ເກີດເຫດລົດເມປາກເຊ-ວຽງຈັນຕົກຂົວທີ່ປາກກະດິງ ເມື່ອທ່ຽງຄືນຜ່ານມາ

1205

ເພຈ໌ເຟສບຸ໊ກ: ສະມາຄົມອາສາ ກູ້ໄພ ນະຄອນຫຼວງວຽງຈັນ ແຈ້ງເຫດສຸກເສີນ ໂທ 1624 ໄດ້ລາຍງານ ເກີດເຫດລົດເມໂດຍສານປາກເຊ-ວຽງຈັນ ຕົກຂົວທີ່ປາກກະດິງ ເມື່ອທ່ຽງຄືນ ທີ 21 ເມສາ 2019 ຜ່ານມາ.

ລົດເມໂດຍສານປາກເຊ-ວຽງຈັນ ປາຍທະບຽນ (ບກ 7979 ກຳແພງນະຄອນ) ສາຍຂາກັບເດີນທາງຈາກນະຄອນຫຼວງວຽງຈັນ ໄປ ນະຄອນປາກເຊ ໄດ້ປະສົບເຫດຕົກຂົວປາກກະດິງ ຂະນະນີ້ ທາງເຈົ້າໜ້າທີ່ກູ້ໄພກຳລັງດຳເນີນການກູ້ໄພຢູ່.

ລາຍງານເບື້ອງຕົ້ນ ພົບຜູ້ເສຍຊີວິດ 5 ຄົນ ບາດເຈັບ 16 ຄົນ ໜ່ວຍກູ້ໄພຫຼາຍໜ່ວຍງານພ້ອມເຂົ້າໃຫ້ການຊ່ວຍເຫຼືອ ແລະ ໜ່ວຍກູ້ໄພຈາກນະຄອນຫຼວງ 1624 ກໍ່ເປັນອິກໜຶ່ງໜ່ວຍງານທີ່ເລັ່ງສົ່ງລົດກູ້ໄພໄປຊ່ວຍຂົນສົ່ງຄົນເຈັບ ແລະ ເສຍຊີວິດນຳທີມງານກູ້ໄພຕ່າງໆທີ່ໄປຊ່ວຍເຫຼືອກ່ອນໜ້ານີ້ແລ້ວ.

Credit: ສະມາຄົມອາສາ ກູ້ໄພ ນະຄອນຫຼວງວຽງຈັນ ແຈ້ງເຫດສຸກເສີນ ໂທ 1624