ອາມາຊອນ ແຊງໜ້າ ແອັບເປິລ ຂຶ້ນຫີ້ງ ເປັນແບຣນທີ່ມີມູນຄ່າສູງທີ່ສຸດໃນໂລກ

224

ບໍລິສັດ ອາມາຊອນ (Amazon) ກ້າວຂຶ້ນຫີ້ງເປັນແບຣນທີ່ມີມູນຄ່າສູງທີ່ສຸດໃນໂລກ ຈາກການຈັດອັນດັບໂດຍ BrandZ ໄດ້ສໍາເລັດ ໂດຍສາມາດເອົາຊະນະ ແອັບເປິລ ແລະ ກຸເກິລ (Apple ແລະ Google)  ໄດ້ເປັນຄັ້ງທໍາອິດ ໃນຮອບ 12 ປີ ທີ່ແບຣນເທັກໂນໂລຢີບໍ່ສາມາດຂຶ້ນຄອງ ອັນດັບ 1 ຂອງໂລກໄດ້.

ໃນປັດຈຸບັນນີ້ ແບຣນໃນນາມ ອາມາຊອນ ມີມູນຄ່າ 3,15 ແສນລ້ານໂດລາ (ກວ່າ 2,7 ລ້ານຕື້ກີບ) ສ່ວນ ແອັບເປິລ ແລະ ກຸເກິລ ນັ້ນ ມີມູນຄ່າໃກ້ຄຽງກັນ 3,09 ແສນລ້ານໂດລາ (ກວ່າ 2,6 ລ້ານຕື້ກີບ)  ແລະ ອັນດັບ 4 ຕົກເປັນຂອງ ໄມໂຄຣຊັອຟ ມີມູນຄ່າ 2,51 ແສນລ້ານໂດລາ (ກວ່າ 2,1 ລ້ານຕື້ກີບ).

ນັບຕັ້ງແຕ່ໄດ້ມີການຈັດອັນດັບ 100 ແບຣນ ທີ່ມີມູນຄ່າຫຼາຍທີ່ສຸດ ເມື່ອປີ 2006 ເປັນຕົ້ນມາ ສ່ວນຫຼາຍແບຣນດ້ານເທັກໂນໂລຢີກໍ່ຈະຄອງອັນດັບຕົ້ນໆມາໂດຍຕະຫຼອດ ເຊັ່ນ ໄມໂຄຣຊັອຟ ສາມາດຄອງຕໍາແໜ່ງແບຣນທີ່ມີມູນຄ່າສູງທີ່ສຸດໃນໂລກ ໂດຍໃນໄລຍະນັ້ນ ໄມໂຄຣຊັອຟ ໄດ້ຂຶ້ນເປັນອັນດັບ 1 ດ້ວຍມູນຄ່າ 3,15 ແສນລ້ານໂດລາ (ກວ່າ 2,7 ລ້ານຕື້ກີບ) ຕາມມາດ້ວຍ ອາມາຊອນ ທີ່ມີມູນຄ່າ 3,095 ແສນລ້ານໂດລາ (ກວ່າ 2,67 ລ້ານຕື້ກີບ) ແລະ ກຸເກິລ ອັນດັບ 3 ດ້ວຍມູນຄ່າ 3,09 ແສນລ້ານໂດລາ (ກວ່າ 2,6 ລ້ານຕື້ກີບ).

ແລະ ເມື່ອປີ 2018 ຜ່ານມາ ອາມາຊອນ ເປັນແບຣນທີ່ມີມູນຄ່າສູງສຸດໃນໂລກ ເປັນລໍາດັບທີ 3 ໂດຍນໍາຫຼັງ ແອັບເປິລ ແລະ ກຸເກິລ.

ແຕ່ເມື່ອພິຈາລະນາຈາກ Market Cap (ມູນຄ່າຫຼັກຊັບຕາມລາຄາຕະຫຼາດ) ແລ້ວນັ້ນ ບໍລິສັດໄມໂຄຣຊັອຟ ແມ່ນມີມູນຄ່າສູງສຸດໃນປັດຈຸບັນ ປະມານ 1,01 ພັນຕື້ໂດລາ (ກວ່າ 8,7 ລ້ານຕື້ກີບ), ອັນດັບ 2 ອາມາຊອນ 9,6 ແສນລ້ານໂດລາ (ກວ່າ 8,3 ລ້ານຕື້ກີບ), ອັນດັບ 3 ແອັບເປິລ ມູນຄ່າ 7,51 ແສນລ້ານໂດລາ (ກວ່າ 6,49 ລ້ານຕື້ກີບ),  ແລະ ອັນດັບ 4 Alphabet ເຊິ່ງເປັນບໍລິສັດແມ່ຂອງ ກຸເກິລ ມີມູນຄ່າ 7,5 ແສນລ້ານໂດລາ (ກວ່າ 6,48 ລ້ານຕື້ກີບ).

ໃນ 10 ອັນດັບທໍາອິດຂອງແບຣນທີ່ມີມູນຄ່າສູງທີ່ສຸດໃນໂລກນັ້ນ 8 ແບຣນເປັນຂອງບໍລິສັດຈາກສະຫະລັດ ອາເມຣິກາ ລວມເຖິງ ວິຊ່າ, ເຟສບຸ໊ກດ ແມັກໂດນັລ ແລະ ເອທີ ແອນ ທີ (Visa, Facebook, McDonalds ແລະ AT & T) ສ່ວນອີກ 2 ແບຣນ ເປັນຂອງປະເທດຈີນ ຄື ອາລິບາບາ ກຣຸບ (Alibaba Group) ແລະ ເທັນເຊັນ (Tencent) ໂດຍມີພຽງ ເຟສບຸ໊ກ ແລະ ເທັນເຊັນ ເທົ່ານັ້ນ ທີ່ມີການເຕີບໂຕ ເມື່ອທຽບກັບປີກ່ອນ ຫຼຸດລົງ -2% ແລະ -27% ຕາມລໍາດັບ.