ພຽງ 5 ມື້ Avengers: Endgame ເປີດໂຕກາຍ ພັນລ້ານໂດລາ ກາຍເປັນຮູບເງົາທໍາອິດຂອງໂລກ

259

ເຖິງຕອນນີ້ ກໍ່ຕ້ອງຂໍບອກຕາມຕົງເລີຍວ່າ ບົດສະຫຼຸບແຫ່ງມະຫາຮູບເງົາຂອງຈັກວານ Marvel ຢ່າງ Avengers: Endgame ຖືວ່າກວາດລາຍໄດ້ເປີດຕົວແຮງກວ່າທີ່ນັກວິເຄາະຄາດການຈາກຍອດຈອງປີ້ທີ່ປະມານ 900 ລ້ານໂດລາ (ປະມານ 7.800 ຕື້ກີບ).

ແຕ່ໃນເມື່ອມາເຫັນຈຳນວນລາຍໄດ້ເປີດຕົວ ຈາກການເປີດເຜີຍຂອງ box office ຕັ້ງແຕ່ມື້ເຂົ້າສາຍ 24-28 ເມສາ 2019 ຕ້ອງຍອມຮັບໄດ້ເລີຍວ່າ ສູງກວ່າທີ່ຄາດຄິດກັນໄວ້ຫຼາຍຮ້ອຍລ້ານໂດລາ ເພາະວ່າ ຜ່ານໄປພຽງ 5 ວັນ ຫຼັງການເຂົ້າສາຍໃນໂຮງຮູບເງົາ Avengers: Endgame ກໍ່ກວາດລາຍໄດ້ເປີດຕົວໄປເຖິງ 1.209 ລ້ານໂດລາ (ກວ່າ 10 ພັນຕື້ກີບ) ເລີຍ.

ກາຍເປັນເລື່ອງທໍາອິດຂອງໂລກ ທີ່ມີລາຍໄດ້ຂຶ້ນໄປເຖິງຫຼັກ 1 ພັນລ້ານໂດລາ ໄດ້ຕັ້ງແຕ່ເປີດໂຕອາທິດທໍາອິດ

Avengers: Endgame ກາຍເປັນຮູບເງົາທີ່ມີລາຍໄດ້ຫຼັກ ພັນລ້ານໂດລາ ໄດ້ໄວທີ່ສຸດໃນປະຫວັດສາດ ໂດຍສາມາດລົ້ມແຊັມເກົ່າ ເຊິ່ງກໍ່ຄືໜຶ່ງໃນຮູບເງົາຂອງຈັກວານຂອງຕົນເອງ ຢ່າງ Avengers: Infinity War ໄປຮຽບຮ້ອຍ.

ໂດຍກ່ອນໜ້ານີ້ Avengers: Infinity War ຕ້ອງໃຊ້ເວລາເຖິງ 11 ວັນ ເພື່ອເຮັດລາຍໄດ້ໃຫ້ເຖິງຫຼັກ 1 ພັນລ້ານໂດລາ ແຕ່ Avengers: Endgame ໃຊ້ເວລາພຽງ 5 ວັນເທົ່ານັ້ນ ກໍ່ເຮັດລາຍໄດ້ເຖິງ 1.209 ລ້ານໂດລາ ໂດຍລາຍໄດ້ຂອງ Avengers: Endgame ໃນປັດຈຸບັນແບ່ງອອກໄດ້ເປັນ 2 ພາກສ່ວນດັງນີ້:

1 ລາຍໄດ້ໃນປະເທດສະຫະລັດ ອາເມຣິກາ ແລະ ປະເທດອາເມຣິກາເໜືອ 350 ລ້ານໂດລາ (ປະມານ 3.035 ຕື້ກີບ).

2 ລາຍໄດ້ຈາກທົ່ວໂລກ ແມ່ນ 859 ລ້ານໂດລາ (ປະມານ 7.450 ຕື້ກີບ).

ເຮັດໃຫ້ລາຍໄດ້ລວມທົ່ວໂລກໃນປັດຈຸບັນຂອງ Avengers: Endgame 1.209 ລ້ານໂດລາ.

ບໍ່ຕ້ອງບອກກໍ່ຮູ້ ວ່າຄວາມແຮງຂອງ Avengers: Endgame ໃນລະດັບນີ້ ຍິ່ງສົ່ງແຮງສັ່ນສະເທືອນໄປເຖິງຮູບເງົາ 4 ອັນດັບຂອງໂລກ ທີ່ສ້າງລາຍໄດ້ສູງກວ່າ 2 ພັນລ້ານໂດລາ ເຊິ່ງປັດຈຸບັນມີພຽງ 4 ເລື່ອງເທົ່ານັ້ນ.

ແຕ່ຫຼັງຈາກນີ້ ແຟນໆ ມາຣ໌ເວລ ຕ້ອງມາລຸ້ນກັນວ່າ Avengers: Endgame ຈະສາມາດໄຕ່ລໍາດັບຂຶ້ນໄປຢູ່ອັນດັບສູງທີ່ສຸດຂອງຮູບເງົາເຮັດລາຍໄດ້ສູງທີ່່ສຸດໃນໂລກໄດ້ ຫຼື ບໍ່ ໂດຍ 4 ຮູບເງົາທີ່ເຮັດລາຍໄດ້ສູງທີ່ສຸດຂອງໂລກ ໄດ້ແກ່:

1 Avatar ສາຍໃນປີ 2009 ເຮັດລາຍໄດ້ລວມໄວ້ 2.787 ລ້ານໂດລາ (ປະມານ 24.190 ຕື້ກີບ).

2 Titanic ສາຍໃນປີ 1997 ເຮັດລາຍໄດ້ລວມໄວ້ 2.187 ລ້ານໂດລາ (ປະມານ 18.900 ຕື້ກີບ).

3 Star Wars: Force Awakens ສາຍໃນປີ 2015 ເຮັດລາຍໄດ້ລວມໄວ້ 2.068 ລ້ານໂດລາ (ປະມານ 17.900 ຕື້ກີບ).

4 Avengers: Infinity War ສາຍໃນປີ 2018 ເຮັດລາຍໄດ້ລວມໄວ້ 2.048 ລ້ານໂດລາ (ປະມານ 17.400 ຕື້ກີບ).

ສຸດທ້າຍນີ້ ແອັດກໍ່ຂໍໃຫ້ Avengers: Endgame ສູ້ໆ 3000.

Credit: Boxofficemojo, wigipedia