ກວ່າ 14 ພັນຄົນແລ້ວ ຜູ້ຕິດເຊື້ອໄຂ້ຍຸງທົ່ວປະເທດ

210

ປັດຈຸບັນ ການລະບາດຂອງພະຍາດໄຂ້ຍຸງລາຍຍັງມີທ່າອ່ຽງເພິ່ມຂຶ້ນທົ່ວປະເທດມີຜູ້ຕິດເຊື້ອແລ້ວ ກວ່າ 14 ພັນຄົນ, ເສຍຊີວິດ 31 ຄົນ ຫຼ້າສຸດ ເມື່ອວັນທີ 16 ກໍລະກົດ 2019 ມີຜູ້ເສຍຊີວິດເພິ່ມອີກ 1 ຄົນ ເຊິ່ງອາໄສຢູ່ແຂວງຄຳມວນ.

ອີງຕາມການລາຍງານຂອງກະຊວງສາທາລະນະສຸກ ໃນວັນທີ 17 ກໍລະກົດ 2019 ຜ່ານມາວ່າ:ປັດຈຸບັນ ພະ­ຍາດ​ໄຂ້­ຍຸງ​ລາຍ​ໄດ້​ມີ​ການ​ລະ­ບາດ​ເພີ່ມ​ຂຶ້ນ​ເປັນ​ວົງ​ກວ້າງ ສົ່ງ​ຜົນ​ໃຫ້​ມີ​​ຄົນ​ເຈັບ​ເພີ່ມ​ຂຶ້ນ ແລະ ອັດ­ຕາ​ການ​ເສຍ​ຊີ­ວິດ​ກໍ​ເພີ່ມ​ຂຶ້ນ​ເຊັ່ນ​ກັນ. ທົ່ວປະເທດມີຜູ້ຕິດເຊື້ອໄຂ້ຍຸງລາຍທັງໝົດ 14.242 ຄົນ, ເສຍຊີວິດແລ້ວ 31 ຄົນ ນັບແຕ່ທ້າຍເດືອນທັນວາ 2018 ຫາ 16 ກໍລະກົດ 2019; ໃນນີ້ ນະຄອນຫຼວງວຽງຈັນ ເປັນອັນດັບໜຶ່ງທີ່ມີຜູ້ຕິດເຊື້ອພະຍາດໄຂ້ຍຸງລາຍມີເຖິງ 2.693 ກໍລະນີ, ເສຍຊີວິດ 6 ຄົນ; ຈຳປາສັກ 2.648 ກໍລະນີ, ເສຍຊີວິດ 5 ຄົນ; ສະຫວັນນະເຂດ 2.438 ກໍລະນີ ເສຍຊີວິດ 10 ຄົນ ແລະ ແຂວງອື່ນໆ. ສ່ວນແຂວງທີ່ຍັງບໍ່ມີການລາຍງານຄົນເປັນໄຂ້ຍຸງລາຍ ແມ່ນແຂວງຫົວພັນ.

ຢ່າງໃດກໍ່ຕາມ, ກະຊວງສາທາລະນະສຸກໄດ້ຮຽກ​ຮ້ອງ​ໃຫ້ປະຊົນ​ລາວບັນດາ​ເຜົ່າ ​ໃນ​ຂອບ​ເຂດ​ທົ່ວ​ປະ​ເທດ ​ໃຫ້​ເອົາ​ໃຈ​ໃສ່ປ້ອງ​ກັນ​ຕົນ​ເອງ, ນອນ​ໃນ​ມຸ້ງ, ຫຼີກ​ເວັ້ນບໍ່​ໃຫ້​ຍຸງ​ກັດ ແລະ ສິ່ງ​ສຳຄັນຕ້ອງ ມີ​ສ່ວນ​ຮ່ວມກັບອຳນາດ​ການ​ປົກຄອງ​ບ້ານ, ​ເມືອງ, ​ແຂວງ ​ໃນ​ການອະນາ​ໄມ​ສິ່ງ​ແວດ​ລ້ອມ, ກຳຈັດ​ແຫຼ່ງ​ເພາະ​ພັນ​​ຍຸງ​ລາຍ ໂດຍ​ສະ​ເພາະ​ຈັດ​ຕັ້ງ​ປະຕິບັດຫຼັກການ 5 ປ ຂອງ​ກະຊວງ ​ສາທາລະນະ​ສຸກວາງ​ອອກຢ່າງ​ ເຄັ່ງ​ຄັດຄື:

(ປ ປິດ) ປົກ​ປິດ​ພາ​ສະ​ນະ​ທີ່​ກັກ​ ເກັບ​ນ້ຳ​ທັງ​ໃນ ​ແລະ ນອກ​ເຮື​ອນ ບໍ່​ໃຫ້​ຍຸງ​ ລາຍ​ມາ​ໄຂ່​ໃສ່, (ປ ປ່ຽນ) ປ່ຽນ​ນ້ຳ ​ໃນ​ພາ​ສະ ​ນະທີ່​ກັກ​ເກັບ​ນ້ຳເຊັ່ນ: ​ເຕົ້າ​ດອກ​ໄມ້, ນ້ຳ​ ຮອງ​ຕີ​ນຕູ້ ​ແລະ ອື່ນໆ, (ປ ປ່ອຍ) (ປ່​ອຍປາ​ ຫາງ​ຍົກ​ຍຸງ ​ເພື່ອ​ກິນ​ໜອນ​ນ້ຳ), ປ ປັບປຸງ (ປັບປຸງ ​ສິ່ງ​ແວດ​ລ້ອມອ້ອມ​ເຮືອນໃຫ້​ສະ ອາດ ​ເປັນ​ປະຈຳ​ທຸກ​ອາທິດ ​ແລະ (ປ ປະຕິບັດ) ໃຫ້ເປັນນິໄສທຸກໆອາທິດ.