ສຳຄັນສຳລັບ ທ່ານຍິງ ກິນອາຫານທີ່ມີປະໂຫຍດ ເພື່ອສຸຂະພາບຊ່ອງຄອດ

282

ມີອາຫານຫຼາກຫຼາຍປະເພດທີ່ເຮົາຮູ້ວ່າຈະຊ່ວຍບໍາລຸງອະໄວຍະວະສ່ວນໃດໃນຮ່າງກາຍ ຕົວຢ່າງຫຼາຍຄົນຮູ້ວ່ານໍ້າແຄນເບີຣີ ຈະຊ່ວຍຂັບໄລ່ການຕິດເຊື້ອໃນລະບົບທາງເດີນປັດສາວະ (Urinary Tract Infection-UTI) ຫຼື ກິນຫົວຜັກບົ່ວແດງ, ກະທຽມ, ໝັກນັດຈະສົ່ງຜົນກະທົບຕໍ່ຄວາມຮູ້ສຶກໃນການໄດ້ກິ່ນ ແລະ ລົດຊາດ ມີຂໍ້ມູນການວິໄຈ ເຜີຍວ່າ ອາຫານເຫຼົ່ານີ້ ບໍ່ແມ່ນອາຫານພຽງຊະນິດດຽວ ທີ່ສົ່ງຜົນຕໍ່ສຸຂະພາບຊ່ອງຄອດ ຍັງມີອາຫານອີກຫຼາຍຢ່າງທີ່ເປັນປະໂຫຍດຕໍ່ຊ່ອງຄອດສຳລັບທ່ານຍິງ.

ການຮັກສາຮ່າງກາຍໃຫ້ຊຸ່ມຊື່ນຖືເປັນກຸນແຈສໍາຄັນອັນທໍາອິດ ທີ່ເຮັດໃຫ້ຊ່ອງຄອດມີຄວາມແຂງແຮງການດື່ມນໍ້າຈະຊ່ວຍເຮັດໃຫ້ບໍລິເວນຊ່ອງຄອດຊຸ່ມຊື່ນ ແລະ ຫຼໍ່ລື່ນ ຫຼື ດື່ມຊາຂຽວ ກໍ່ອາດຊ່ວຍບັນເທົາອາການພີເອັມເອັສ (PMS) ທີ່ເປັນອາການກ່ອນມີລະດູຂອງທ່ານຍິງ (ປະຈຳເດືອນ) ບໍ່ວ່າຈະເປັນເຕົ້ານົມຄັນເຄັ່ງ, ແຂນຂາບວມ, ຫງຸດຫງິດງ່າຍ ແລະ ອື່ນໆ ສ່ວນໝາກໄມ້ທີ່ຄວນກິນ ເຊັ່ນແອບເປີ້ລເຊິ່ງຖ້າກິນທຸກວັນກໍ່ຈະມີສຸຂະພາບທາງເພດທີ່ດີຂຶ້ນ ລວມເຖິງມີຄວາມພຶງພໍໃຈໃນການມີກິດຈະກຳທາງເພດດ້ວຍເຊັ່ນກັນ ສຳລັບ ໝາກໄມ້ຊະນິດອື່ນ ເຊັ່ນ ກ້ວຍ, ອາງຸ່ນ, ໝາກກ້ຽງ ຖ້າກິນວັນລະຄັ້ງ ຫຼື ຫຼາຍກວ່ານັ້ນ ກໍ່ຈະເຮັດໃຫ້ໂອກາດຫຼຸດການເກີດເນື້ອງອກໃນໂມດລູກໜ້ອຍລົງ.

ນອກຈາກນີ້, ວິທີທີ່ດີທີ່ສຸດ ໃນການຮັກສາຊ່ອງຄອດໃຫ້ແຂງແຮງກໍ່ຄືການຮັກສາລໍາໄສ້ໃຫ້ແຂງແຮງເພາະເຊື້ອແບັກທີເຣຍສ່ວນໃຫຍ່ ມາຈາກລໍາໄສ້ໃຫຍ່ ຈຶ່ງຄວນໃຫ້ໄຟເບີ 25 ກຣາມຕໍ່ວັນແກ່ຮ່າງກາຍ (ອາຫານທີ່ມີໄຟເບີສູງ: ຫົວກະລໍ່າ, ກ້ວຍ, ໝາກສີດາ, ອາໂວກາໂດ້, ສາລີ, ແອັບເປິລຂຽວ…) ເພື່ອສົ່ງເສີມສຸຂະພາບຊ່ອງຄອດ ໂດຍໂຢເກີດກໍ່ມີໂປຣໄບໂອຕິກ ທີ່ຊ່ວຍເສີມຈຸລິນຊີໃນຊ່ອງຄອດ ໃຫ້ແຂງແຮງຊ່ວຍປ້ອງກັນການຕິດເຊື້ອໃນທາງເດີນປັນສະວະ ລວມເຖິງເຊື້ອລາ ແລະ ແບັກທີເຣຍໃນຊ່ອງຄອດ, ແຄລຊຽມໃນໂຢເກີດຍັງຊ່ວຍປັບປຸງອາການພີເອັມເອັສ ສ່ວນເນື້ອສັດກໍ່ຕ້ອງກິນປາແຊລມອນ ທີ່ມີວິຕາມິນດີ ແລະ ກົດໄຂມັນໂອເມກ້າ ທຣີ ທີ່ດີຕໍ່ຊ່ອງຄອດ ອີກທັງປາແຊບມອນຊ່ວຍເພີ່ມການໄຫຼວຽນເລືອດໄດ້ດີຂຶ້ນດ້ວຍ.