ເຈົ້າໜ້າທີ່ຊ່ວຍຊາຍຊາວກໍາປູເຈຍຕິດໃນຫຼືບຫີນ ດົນ 4 ມື້

213

ຊາຍໜຸ່ມໄດ້ລົງໄປເກັບເອົາຂີ້ເຈຍຢູ່ໃນປ່າ ແຕ່ຕິດຢູ່ໃນຫຼືບຫີນດົນເກືອບ 4 ມື້ ສຸດທ້າຍເຈົ້າໜ້າທີ່ກູ້ໄພກໍ່ສາມາຊ່ວຍເຫຼືອນໍາເອົາຕົວຜູ້ກ່ຽວອອກມາໄດ້ ເຫດການດັ່ງກ່າວເກີດຂື້ນທີ່ແຂວງພຣະຕະບອງ ທາງພາກຕາເວັນຕົກສຽງເໜືອ ປະເທດກຳປູເຈຍ.

ສຳນັກຂ່າວເອພີ ລາຍງານຈາກແຂວງພຣະຕະບອງ ປະເທດກຳປູເຈຍ ເມື່ອວັນພະຫັດ ທີ 8 ສິງຫາ ວ່າ ເຈົ້າໜ້າທີ່ຕຳຫຼວດ ເມືອງພຣະຕະບອງ ທາງພາກຕາເວັນຕົກສຽງເໜືອ ຂອງກຳປູເຈຍ ໄດ້ເປີດເຜີຍວ່າ ທ້າວຊໍາ ໂບຣາ ອາຍຸ 28 ປີ ຊາວບ້ານທີເຂົ້າໄປເກັບເຄື່ອງປ່າຂອງດົງ ເກີດອຸບັດຕິເຫດ ຕົກລົງໄປຕິດຢູ່ຫຼືບຫີນ ຂະນະອອກເດີນທາງໄປເກັບເອົາຂີ້ເຈຍ ໃນປ່າເທິງພູຊາຄຣິ ໃນພຣະຕະບອງ ເນື່ອງຈາກໄຟສາຍຂອງຜູ້ກ່ຽວຫຼຸດມືຕົກລົງໄປໃສ່ຝາຫີນ ເມື່ອວັນອາທິດ ຜ່ານມາ ການຫາຍຕົວໄປຂອງລາວດົນ 3 ວັນ ເຮັດໃຫ້ຄອບຄົວມີຄວາມກັງວົນໃຈ ຈຶ່ງໄດ້ພາກັນເຂົ້າຊອກຫາ ຈົນຜູ້ເປັນອ້າຍຂອງລາວພົບວ່າ ນ້ອງຊາຍເກີດອຸບັດຕິເຫດຕິດຢູ່ໃນຫຼືບຫີນ ຈຶ່ງຟ້າວອອກມາແຈ້ງເຈົ້າໜ້າທີ່.

In this photo provided by Battambang province Authority Police, Sum Bora, a 28-year-old man who got stuck in the rock’s hollow at Battambang province in northwestern of Phnom Penh, Cambodia, Wednesday, Aug. 7, 2019. Sum Bora, who became wedged between rocks while collecting bat droppings for sale, was rescued Wednesday after being trapped for almost four days. (Battambang province Authority Police via AP)

ເຈົ້າໜ້າທີ່ກູ້ໄພລວມທັງໝົດ 200 ຄົນ ໄດ້ລະດົມກໍາລັງ ຊ່ວຍເຫຼືອຜູ້ປະສົບເຫດທີ່ຢູ່ໃນສະພາບອ່ອນເພຍ ໂດຍວິທີການທຸບຫີນເທື່ອລະໜ້ອຍ ເພື່ອໃຫ້ສາມາດດຶງຕົວຂອງລາວຫຼຸດອອກມາໄດ້ ການປະຕິບັດງານຄັ້ງນີ້ ໃຊ້ເວລາປະມານ 10 ຊົ່ວໂມງ ຈຶ່ງສາມາດຊ່ວຍເຫຼືອ ທ້າວຊໍາ ອອກມາໄດ້ສຳເລັດ ໃນເວລາ 6 ໂມງແລງ ວັນພຸດ ທີ 7 ສິງຫາ ແລະ ເລ່ງນໍາຕົວສົ່ງໂຮງໝໍທັນທີ.

ການປະຕິບັດງານກູ້ໄພຄັ້ງນີ້ ມີຜູ້ຊ່ຽວຊານຈາກໜ່ວຍງານສະເພາະເຄື່ອນທີ່ວ່ອງໄວ 711 ສັງກັດໜ່ວຍປົກປ້ອງຂອງ ທ່ານສົມເດັດຮຸນເຊັນ ນາຍົກລັດຖະມົນຕີກຳປູເຈຍ ເຊິ່ງເຄີຍເຂົ້າຮ່ວມການປະຕິບັດຊ່ວຍເຫຼືອກູ້ໄພເຫດຕືກຖະຫຼົ່ມ ເມື່ອເດືອນມິຖຸນາ ປີຜ່ານມາ ທີ່ແຂວງພຣະສີຫະນຸວິລ ທາງພາກໃຕ້ຂອງກຳປູເຈຍ ມີຜູ້ເສຍຊີວິດ 24 ຄົນ.

ບົດລາຍງານຂອງໂຄງການພັດທະນາຂອງສະຫະປະຊາຊາດ ເມື່ອປີຜ່ານມາ ຊີ້ໃຫ້ເຫັນວ່າ ກຳປູເຈຍເປັນໜຶ່ງໃນບັນດາປະເທດທຸກຍາກທີ່ສຸດໃນໂລກ ໂດຍ 35% ຂອງປະຊາກອນ 15,2 ລ້ານຄົນ ຍັງອາໄສຢູ່ຢ່າງທຸກຍາກ.