ກວ່າ 205 ລາຍການ! ພາສີມົງໂກລີໃນ ເຜີຍຄະດີລັກລອບນໍາເຂົ້າໜັງໝາປ່າ

260

ສຳນັກຂ່າວຊິນຫົວຂອງຈີນ ລາຍງານເມື່ອວັນພຸດ ທີ 1 ພຶດສະພາ ວ່າ ເມື່ອບໍ່ດົນມານີ້ ເຈົ້າໜ້າທີ່ພາສີອາກອນຂອງເມືອງຮູເຫີເຮົ່າເທີ່ ເມືອງເອກຂອງເຂດປົກຄອງຕົນເອງມົງໂກລີໃນ ທາງພາກເໜືອຂອງຈີນ ໄດ້ເປີດເຜີຍການກວດຢຶດສິນຄ້າທີ່ເຮັດຈາກໜັງໝາປ່າ ຈໍານວນ 205 ລາຍການ.

ທັງນີ້ ເຈົ້າໜ້າທີ່ໄດ້ຮັບການແຈ້ງໃຫ້ເຂົ້າໄປກວດຄົ້ນລົດບັນທຸກຖ່ານຫິນຄັນໜຶ່ງທີ່ເຂົ້າມາປະເທດມົງໂກລີໃນ ແລະ ພົບສິນຄ້າດັ່ງກ່າວໃນລົດຄັນນີ້ ຄົນຂັບລົດເປັນຊາວມົງໂກລີໃນ ຍອມຮັບສາລະພາບກັບເຈົ້າໜ້າທີ່ ວ່າ ຕົນໄດ້ຮັບເງິນ 2.000 ຢວນ ( ປະມານ 2.500.000 ກີບ ) ຈາກເພື່ອນຂອງຕົນໃຫ້ລັກລອບນໍາໜັງໝາປ່າເຂົ້າປະເທດຈີນ.

ໂດຍໝາປ່າເປັນສັດທີ່ໄດ້ຮັບການຄຸ້ມຄອງ ໂດຍອະນຸສັນຍາວ່າດ້ວຍການຄ້າ ລະຫວ່າງປະເທດຂອງສັດປ່າ ແລະ ພືດປ່າ ທີ່ໃກ້ສູນພັນ ການຊື້-ຂາຍຜະລິດພັນກ່ຽວກັບໝາປ່າຈຶ່ງຖືເປັນການກະທຳຜິດກົດໝາຍໃນປະເທດຈີນ.

ຂະນະນີ້ ເຈົ້າໜ້າທີ່ໄດ້ຈັບກຸມຜູ້ຕ້ອງສົງໄສໄວ້ ແລະ ກໍາລັງດໍາເນີນການສອບສວນເພິ່ມຕື່ມ.

Credit: China Xinhua News