ແທ້? ຄົນພາກັນຂາຍມືຖືຫົວເຫວີ່ຍ ອອກ P30 Pro ລາຄາເຫຼືອພຽງ 9,6 ແສນກີບ ເທົ່ານັ້ນ

299

ຄົນທົ່ວໂລກຕ່າງກໍ່ຫຼັ່ງໄຫຼກັນໄປຂາຍມືຖືຫົວເຫວີ່ຍ ອອກ ຈົນຮ້ານມືຖືປະຕິເສດຮັບຊື້ ເພາະວ່າ ລາຄາຕົກ ຂະໜາດ Huawei P30 Pro ລາຄາເຫຼືອພຽງ 100 ເອີໂຣ ຫຼື ປະມານ 9,6 ແສນກີບເທ່ານັ້ນ.

ເມື່ອວັນທີ 24 ພຶດສະພາ ຜ່ານມາ ມີລາຍງານ ວ່າ ປະເທດໃນເອີຣົບ ເຊິ່ງຖືເປັນແຫຼ່ງຕະຫຼາດໃຫຍ່ ທີ່ມີຄົນໃຊ້ມືຖືຂອງຫົວເຫວີ່ຍ ເປັນຈໍານວນຫຼາຍ ພາກັນຫຼັ່ງໄຫຼໄປຂາຍໂທລະສັບມືສອງ ຍ້ອນວ່າບໍ່ໝັ້ນໃຈໃນອະນາຄົດຂອງຫົວເຫວີ່ຍ ວ່າ ຈະສາມາດໃຊ້ລະບົບປະຕິບັດການແອນດຣອຍ ແລະ ແອັບພຣິເຄຊັ່ນຕ່າງໆ ໃນ Google Play ໄດ້ ຫຼື ບໍ່ ຈຶ່ງເຮັດໃຫ້ບັນດາຜູ້ທີ່ໃຊ້ມືຖືບໍ່ຢາກສ່ຽງດວງໃຊ້ມືຖືຂອງຫົວເຫວີ່ຍອີກຕໍ່ໄປ.

ເວັບໄຊຂາຍມືຖືມືສອງແຫ່ງໜຶ່ງໄດ້ເປີດເຜີຍວ່າ ມີຄົນສະເໜີຂາຍມືຖືຂອງຫົວເຫວີ່ຍຫຼາຍຂຶ້ນ ເຖິງ 540% ຈົນ ທາງຮ້ານຕ້ອງປະຕິເສດບໍ່ຮັບຊື້ມືຖືຂອງຄ້າຍດັ່ງກ່າວເພິ່ມອີກແລ້ວ ເນື່ອງຈາກມີແນວໂນ້ມວ່າ ລາຄາຈະຕົກລົງອີກຫຼາຍ ເຊິ່ງໃນຂະນະນີ້ ເບິ່ງຄືວ່າບາງຮ້ານໃນເອີຣົບ ມືຖືລຸ້ນທັອບ ເຊັ່ນ Huawei P30 Pro ຈະມີລາຄາຮັບຊື້ຕົກລົງມາເຫຼືອພຽງ 100 ເອີໂຣ ຫຼື ປະມານ 963.000 ກີບເທົ່ານັ້ນ. ນອກຈາກນີ້, ໃນຕະຫຼາດອື່ນໆ ເຊັ່ນພາກພື້ນອາຊີເອງຫົວເຫວີ່ຍກໍ່ຕົກຢູ່ໃນສະຖານະການທີ່ບໍ່ຕ່າງຈາກເອີຣົບຫຼາຍປານໃດ ຍ້ອນວ່າຮ້ານມືຖືຫຼາຍໆແຫ່ງເລິ່ມບໍ່ຄ່ອຍຢາກຮັບຊື້ມືຖືມືສອງຂອງຫົວເຫວີ່ຍແລ້ວ ເພາະຢ້ານວ່າຈະຂາຍບໍ່ອອກ.

ໃນຂະນະທີ່ ຊາວຈີນຮ່ວມໃຈກັນສະໜັບສະໜຸນ ແລະ ໃຊ້ມືຖືຫົວເຫວີ່ຍກັນຫຼາຍຂຶ້ນນັ້ນ ແຕ່ຄົນໃນປະເທດອື່ນໆຈະມີຄວາມຄິດທີ່ເປັນກົງກັນຂ້າມ ເພາະນອກຈາກຄົນທີ່ໃຊ້ມືຖືຫົວເຫວີ່ຍຢູ່ ແມ່ນຢາກຂາຍມືສອງອອກແລ້ວ ສ່ວນຄົນທີ່ຄິດຈະຊື້ມືຖືໃໝ່ກໍ່ບໍ່ສົນໃຈທີ່ຈະຊື້ຫົວເຫວີ່ຍເຊັ່ນກັນ ເຊິ່ງແນ່ນອນວ່າ ໃນສະຖານະການແບບນີ້ມືຖືແບຣນອື່ນໆ ກໍ່ຈະມີຄົນໃຫ້ຄວາມສົນໃຈກັນຫລາຍຂຶ້ນ ຂະນະທີ່ ເວັບຂາຍມືຖືໃນເອີຣົບພົບວ່າມີຄົນໃຫ້ຄວາມສົນໃຈສອງແບຣນຫຼາຍຂຶ້ນ ເຊັ່ນຊໍາຊຸງ 13% ແລະ Xiaomi 19%.

Credit: forbes, musicmagpie, scmp