ມາຣ໌ເວລ ກຽມສ້າງຮູບເງົາ ທໍ ພາກ 4

212

ຖືໄດ້ວ່າເປັນຂ່າວດີທີ່ເຮັດໃຫ້ບັນດາແຟນໆ ມາຮ໌ເວລ ກຽມດີໃຈກັນເລີຍ ເມື່ອມີຂ່າວຈາກສໍານັກຂ່າວຕ່າງປະເທດລາຍງານອອກມາ ວ່າ ເທບພຣະເຈົ້າສາຍຟ້າ ຫຼື Thor ຈາກຈັກກະວານຮູບເງົາມາຣ໌ເວລ ຫຼື MCU: Marvel Cinematic Universe ຂອງພວກເຮົາຈະກັບມາສ້າງຄວາມສຸກເທິງຈໍໂຮງຮູບເງົາອີກຄັ້ງໃນໄວໆ ນີ້.

ເຊິ່ງຜູ້ທີ່ຈະມາກໍາກັບ ແລະ ຂຽນບົດຮູບເງົາ Thor 4 ກໍ່ຄືຜູ້ກໍາກັບ ໄທກາ ໄວຕີຕີ້ (Taika Waititi) ຈາກ Thor: Ragnarok ຫຼື ທໍ ເທບພຣະເຈົ້າສາຍຟ້າ ພາກ3 ນັ້ນເອງ.

ແລະ ກໍ່ເປັນ ຄຣິສ ເຮມສ໌ເວີດ (Chris Hemsworth) ຂອງພວກເຮົາກັບມາຮັບບົດບາດ ທໍ ອີກດ້ວຍ.

ຄຣິສ ເຮມສ໌ເວີດ (Chris Hemsworth) ແລະ ໄທກາ ໄວຕີຕີ້ (Taika Waititi) ຈາກ Thor: Ragnarok

ຢ່າງໃດກໍ່ຕາມ ການກັບມາກໍາກັບ Thor 4 ຂອງ ໄທກາ ເຮັດໃຫ້ຕົນຕ້ອງພັບໂຄງການສ້າງຮົບເງົາທີ່ດັດແປງມາຈາກປື້ມກາຕູນ ມັງງະເລື່ອງ Akira ໄວ້ແບບບໍ່ມີກໍານົດ.

ມັງງະເລື່ອງ Akira

ສ່ວນລາຍະລະອຽດເພິ່ມຕື່ມທີ່ກ່ຽວກັບຮົບເງົາເລື່ອງ Thor 4 ອາດຈະມີການເວົ້າເຖິງໃນງານ Comic-Con ທີ່ຈະມີຂຶ້ນໃນວັນທີ 21 ກໍລະກົດ ນີ້.