ລັດວິສາຫະກິດນໍ້າປະປານະຄອນຫຼວງ ແຈ້ງການສະໜອງນໍ້າອາດບໍ່ພຽງພໍ 11 ສິງຫານີ້

189

ລັດວິສາຫະກິດນໍ້າປະປານະຄອນຫຼວງ, ພະແນກໂຍທາທິການ ແລະ ຂົນສົ່ງ, ນະຄອນຫຼວງວຽງຈັນ ໄດ້ແຈ້ງເຖິງບັນດາບໍລິສັດ, ຫົວໜ່ວຍທຸລະກິດ, ພໍ່ແມ່ປະຊາຊົນ, ພະນັກງານ, ທະຫານ, ຕຳຫຼວດ ແລະ ພະແນກການຕ່າງໆ ທີ່ຊົມໃຊ້ນໍ້າປະປາ ເລື່ອງ: ການບໍລິການ-ສະໜອງນໍ້າປະປາ ບໍ່ປົກກະຕິ ແລະ ບໍ່ພຽງພໍໃນການຊົມໃຊ້ພາຍໃນເຂດເມືອງ ໄຊທານີ, ໄຊເສດຖາ ແລະ ເມືອງ ຈັນທະບູລີ ນະຄອນຫຼວງວຽງຈັນ ໃນວັນອາທິດທີ 11 ສິງຫາ 2019ນີ້,

ລັດວິສາຫະກິດນໍ້າປະປາ ນະຄອນຫຼວງວຽງຈັນ ຂໍແຈ້ງມາຍັງບັນດາລູກຄ້າຜູ້ທີ່ຊົມໃຊ້ນໍ້າປະປາ ທີ່ອາໄສຢູ່ເຂດ ເມືອງໄຊທານີ, ເມືອງ ໄຊເສດຸາ ແລະ ເມືອງ ຈັນທະບູລີ ນະຄອນຫຼວງວຽງຈັນຊາບວ່າ: ແຮງດັນນໍ້າຈະບໍ່ປົກກະຕິ ແລະ ພຽງພໍຕໍ່ການຊົມໃຊ້ ໃນໄລຍະທີ່ມີການມອດໄຟຟ້າທີ່ເມືອງ ໄຊທານີ ສົ່ງຜົນໃຫ້ໂຮງງານຜະລິດນໍ້າປະປາດົງໝາກຄາຍ ບໍ່ສາມາດທຳການຜະລິດນໍ້າໄດ້ຢ່າງເຕັມສ່ວນ. ດັ່ງນັ້ນ, ຈຶ່ງໃຫ້ກະກຽມໂຕ່ງນໍ້າໄວ້ກ່ອນລ່ວງໜ້າ ເພື່ອຊົມໃຊ້ຊົ່ວຄາວ ຈົນກວ່າແຮງດັນນໍ້າຈະມາເປັນປົກກະຕິ.

ເຊິ່ງແຮງດັນນໍ້າບໍ່ເປັນປົກກະຕິໃນວັນທີ 11 ສິງຫາ 2019 ກົງກັບວັນອາທິດ: ເລີ່ມແຕ່ເວລາ 8:00-16:00 ໂມງ.

Credit: ນໍ້າປະປານະຄອນຫຼວງ