ເສຍຊີວິດ 2 ຄົນ! ເຫດລົດໂດຍສານ ຮັບ-ສົງ ພະນັກງານ ຕົກນໍ້າຂອງ ແຂວງໄຊຍະລູບີ

193

ສໍ່ນັກຂ່າວໜັງສືພິມວຽງຈັນ ທາມສ໌ ໄດ້ລາຍງານ ເກີດອຸບັດຕິເຫດ ລົດຮັບ – ສົ່ງ ພະນັກງານຂອງໂຄງການເຂື່່ອນໄຟຟ້ານ້ຳຂອງໄຊຍະບູລີ ຕົກລົງນ້ຳຂອງ ເມືອເວລາ 6 ໂມງເຊົ້າ ວັນຈັນ ທີ 22 ກໍລະກົດ 2019 ເຮັດໃຫ້ມີຜູ້ເສຍຊີວິດ 2 ຄົນ, ສູນຫາຍ 4 ຄົນ ແລະ ບາດເຈັບ 24 ຄົນ.

ທ່ານພັນໂທ ປ້ານ ບຸນປອນ ຮອງຫົວໜ້າຫ້ອງການຕໍາຫຼວດປ້ອງກັນຄວາມສະຫງົບ ແຂວງໄຊຍະບູລີ ໄດ້ເປີດເຜີຍວ່າ: ລົດຮັບ-ສົ່ງ ພະນັກງານຂອງໂຄງການດັ່ງກ່າວ ໄດ້ຮັບພະນັກງານຈຳນວນ 30 ຄົນ ລວມຄົນຂັບລົດ 1 ຄົນ, ຈາກບ່ອນພັກໄປເຮັດວຽກຢູ່ເຂື່່ອນຕາມປົກກະຕິ, ເມື່ອມາຮອດຈຸດເກີດເຫດ ເຊິ່ງເປັນທາງໂຄ້ງລົດໄດ້ເສຍຫຼັກ ແລ້ວຕົກລົງໄປນ້ຳຂອງ ເຊິ່ງມີຄວາມສູງຈາກໜ້ານໍ້າປະມານ 7-8 ແມັດ.

ອີງຕາມການສືບສວນສອບສວນພົບວ່າ ສາເຫດຂອງເຫດການເສົ້າສະຫຼົດ ຄັ້ງນີ້ ອາດຈະເກີດມາຈາກລະບົບເບຣກ ທີ່ຄົນຂັບບໍ່ສາມາດຄວບຄຸມລົດໄດ້.