2 ຜູ້ກໍາກັບເຜີຍ ປູ່ສະແຕນ ລີ ຈະມາປະກົດຕົວ ຄັ້ງສຸດທ້າຍໃນ Avengers: Endgame

243

ຕາມທໍານຽມຂອງຮູບເງົາຟອມໃຫຍ່ ມາຣ໌ເວລ ມັກຈະມີການມາປະກົດຕົວຂອງສະແຕນ ລີ ຜູ້ສ້າງຈັກວານຊູບເປີ ຮີໂຣ່ ທີ່ມີຊື່ສຽງທົ່ວໂລກ ໃນສາກສັ້ນໆ ຫຼື Cameo ນັ້ນເອງ.

ແຕ່ເນື່ອງຈາກວ່າ ປູ່ສະແຕນ ໄດ້ຈາກໂລກນີ້ໄປແລ້ວ ເມື່ອທ້າຍປີ 2018 ຜ່ານມາ ເຮັດໃຫ້ແຟນໆ ຕ່າງກໍ່ອົດສົງໄສບໍ່ໄດ້ວ່າ ໃນຮູບເງົາເລື່ອງ Avengers: Endgame ທີ່ຈະສາຍໃນວັນທີ່ 25 ເມສາ ນີ້ ຈະມີປູ່ມາຮ່ວມສະແດງ ຫຼື ບໍ່.

ໂດຍທາງສື່ຕ່າງປະເທດກໍ່ໄດ້ສອບຖາມກັບ Anthony ແລະ Joe Russo ສອງອ້າຍນ້ອງທີ່ກໍາກັບເລື່ອງ Avengers: Endgame ເຊິ່ງພວກເຂົາກໍ່ເຜີຍຂໍ້ມູນວ່າ ໃນ Endgame ນີ້ ຈະເປັນເລື່ອງສຸດທ້າຍທີ່ “ສະແຕນ ລີ” ຈະໄດ້ເຂົ້າມາປະກົດໃນຮູບເງົາ ເຮັດໃຫ້ແຟນໆ ຈະໄດ້ເຫັນເຂົາຢ່າງແນ່ນອນ !!

ສະແຕນ ລີ 1922-2018