ທາງລົດໄຟຈີນ – ລາວ ເລັ່ງກໍ່ສ້າງເຕັມໂຕ ມີເປົ້າໝາຍແລ້ວສຳເລັດ ພ້ອມໃຊ້ວຽກ ໃນທ້າຍປີ 2021

380

ທາງລົດໄຟຈີນ – ລາວ ເລັ່ງກໍ່ສ້າງເຕັມໂຕ ມີເປົ້າໝາຍແລ້ວສຳເລັດ ພ້ອມໃຊ້ວຽກ ໃນທ້າຍປີ 2021.

ເມື່ອວັນຈັນ ທີ 29 ເມສາ ສຳນັກຂ່າວຊິນຫົວ ຂອງຈີນໄດ້ເຜີຍແຜ່ຮູບພາບ ຄວາມເຄື່ອນໄຫວຂອງການດຳເນີນການກໍ່ສ້າງເສັ້ນທາງສາຍໄໝ ແຫ່ງສະຕະວັດທີ 21 ເສັ້ນທາງລົດໄຟຈີນ-ລາວ ແບບເຕັມສູບ ເພື່ອໃຫ້ແລ້ວສຳເລັດ ໃຫ້ທັນໄດ້ໃຊ້ວຽກ ແລະ ພ້ອມໃຫ້ບໍລິການ ໃນທ້າຍປີ 2021.

ຂໍເຊີນທຸກທ່ານຊົມຮູບພາບຄວາມຄືບໜ້າຫຼ້າສຸດຂອງໂຄງການເສັ້ນທາງ “ລົດໄຟຈີນ – ລາວ” ເຊິ່ງບັນດານັກວິສະວະກອນ ແລະ ບັນດາແຮງງານທີ່ກໍາລັງເລັ່ງມືກໍ່ສ້າງກັນຢ່າງແຂງຂັນ ເພື່ອໃຫ້ແລ້ວສຳເລັດຕາມກໍານົດການເປີດໃຊ້ວຽກເຕັມຮູບແບບ ພາຍໃນທ້າຍປີ 2021.

ທາງລົດໄຟຈີນ – ລາວຈະເຊື່ອມຕໍ່ລະຫວ່າງເມືອງອີ້ວຊີ ຂອງມົນທົນອະວິ໋ນໜານ (ຢູນນານ) ທາງຈີນຕາເວັນຕົກສຽງໃຕ້ ເຊິ່ງຕັ້ງຢູ່ສູງເໜືອລະດັບນໍ້າທະເລ ກວ່າ 1.800 ແມັດ ກັບແຂວງຫຼວງນໍ້າທາ ກ່ອນຈະມຸ່ງໜ້າສູ່ນະຄອນຫຼວງວຽງຈັນ ເມືອງຫຼວງຂອງປະເທດລາວ.

ໂຄງການທາງລົດໄຟຂ້າມເຂດແດນສາຍນີ້ ຖືເປັນໂຄງສ້າງພື້ນຖານທີ່ມີຄວາມສໍາຄັນຕໍ່ການດໍາເນີນແຜນລິເລິ່ມໜຶ່ງແລວໜຶ່ງເສັ້ນທາງ (BRI) ຂອງຈີນ ແລະ ການສົ່ງເສີມເຂດການຄ້າເສລີ ຈີນ – ອາຊຽນ ທີ່ກໍາລັງກໍ່ຮາກສ້າງຖານຂຶ້ນ.

ນອກຈາກນັ້ນ, ຍັງເປັນທາງລົດໄຟລະຫວ່າງປະເທດສາຍທໍາອິດທີ່ລົງທຶນ ແລະ ກໍ່ສ້າງໂດຍຈີນ ຮ່ວມດໍາເນີນວຽກງານໂດຍຈີນ ແລະ ລາວ ລວມເຖິງເຊື່ອມຕໍ່ສາຍກົງກັບໂຄງຂ່າຍທາງລົດໄຟຈີນ ເຊິ່ງສະທ້ອນໃຫ້ເຫັນຄວາມຮ່ວມມືອັນເປັນຮູບປະທໍາ.

ທາງລົດໄຟຈີນ – ລາວ ເລິ່ມກໍ່ສ້າງໂດຍຢຶດຖືມາດຕະຖານທາງລົດໄຟຈີນເປັນຫຼັກມີການອອກແບບຄວາມໄວ 160 ກິໂລແມັດຕໍ່ຊົ່ວໂມງ ຖ້າກໍ່ສ້າງແລ້ວສຳເລັດ ຈະເປັນອີກໜຶ່ງເສັ້ນທາງສໍາຄັນຂອງການເຂົ້າ – ອອກ ພາກພື້ນ ທາງພາກຕາເວັນຕົກສຽງໃຕ້ຂອງຈີນ.

Credit: China Xinhua News