ສະຫະຣາຊະອານາຈັກ ເຂົ້າໃກ້ການອອກຈາກສະຫະພາບເອີຣົບ “ໂດຍບໍ່ມີຂໍ້ຕົກລົງ” ຫຼາຍຂຶ້ນ ແລະ ສົ່ງຜົນໃຫ້ຄ່າເງິນປອນອ່ອນຄ່າຫຼາຍທີ່ສຸດໃນຮອບກວ່າ 2 ປີ ເມື່ອ ທ່ານນາຍົກລັດຖະມົນຕີບໍຣິສ ຈອນສັນ ຢືນຢັນວ່າ ຈະບໍ່ເຈລະຈາກັບອີຢູ ຖ້າອີກຝ່າຍຍັງບໍ່ຍອມຫາລືເພື່ອແກ້ໄຂບາງປະເດັນໃນຂໍ້ຕົກລົງເບຣັກຊິດສະບັບເກົ່າ.
ສຳນັກຂ່າວຕ່າງປະເທດລາຍງານຈາກນະຄອນຫຼວງລອນດອນ ປະເທດສະຫະຣາຊະອານາຈັກ ເມື່ອວັນອັງຄານ ທີ 30 ກໍລະກົດ ວ່າ ທ່ານນາຍົກລັດຖະມົນຕີບໍຣິສ ຈອນສັນ ໄດ້ເດີນທາງຢ້ຽມຢາມປະເທດສະກັອດແລນ ເມື່ອວັນຈັນ ແລະ ໄດ້ຮັບການຕ້ອນຮັບຈາກ ທ່ານນາງນິໂຄລາ ສະເຕີຈຽນ ລັດຖະມົນຕີທີ 1 ຂອງສະກັອດແລນ ທີ່ທໍານຽບໃນນະຄອນຫຼວງເອດິນບະຣະ ໂດຍ ທ່ານຈອນສັນ ກ່າວກັບ ທ່ານນາງສະເຕີຈຽນ ວ່າມີຈຸດຢືນຕ່າງກັນຢ່າງຊັດເຈນໃນເລື່ອງເບຣັກຊິດ ວ່າ ເນື້ອໃນສ່ວນໃຫຍ່ຂອງຂໍ້ຕົກລົງທີ່ຈັດເຮັດໂດຍລັດຖະບານຊຸດກ່ອນໜ້ານັ້ນ “ໃຊ້ບໍ່ໄດ້ແລ້ວ” ຢ່າງໃດກໍ່ຕາມ ທ່ານຈອນສັນ ຍັງເຊື່ອໝັ້ນວ່າລັດຖະບານຈະສາມາດແກ້ໄຂ “ປະເດັນສໍາຄັນ” ຂອງຂໍ້ຕົກລົງສະບັບເກົ່າໄດ້ ແຕ່ໃນເວລາດຽວກັນທຸກຝ່າຍຕ້ອງກຽມພ້ອມໄປດ້ວຍ ສໍາລັບການອອກຈາກສະຫະພາບເອີຣົບ ແບບບໍ່ມີຂໍ້ຕົກລົງ ແລະ ຈະເປັນໄປຕາມກໍານົດ ໃນວັນທີ 31 ຕຸລາ ນີ້.
ຂະນະທີ່ ບໍ່ຊັດເຈນວ່າ ທ່ານນາງສະເຕີຈຽນ ໄດ້ກ່າວຫຍັງກັບຜູ້ນໍາອັງກິດ ແຕ່ຜູ້ນໍາຍິງຂອງສະກັອດແລນໄດ້ກ່າວໃນເວລາຕໍ່ມາວ່າ ເປັນທີ່ຊັດເຈນວ່າ ທ່ານຈອນສັນ ຕ້ອງການຊຸກດັນແຜນຍຸດທະສາດເບຣັກຊິດແບບບໍ່ມີຂໍ້ຕົກລົງຫຼາຍກວ່າ ແລະ ຖ້າ ອີຢູ ປັບປ່ຽນທ່າທີຕາມຄວາມຕ້ອງການຂອງທ່ານຈອນສັນ “ນັ້ນຄືສັນຍານສູ່ຄວາມລົ້ມເຫຼວ” ດ້ານສະມາພັນອຸດສາຫະກໍາພຣິຕິຊ (CBI: Confederation of British Industry) ເຊິ່ງເປັນຜູ້ສະໜັບສະໜຸນທາງທຸລະກິດທີ່ມີອິດທິພົນທີ່ສຸດຂອງສະຫະຣາຊະອານາຈັກ ອອກຖະແຫຼງການຮຽກຮ້ອງໃຫ້ທັງລັດຖະບານສະຫະຣາຊະອານາຈັກ ແລະ ອີຢູ ຮ່ວມກັນ “ເພິ່ມຄວາມຈິງຈັງ” ຕໍ່ຂະບວນການເບຣັກຊິດ ໂດຍຍື່ນຂໍ້ສະເໜີປະມານ 200 ຂໍ້ ທີ່ລວມເຖິງການເຮັດກົດໝາຍໃໝ່ດ້ານເສດຖະກິດ, ການວາງເຄືອຂ່າຍເທັກໂນໂລຢີຂໍ້ມູນຂ່າວສານໃໝ່ ແລະ ການຄົງຢູ່ຂອງສະຖານະພາບ ແລະ ສິດຂອງສະຫະຣາຊະອານາຈັກ “ໃນຖານະສະມາຊິກ” ຂອງອີຢູໄວ້ຊົ່ວຄາວກ່ອນ.
“As we prepare for our bright future after Brexit, it’s vital we renew the ties binding our United Kingdom. Important projects like Growth Deals – today backed with £300m new funding – will open up opportunities across our Union.” – PM @BorisJohnson pic.twitter.com/DyfuNNTLdf
— UK Prime Minister (@10DowningStreet) July 29, 2019
ດ້ານຄະນະກໍາມາທິການເອີຣົບ (EC: European Commission) ຍັງບໍ່ສະແດງທ່າທີຢ່າງຊັດເຈນຕໍ່ການກົດດັນຂອງທ່ານຈອນສັນ ແຕ່ການເປີດເຜີຍຈຸດຢືນທີ່ຊັດເຈນຫຼາຍຂຶ້ນຂອງຜູ້ນໍາສະຫະຣາຊະອານາຈັກ ເລື່ອງເບຣັກຊິດ ສົ່ງຜົນໃຫ້ສະກຸນເງິນປອນສະເຕີລິງອ່ອນຄ່າລົງ ເກືອບ 1,5% ໃນໄລຍະໜຶ່ງຂອງການຊື້-ຂາຍ ເມື່ອວັນຈັນ ລົງມາເຫຼືອພຽງ 1,2214 ໂດລາ ຕໍ່າທີ່ສຸດ ນັບຕັ້ງແຕ່ເດືອນມິນາ 2017.
Boris Johnson on "no deal" threat to Vauxhall's Ellesmere Port plant. " We are aware of their problems but we're still leaving EU on Oct 31" pic.twitter.com/uVj72gOe1K
— BBC North West (@BBCNWT) July 29, 2019
After meeting Boris Johnson in Edinburgh, First Minister of Scotland, Nicola Sturgeon, says that "behind all the bluff and bluster", he has "set the UK on an almost inevitable path to a no-deal Brexit". pic.twitter.com/qbe04ur9ON
— Channel 4 News (@Channel4News) July 29, 2019
