ເຮືອຂອງການາດາ ຂົນຂີ້ເຫຍື້ອພິດ 69 ຕູ້ ກັບຈາກ ຟິລິບປິນ

326

ເຮືອບັນທຸກສິນຄ້າຂອງການາດາຂົນຕູ້ຄອນເທັນເນີບັນຈຸຂີ້ເຫຍື້ອ 69 ຕູ້ ທີ່ທາງປະເທດຟິລິບປິນ ກ່າວວ່າ “ເປັນການລັກລອບນໍາມາຖິ້ມ”  ກັບຄືນປະເທດແລ້ວ ຫຼັງລັດຖະບານມະນິລາ ຂູ່ “ເຮັດສົງຄາມຂີ້ເຫຍື້ອ”.

ສໍານັກຂ່າວຕ່າງປະເທດລາຍງານຈາກນະຄອນຫຼວງມະນິລາ ປະເທດຟິລິບປິນ ເມື່ອວັນສຸກ ທີ 31 ພຶດສະພາ ວ່າ ເຮືອບັນທຸກສິນຄ້າ “ເອັມ/ວີບາວາເຣຍ” ຂອງການາດາ ເຂົ້າຈອດທຽບທ່າທີ່ອ່າວຊູບິກ ໃນແຂວງຊໍາບາເລສ ເທິງເກາະລູຊອນ ທາງພາກຕາເວັນຕົກສຽງເໜືອຂອງຟິລິບປິນ ເມື່ອຄືນວັນພະຫັດ ເພື່ອຂົນຕູ້ຄອນເທັນເນີບັນຈຸຂີ້ເຫຍື້ອ ແລະ ສິ່ງເສດເຫຼືອທີ່ເປັນພິດ 69 ຕູ້ ໂດຍຂະບວນການລໍາລຽງຕູ້ຄອນເທັນເນີດໍາເນີນໄປຢ່າງວ່ອງໄວ ກ່ອນທີ່ເຮືອເດີນໄດ້ທາງອອກຈາກທ່າເມື່ອໃນໄລຍະຕອນເຊົ້າ ຂອງວັນສຸກ ຕາມເວລາທ້ອງຖິ່ນ ໂດຍມີການເປີດເຜີຍພຽງວ່າ ຈະເດີນທາງໄປເມືອງແວນຄູເວີ ທາງພາກຕາເວັນຕົກຂອງການາດາ ແລະ ລັດຖະບານຂອງນາຍົກລັດຖະມົນຕີຈັສຕິນ ທຣູ ໂດ ເປັນຜູ້ຮັບຜິດຊອບຄ່າໃຊ້ຈ່າຍທັງໝົດ.

Containers are moved inside the cargo ship M/V Bavaria as it is docked at Subic port in Zambales province, northwestern Philippines on Thursday, May 30, 2019. A Philippine official says a cargo ship has arrived in a northern port to pick up and return 69 containers of Canadian garbage which the government in Manila says was shipped illegally to the Philippines years ago. (AP Photo/Aaron Favila)

ທັງນີ້ ຕະຫຼອດໄລຍະເວລາທີ່ເຈົ້າໜ້າທີ່ຂອງຟີລິບປິນ ແລະ ລູກເຮືອເອັມ/ວີບາວາເຣຍ ເລັ່ງລໍາລຽງຕູ້ຄອນເທັນເນີບັນຈຸຂີ້ເຫຍື້ອຂຶ້ນເທິງເຮືອນັ້ນ ຍັງມີກຸ່ມນັກເຄື່ອນໄຫວສິ່ງແວດລ້ອມຊຸມນຸມກັນປະທ້ວງ ໂດຍການຖືແຜ່ນປ້າຍທີ່ຂຽນຂໍ້ຄວາມວ່າ “ຟີລິບປິນ ບໍ່ແມ່ນຖັງຂີ້ເຫຍື້ອຂອງປະເທດໃດ” ແລະ ບາງສ່ວນ ຍັງລົງທຶນຂີ່ເຮືອໄລ່ຫຼັງ ເຮືອເອັມ / ວີບາວາເຣຍ ທີ່ເດີນທາງອອກຈາກທ່າເຮືອໄປແລ້ວອີກໄລຍະໜຶ່ງດ້ວຍ ເພື່ອຂັບໄລ່ເຮືອໃຫ້ພົ້ນເຂດໜ້ານ້ໍາຂອງຟິລິບປິນໂດຍໄວທີ່ສຸດ.

In this image released by Greenpeace, Greenpeace activists and other environmental organizations display a banner as the cargo ship MV Bavaria, the container vessel allegedly hired to ship back the 69 containers loaded with garbage from Canada, slowly enters the mouth of Subic Bay, Thursday, May 30, 2019 in Subic, Zambales province west of Manila, Philippines. The environmental groups are calling on the Philippine government to ban all waste imports into the country and ratify the Basel Ban Amendment. The banner reads: “Philippines Is Not A Dumpsite!” (Greenpeace Via AP)

ຢ່າງໃດກໍ່ຕາມ ຍັງເຫຼືອຕູ້ຄອນເທັນເນີບັນຈຸຂີ້ເຫຍື້ອຂອງການາດາອີກ ເກືອບເຄິ່ງໜຶ່ງທີ່ຕົກຄ້າງຢູ່ໃນຟິລິບປິນ ແຕ່ຫຼາຍຝ່າຍເຫັນວ່າ ຢ່າງໜ້ອຍກໍ່ເປັນຈຸດເລິ່ມຕົ້ນທີ່ດີ ໃນການທີ່ລັດຖະບານອັອດຕາວາ “ຍອມສະແດງຄວາມຮັບຜິດຊອບ” ຕໍ່ເລື່ອງນີ້ ໂດຍຕູ້ຄອນເທັນເນີຈາກການາດາ 103 ຕູ້ ຖືກສົ່ງມາກັບເຮືອບັນທຸກສິນຄ້າເຖິງຟີລິບປິນ ລະຫວ່າງປີ 2013-2014 ເຊິ່ງມີການສະແດງລາຍການວ່າ ເປັນຂີ້ເຫຍື້ອພລາສຕິກທີ່ສາມາດຣີໄຊເຄິລໄດ້ ແຕ່ເມື່ອເຈົ້າໜ້າທີ່ພາສີກວດກາຢ່າງລະອຽດກໍ່ພົບວ່າ ສ່ວນໃຫຍ່ບໍ່ແມ່ນຂີ້ເຫຍື້ອປະເພດນັ້ນ.

ເຖິງວ່າທັງສອງປະເທດພະຍາຍາມເຈລະຈາກັນມາຕະຫຼອດ ແຕ່ກໍ່ບໍ່ເຄີຍມີຄວາມຄືບໜ້າ ໂດຍການາດາອ້າງວ່າຕູ້ຄອນເທັນເນີເຫຼົ່ານັ້ນ ເປັນຂອງ “ບໍລິສັດເອກະຊົນ” ຈຶ່ງບໍ່ກ່ຽວຂ້ອງກັບພາກລັດ ສ້າງຄວາມບໍ່ພໍໃຈຢ່າງໜັກໃຫ້ກັບປະທານາທິບໍດີໂຣດຣິໂກ ດູເຕເຕ ເຊິ່ງຂີດເສັ້ນຕາຍໃຫ້ອີກຝ່າຍມາຂົນຂີ້ເຫຍື້ອກັບໄປ “ໃຫ້ໄວທີ່ສຸດ” ບໍ່ເຊັ່ນນັ້ນ ທາງຟິລິບປິນຈະນໍາຂີ້ເຫຍື້ອກັບໄປສົ່ງຄືນໃຫ້ເອງ ແລະ ເຕືອນວ່າ ຖ້າລັດຖະບານອັອດຕາວາບໍ່ຍອມຮັບຄືນຕູ້ຄອນເທັນເນີພຽງຕູ້ດຽວ ຟີລິບປິນຈະໃຫ້ລູກເຮືອຖິ້ມຕູ້ຄອນເທັນເນີທັງໝົດລົງໃນທະເລ ພາຍໃນລັດສະໝີ ປະມານ 19 ກິໂລແມັດ ຈາກແຄມຝັ່ງຂອງການາດາ ຂະນະດຽວກັນ ລັດຖະບານມະນິລາໄດ້ເຊີນເອກອັກຄະລາຖະທູດປະຈຳການາດາກັບປະເທດ ຫຼັງການາດາຍັງບໍ່ສົ່ງເຮືອມາຂົນຂີ້ເຫຍື້ອຕາມທີ່ຕົກລົງກັນໄວ້ ຄືພາຍໃນວັນທີ 15 ພຶດສະພາ ທີ່ຜ່ານມາ.

ໃນເວລາດຽວກັນ ດຣ.ມະຫາເທນ ໂມຮໍາໝັດ ນາຍົກລັດຖະມົນຕີມາເລເຊຍ ກ່າວວ່າ ການທີ່ “ປະເທດທີ່ພັດທະນາແລ້ວ” ລັກລອບສົ່ງຂີ້ເຫຍື້ອມາຖິ້ມໃນປະເທດທີ່ “ກໍາລັງພັດທະນາ” ຫຼື “ມີຖານະທາງເສດຖະກິດທີ່ດ້ອຍກວ່າ” ເປັນການເອົາປຽບຢ່າງຍິ່ງ ແລະ ຄວນຢຸດພຶດຕິກຳເຊັ່ນນີ້ ເຊິ່ງກະຊວງສິ່ງແວດລ້ອມຂອງມາເລເຊຍ ປະກາດກຽມສົ່ງຂີ້ເຫຍື້ອໃນເບື້ອງຕົ້ນ ປະລິມານ 3 ພັນໂຕ້ນ ກັບຄືນຕົ້ນທາງທີ່ສ່ວນໃຫຍ່ເປັນ “ປະເທດທີ່ລໍ່າລວຍ”.