ຜູ້ກຳກັບຢືນຢັນ ຈອຫ໌ນ ວິກ 4 ມີກຳນົດສາຍແລ້ວ

264

ຈັກກະວານຂອງນັກຂ້າເດີນທາງມາເຖິງພາກທີ 3 ແລ້ວ ສໍາລັບ ຮູບເງົາແອັກຊັ່ນ John Wick ຈາກຈຸດເລິ່ມຕົ້ນນ້ອຍໆ ກ່ອນຈະຂະຫຍາຍກວ້າງຂວາງເປີດໂລກຂອງນັກຂ້າທີ່ໜ້າສົນໃຈຂຶ້ນມາຫຼາຍກວ່າທີ່ເຮົາຄາດຄິດ ໂດຍ John Wick: Chapter 3- Parabellum ຈອຫ໌ນ ຕ້ອງຫຼົບໜີຈາກການໄລ່ລ່າຫຼັງຈາກສະພາຂັ້ນສູງຂອງບັນດານັກຂ້າໄດ້ມີຄຳສັ່ງຕັດຫາງປ່ອຍວັດ ຍ້ອນສາດເຫດທີ່ ຈອນ ເຮັດຜິດກົດຂອງໂຮງແຮມ The Continental ດ້ວຍການຂ້າ ຊານຕິໂນ ອັນໂຕນິໂອ ໃນໂຮງແຮມທີ່ມີກົດຫ້າມຂ້າກັນເອງ (ໃນພາກ 2).

ໃນຕອນນີ້ ຮູບເງົາ John Wick Chapter 3 ກໍ່ເຮັດລາຍໄດ້ຖະຫຼົ່ມທະລາຍໄປແລ້ວທົ່ວໂລກ 99 ລ້ານໂດລາ (ປະມານ 860 ຕື້ກີບ) ຈາກການເຂົ້າສາຍໃນໂຮງຮູບເງົາຕັ້ງແຕ່ ວັນທີ 16 ພຶດສະພາ 2018 ຜ່ານມາ ຂໍບອກເລີຍວ່າ ເຮັດໃຫ້ຜູ້ຄົນມ່ວນສຸດໆໄປກັບສາກແອັກຊັ່ນທີ່ຈັດໜັກຈັດເຕັມ ໂດຍນັກສະແດງລະດັບຝີມື Keanu Reeves.

ຈົນຫຼ້າລຸດ Chad Stahelski ຜູ້ກໍາກັບໄດ້ໃຫ້ສໍາພາດກັບ ComicBookcom ກ່ຽວກັບທິດທາງການສ້າງຮູບເງົາ John Wick ຕັ້ງແຕ່ພາກທໍາອິດຈົນເຖິງປັດຈຸບັນ ແຖມດ້ວຍການຢອດຂ່າວເລັກໆນ້ອຍໆວ່າ ໃຫ້ແຟນໆໄດ້ຕື່ນເຕັ້ນເພິ່ມອີກ ເມື່ອປະກາດອອກມາຢ່າງເປັນທາງການແລ້ວວ່າ ຮູບເງົາຈັກກະວານນັກຂ້າ John Wick Chapter 4 ຈະອອກມາສາຍໂຊທັກສະການຕໍ່ສູ້ເທິງຈໍຮູບເງົາ ໃນວັນທີ 21 ພຶດສະພາ 2021 ນີ້ !!!