ພັດທະນາຊີວິດ! ຈີນແຈກທຶນຮຽນແພດຟຣີ ໃຫ້ນັກຮຽນຊົນບົດ ເກືອບ 7 ພັນຄົນ

257

ສຳນັກຂ່າວຊິນຫົວຂອງຈີນ ລາຍງານວ່າ ເມື່ອວັນອາທິດ ທີ 12 ພຶດສະພາ ຜ່ານມາ ວ່າ ກະຊວງສຶກສາທິການຈີນ ເຜີຍວ່າ ຈາກການສະໜັບສະໜຸນຂອງລັດຖະບານກາງ ໃນປີນີ້ ວິທະຍາໄລການແພດຫຼາຍແຫ່ງຂອງຈີນຈະຮັບນັກຮຽນຈາກຊົນນະບົດ ປະມານ 6.700 ຄົນ ເຂົ້າສຶກສາຕໍ່ໂດຍບໍ່ເສຍຄ່າໃຊ້ຈ່າຍໃດໆຕະຫຼອດ 5 ປີ ໃນຫຼາຍສາຂາວີຊາ ເຊັ່ນ: ການແພດ, ການແພດແຜນບູຮານຈີນ, ການແພດແຜນບູຮານມອງໂກເລຍ, ການແພດແຜນບູຮານທິເບດ ແລະ ການແພດແຜນບູຮານຊົນເຜົ່າໄຕ. ເມື່ອຈົບການສຶກສາແລ້ວຈະຕ້ອງເຂົ້າເຮັດວຽກໃນສູນສຸຂະພາບທາງພາກກາງ ແລະ ພາກຕາເວັນຕົກຂອງປະເທດ.

ທັງນີ້ ຜູ້ສະໝັກຈະຕ້ອງມາຈາກເຂດພື້ນທີ່ຊົນບົດ ແລະ ຕ້ອງເຂົ້າຮ່ວມການສອບເສັງເຂົ້າມະຫາວິທະຍາໄລປະຈໍາປີຂອງປີນີ້ ໂດຍກ່ອນຈະໄດ້ຈົດໝາຍຕອບຮັບເຂົ້າສຶກສາຕໍ່ ນັກຮຽນທຸກຄົນຈະຕ້ອງເຊັນສັນຍາກັບທາງວິທະຍາໄລທີ່ຈະເຂົ້າສຶກສາຕໍ່ ລວມເຖິງໜ່ວຍງານທີ່ກ່ຽວຂ້ອງໃນພື້ນທີ່ ທີ່ຕົນປະສົງຈະເຂົ້າເຮັດວຽກໃນອະນາຄົດ.

Credit: China Xinhua News