ມະຫານະຄອນນິວຢອກ ສະເຫຼີມສະຫຼອງ ວັນປອດລົດຮັກໂລກ ຢໍ້າກະແສຮັກທໍາມະຊາດ

303

ເມື່ອວັນເສົາ ທີ 27 ເມສາ ທີ່ຜ່ານມາ ຊາວເມືອງນິວຢອກພ້ອມໃຈກັນສະເຫຼີມສະຫຼອງ “ວັນປອດລົດຮັກໂລກ 2019 (Car Free Earth Day 2019)” ເຊິ່ງຈັດຂຶ້ນເພື່ອສ້າງໃຫ້ມີຈິດສຳນຶກເຖິງການອະນຸລັກທໍາມະຊາດ ດ້ວຍການຍ່າງຕາມທ້ອງຖະໜົນໃນເມືອງ ໂດຍບໍ່ໃຊ້ລົດໃຫຍ່ ເຊິ່ງທາງເລືອກເສີມກໍ່ອາດຈະເປັນການຍ່າງ ຫຼື ການຂີ່ລົດຖີບ ທີ່ບໍ່ສ້າງມົນລະພິດໃຫ້ເປັນອັນຕະລາຍຕໍ່ໂລກ.

ປະຊາຊົນໃນພື້ນທີ່ ຕ່າງກໍ່ອອກມາຫຼິ້ນກິດຈະກໍາກັນທີ່ຖະໜົນ ທັງອອກກໍາລັງກາຍ, ຫຼິ້ນດົນຕີ, ຍ່າງຫຼິ້ນໄປມາກັນຢ່າງຫຼວງຫຼາຍ ເຊິ່ງກໍ່ເປັນພາບບັນຢາກາດອັນຄຶກຄັກ ທີ່ເຫັນໄດ້ຍາກເທິງທ້ອງຖະໜົນທີ່ປົກກະຕິແລ້ວ ແມ່ນຈະມີແຕ່ລົດໃຫຍ່ແລ່ນຢູ່ຕະຫຼອດ ເປັນກິດຈະກໍາທີ່ໄດ້ທັງຄວາມມ່ວນ ແລະ ຍັງສົ່ງເສີມຄ່ານິຍົມອັນດີກ່ຽວກັບການປົກປ້ອງຮັກສາທໍາມະຊາດອີກດ້ວຍ.