ສະພາປະຊາຊົນແຫ່ງຊາດຈີນ ຮຽກຮ້ອງເພິ່ມຄົນ – ຂຶ້ນເງິນເດືອນແພດຊົນນະບົດ

293

ສຳນັກຂ່າວຊິນຫົວຂອງຈີນ ລາຍງານວ່າ ເມື່ອວັນຈັນ ທີ 22 ເມສາ ສະມາຊິກສະພາປະຊາຊົນແຫ່ງຊາດຈີນ (NPC) ໄດ້ຮຽກຮ້ອງໃຫ້ຈີນປະກາດໃຊ້ມາດຕະການປັບປຸງສະພາບການເຮັດວຽກ ແລະ ຂຶ້ນເງິນເດືອນໃຫ້ກັບເຈົ້າໜ້າທີ່ແພດຂອງໜ່ວຍບໍລິການໃນເຂດຊົນນະບົດ ຫຼັງຈາກທີ່ໄດ້ພິຈາລະນາລາຍງານຂອງແພດ ລະຫວ່າງການປະຊຸມຂອງຄະນະກໍາມະການປະຈໍາສະພາປະຊາຊົນແຫ່ງຊາດຈີນ.

ລາຍງານດັ່ງກ່າວ ໄດ້ຖືກສົ່ງໄປພິຈາລະນາໃນການປະຊຸມທີ່ຈັດຂຶ້ນທຸກໆສອງເດືອນຂອງສະພາປະຊາຊົນແຫ່ງຊາດຈີນ ໂດຍມີເນື້ອໃນ ລະບຸວ່າ ຈີນມີແພດທົ່ວປະເທດເກືອບ 3,61 ລ້ານຄົນ ໃນທ້າຍປີ 2018 ເຊິ່້ງຖືເປັນການເຕີບໂຕທີ່ໜ້າຊື່ນຊົມ ຢ່າງໃດກໍ່ຕາມ ກໍ່ໄດ້ພົບບັນຫາການຂາດແຄນແພດທົ່ວໄປ ແລະ ການກະຈາຍແພດທີ່ບໍ່ສົມດຸນໄປທົ່ວປະເທດ ທັງນີ້ ລາຍງານຍັງໄດ້ໃຫ້ຄໍາແນະນໍາກ່ຽວກັບການຈັດການບັນຫາດັ່ງກ່າວດ້ວຍ.

ຫຼີ່ເຟີຍເຍວ່ ກ່າວເສີມວ່າ ຈີນຄວນສະໜັບສະໜຸນ ແລະ ອອກນະໂຍບາຍເພິ່ມຕື່ມເພື່ອຊ່ວຍເຫຼືອແພດໃນພື້ນທີ່ຊົນບົດລວມເຖິງຄວນປັບປຸງລະດັບການຈ່າຍຄ່າປິ່ນປົວໃນຊົນບົດດ້ວຍ.

ດ້ານທ່ານເສີນຈູ໋ ຮອງປະທານຄະນະກໍາມະການ ສະພາປະຊາຊົນແຫ່ງຊາດຈີນ ກໍ່ໄດ້ກ່າວວ່າ ສະຖາບັນສຸຂະພາບໃນລະດັບຕ່າງໆຄວນມີແພດປິ່ນປົວປະຕິບັດທົ່ວໄປ (general practitioner, GP) ປະຈໍາການຢູ່ທຸກແຫ່ງ ພ້ອມທັງຮຽກຮ້ອງໃຫ້ຈີນສ້າງກົນໄກຈູງໃຈ ເພື່ອດຶງດູດຄົນທີ່ມີຄວາມສາມາດ ເພື່ອເຂົ້າມາເຮັດວຽກໃນຕໍາແໜ່ງດັ່ງກ່າວ.

ຮູບຖ່າຍ ເມື່ອວັນທີ່ 17 ເມສາ 2019 ປະທານປະເທດສີ ຈິ້ນຜິງ ພົບປະໂອ້ລົມກັບປະຊາຊົນ ແລະ ເຈົ້າໜ້າທີ່ແພດປະຈຳພື້ນທີ່ໃນໝູ່ບ້ານຮົວຊີ ເຂດປົກຄອງຕົນເອງ ສືຈູ້ຊົນຊາດຖູ່ເຈຍ ເທສະບານນະຄອນສົງຊິ່ງ ທາງພາກຕາເວັນຕົກສຽງໃຕ້ຂອງຈີນ.

Credit: China Xinhua News