ເຫຼືອບໍ່ເທົ່າໃດມື້ ໃນທີ່ສຸດແຟນໆ ກໍ່ຈະໄດ້ຊົມ Avengers: Endgame ກັນແລ້ວ 25 ເມສາ 2019 ນີ້ !!

251

ພວກເຮົາຈະເຫັນໄດ້ວ່າທີ່ຜ່ານມາທາງທີມງານຂອງ Marvel Studio ຕ້ອງການໃຫ້ແຟນຮູບເງົາໄດ້ສໍາຜັດປະສົບການ ໃນການເບິ່ງຮູບເງົາ Avengers: Endgame ຢ່າງສົມບູນແບບທີ່ສຸດໂດຍບໍ່ຖືກສະປອຍເສຍກ່ອນ.

ພວກເຮົາໄດ້ເຫັນຂ່າວອອກມາວ່າຜູ້ກໍາກັບບໍ່ຍອມໃຫ້ນັກສະແດງຈອມສະປອຍເຊັ່ນ ທອມ ຮອລແລນ (Tom Holland) ທີ່ໄດ້ຮັບເນື້ອບົດລວມເຖິງຂ່າວທີ່ທີມງານໃຫ້ ມາກ ຣັຟຟາໂລ Mark Ruffalo ໄດ້ສະແດງຕາມເນື້ອໃນບົດທີ່ແຕກຕ່າງກັນເຖິງ 5 ແບບ ເພື່ອປ້ອງກັນບໍ່ໃຫ້ນັກສະແດງເຜີຍແຜ່ຂໍ້ມູນອັນໃດທີ່ເປັນບົດແທ້ອອກໄປ.

ແຕ່ຫຼ້າສຸດ ສອງອ້າຍນ້ອງ ແອນໂທນີ ແລະ ໂຈ ຣູສໂຊ (Anthony & Joe Russo) ຜູ້ກໍາກັບຮູບເງົາ Avengers: Endgame ບົດສະຫຼຸບຂອງ ອິນຟິນິຕີ້ ຊາກາ (Infinity saga) ໄດ້ເປີດເຜີຍກັບເວັບໄຊ Rotten Tomatoes ວ່າ ໃນບັນດານັກສະແດງທັງໝົດ ມີພຽງ ໂຣເບີດ ດາວນີ ຈູເນຍ (Robert Downey Jr) ເປັນຄົນດຽວທີ່ໄດ້ອ່ານເນື້ອໃນບົດຂອງຮູບເງົາທັງໝົດແບບເຕັມໆເລື່ອງ!.

ທັງສອງເສີມອີກວ່າ ເຫດຜົນທີ່ຕ້ອງເກັບເນື້ອໃນບົດຮູບເງົາເປັນຄວາມລັບກັບນັກສະແດງ ເພາະຮູ້ວ່າຍິ່ງນັກສະແດງຮູ້ຫຼາຍກໍ່ຈະເພິ່ມຄວາມກົດດັນໃນເວລາສຳພາດ ແລະ ຢ້ານວ່າຈະຫຼົງເວົ້າຫຍັງອອກມາ. ພວກເຂົາຈຶ່ງຄິດວ່າການໃຫ້ນັກສະແດງຮູ້ໜ້ອຍຈະຊ່ວຍຫຼຸດຄວາມກົດດັນຂອງພວກເຂົາໄດ້ນັ້ນເອງ.

ເຊິ່ງກໍ່ໝາຍຄວາມວ່າ ໂຣເບີດ ດາວນີ່ ຫຼື ໄອອອນ ແມນ ຄືຄົນດຽວທີ່ທີມງານໄວ້ໃຈວ່າ ຈະສາມາດຮັບມືກັບຄວາມກົດດັນ ແລະ ຈະບໍ່ຫຼຸດຄວາມລັບຂອງຮູບເງົາອອກມາໄດ້ນັ້ນເອງ.

ແລ້ວພົບກັນທີ່ໂຮງຮູບເງົາ ເມຈີ ໃນລາວທຸກສາຂາ 25 ເມສາ 2019 ນີ້.!!! ອີກຢ່າງ ເພິ່ນເປີດໃຫ້ເຮົາຊື້ ແລະ ຈອງປີ້ລ່ວງໜ້າກັນແລ້ວເດີ້ ຮ່ວມກັນເປັນສັກຂີພິຍານໃນບົດສະຫຼົບ ອິນຟິນິຕີ້ ຊາກາ.

ຂໍ້ໃຫ້ເພີດເພີນໄປກັບຮູບເງົາທີ່ທ່ານຮັກ

Avengers: ENDGAME