ເກີດແຜ່ນດິນໄຫວ ຊຽງໃໝ່ ປະເທດໄທ 2,8 ແມັກນິຈູດ ຂະນະທີ່ຟີລິບປິນ ເສຍຊີວິດແລ້ວ 8 ຄົນ

244

ເກີດແຜ່ນດິນໄຫວ ຂະໜາດ 2,8 ແມັກນິຈູດ ພາຍໃນອຳເພີຝາງ ຈັງຫວັດຊຽງໃໝ່ ແຮງສັ່ນສະເທືອນເຮັດໃຫ້ປະຊາຊົນໃນພື້ນທີ່ຮັບຮູ້ໄດ້ ຂະນະນີ້ ຍັງບໍ່ມີລາຍງານຄວາມເສຍຫາຍ ຂະນະທີ່ ຫຼ້າສຸດ ປະເທດຟີລິບປິນ ເບື້ອງຕົ້ນມີຜູ້ເສຍຊີວິດຢ່າງໜ້ອຍ 8 ຄົນ ແລະ ບາດເຈັບກວ່າ 20 ຄົນ.

ເມື່ອວັນອັງຄານ ທີ 23 ເມສາ ສຳນັກຂ່າວໄດລີນິວສ໌ ຂອງໄທ ໄດ້ລາຍງານ ວ່າ ເມື່ອວັນອັງຄານ ທີ 23 ເມສາ ໜ່ວຍເຝົ້າລະວັງແຜ່ນດິນໄຫວກົມອຸຕຸນິຍົມວິທະຍາ ປະເທດໄທ ໄດ້ແຈ້ງເມື່ອເວລາ 4:40 ໂມງ ເກີດແຜ່ນດິນໄຫວຂະໜາດ 2,8 ແມັກນິຈູດ ຄວາມເລິກ 4 ກິໂລແມັດ ພາຍໃນອໍາເພີຝາງ ຈັງຫວັດຊຽງໃຫມ່ ປະເທດໄທ ແຮງສັ່ນສະເທືອນເຮັດໃຫ້ປະຊາຊົນໃນພື້ນທີ່ຮັບຮູ້ໄດ້ ຂະນະນີ້ ຍັງບໍ່ມີລາຍງານຄວາມເສຍຫາຍ.

ນອກຈາກນີ້ ຂໍ້ມູນຫຼ້າສຸດ ເມືອເວລາ 22:30 ໂມງ ວັນຈັນ ທີ 22 ເມສາ ລາຍງານວ່າ ຍັງເກີດແຜ່ນດິນໄຫວທີ່ ເກາະລູຊອນ ປະເທດຟີລິບປິນ ເມື່ອວັນອັງຄານ ທີ 22 ເມສາ ເວລາ 16:11 ໂມງ ຕາມເວລາປະເທດລາວ ຂະຫນາດ 6,1 ແມັກນິຈູດ ຄວາມເລິກປະມານ 39 ກິໂລແມັດ ເບື້ອງຕົ້ນມີຜູ້ເສຍຊີວິດຢ່າງໜ້ອຍ 8 ຄົນ ໄດ້ຮັບບາດເຈັບຫຼາຍກວ່າ 20 ຄົນ ສິ່ງປູກສ້າງໄດ້ຮັບຄວາມເສຍຫາຍຈໍານວນຫຼາຍສະໜາມບິນນານາຊາດຄລາກໄດ້ຍົກເລີກຖ້ຽວບິນ ຢ່າງໜ້ອຍ 24 ຊົ່ວໂມງ.

Credit: dailynews