ວ້າວ! ພົບສຸສານກວ່າ 160 ແຫ່ງ ພ້ອມບູຮານວັດຖຸສະໄໝຮັ່ນ ໃນເຫີໜານ

278

ເມື່ອບໍ່ດົນມານີ້ ບັນດານັກບູຮານຄະດີ ໄດ້ເປີດເຜີຍການຄົ້ນພົບສຸສານບູຮານ 160 ແຫ່ງ ໃນມົນທົນເຫີ ໜານ ທາງຕອນກາງຂອງຈີນ ເຊິ່ງເຊື່ອວ່າຖືກສ້າງຂຶ້ນໃນສະໄໝຣາຊະວົງຮັ່ນ (ເມື່ອ 202 ປີກ່ອນ ພສ – ພສ 220) ພາຍໃນສຸສານພົບບູຮານວັດຖຸ ຫຼາຍກວ່າ ພັນຊິ້ນ ເຊັ່ນ: ເຄື່ອງໃຊ້, ເຄື່ອງເຫຼັກ, ເຄື່ອງປັ້ນດິນເຜົາ ລວມເຖິງຫຼຽນກາບູຮານຈໍານວນຫຼາຍ.

ເຖິງວ່າຈະພົບວັດຖຸບູຮານດັ່ງກ່າວຈໍານວນຫຼາຍ ແຕ່ນັກບູຮານຄະດີ ຢືນຢັນວ່າ ສຸສານເຫຼົ່ານີ້ ເປັນຂອງຊາວບ້ານບໍ່ແມ່ນຂອງຣາຊະວົງ.

ເກົາຈ້ານຫຼິງ ຈາກສະຖາບັນບູຮານວັດຖຸທາງວັດທະນະທໍາແຫ່ງເຈິ້ງໂຈວ ເມືອງເອກຂອງມົນທົນເຫີໜານ ກ່າວວ່າ “ມີເມືອງເກົ່າຢູ່ບໍ່ໄກຈາກກຸ່ມສຸສານແຫ່ງນີ້ ເຊິ່ງອາດເປັນຫຼັກຖານພິສູດວ່າ ຜູ້ທີ່ຖືກຝັງຢູ່ທີ່ນີ້ ເປັນປະຊາກອນຂອງເມືອງນັ້ນ”.

ກູ້ວ່ານຟາ ຫົວໜ້າຂອງສະຖາບັນກ່າວວ່າ “ການຂຸດຄົ້ນໃນຄັ້ງນີ້ ຊ່ວຍເພິ່ມແຫຼ່ງຂໍ້ມູນເພື່ອການສຶກສາຄົ້ນຄວ້າກ່ຽວກັບ ເຈິ້ງໂຈວ ໃຫ້ແກ່ພວກເຮົາ ເພາະວ່າຜ່ານມາ ຫຼັກຖານສະໄໝຣາຊະວົງຮັ່ນ ທີ່ຖືກຂຸດພົບທີ່ນີ້ຍັງມີຈໍານວນຈໍາກັດ”.