ບຣາຊິລ ປະກາດຖອນຕົວອອກຈາກສະຫະພາບອາເມຣິກາລາຕິນ

202

ກະຊວງການຕ່າງປະເທດບຣາຊິລ ປະກາດໃນວັນທີ 15 ເມສາທີ່ຜ່ານມາວ່າ: ບຣາຊິລ ໄດ້ຖອນຕົວອອກຈາກສະຫະພາບອາເມຣິກາລາຕິນ ຢ່າງເປັນທາງການ.

ໃນເດືອນເມສາປີ 2018 ລັດຖະບານຂອງ 6 ປະເທດ ຄື: ບຣາຊິລ, ອາເຈນຕິນາ, ຊີລີ, ໂຄລົມເບຍ, ປາຣາກວາຍ ແລະ ເປຣູ ໄດ້ຕົກລົງຈະຢຸດຕິການເຂົ້າຮ່ວມການເຄື່ອນໄຫວຂອງສະຫະພາບອາເມຣິກາລາຕິນ ເປັນການຊົ່ວຄາວ.

ໂດຍການຕັດສິນໃຈມີສາເຫດຍ້ອນເກີດວິກິດການພາຍໃນສະຫະພາບເປັນໄລຍະຍາວນານແລ້ວ ແລະ ສະພາບການໃນສະຫະພາບດັ່ງກ່າວບໍ່ໄດ້ຮັບການປັບປຸງຈົນຮອດປັດຈຸບັນ.

ສະຫະພາບອາເມຣິກາລາຕິນ ສ້າງຕັ້ງຂຶ້ນເມື່ອເດືອນພຶດສະພາ ປີ 2018 ເຊິ່ງປະກອບມີສະມາຊິກປະເທດອາເມຣິກາລາຕິນ 12 ປະເທດ, ເລີ່ມແຕ່ປີ 2017 ເປັນຕົ້ນມາບໍ່ມີຜູ້ດຳລົງຕຳແໜ່ງເປັນເລຂາທິການໃຫຍ່ສະຫະພາບດັ່ງກ່າວ ສົ່ງຜົນເຮັດໃຫ້ການເຄື່ອນໄຫວວຽກງານພົບຄວາມຫຍຸ້ງຍາກ.