. ໃນຈໍານວນດັ່ງກ່າວ ນະຄອນຫຼວງວຽງຈັນ ເປັນອັນດັບ 1 ມີຜູ້ຕິດເຊື້ອ 5.584 ຄົນ ເສຍຊີວິດ 13 ຄົນ ສ່ວນແຂວງສະຫວັນນະເຂດ ມີຜູ້ເສຍຊີວິດເປັນອັນດັບ 1 ຈໍານວນ 20 ຄົນ ແລະ ມີຜູ້ຕິດເຊື້ອ 4.070 ຄົນເປັນອັນດັບ 2.

Credit: Laoedaily