ຄາດ 3 ເດືອນຈະສໍາເລັດ! ເລິ່ມວາງຄານຂົວ ໂຄງການເສັ້ນທາງລົດໄຟ ຈີນ – ລາວ

1470

ເມື່ອວັນພຸດ ທີ 27 ມີນາ 2019 ສຳນັກຂ່າວຊິນຫົວ ໄດ້ເຜີຍແຜ່ພາບຄວາມຄືບໜ້າຂອງໂຄງການເສັ້ນທາງສາຍໄໝໃໝ່ ແຫ່ງສະຕະວັດທີ 21 ຫຼື ໜຶ່ງແຖບໜຶ່ງເສັ້ນທາງ ເສັ້ນທາງລົດໄຟຈີນ-ລາວ ເຊື່ອມຕໍ່ລະຫວ່າງ ບໍ່ຫານ (ຢູນນານ) ຈີນ ກັບ ບໍ່ເຕັນ ແຂວງຫຼວງນໍ້າທາ ໂດຍມີຄວາມຍາວທັງໝົດ
414,3 ກິໂລແມັດ.

ຊົມຄລິບທີ່ຖືກບັນທຶກໄວ້ເມື່ອບໍ່ດົນມານີ້ຂອງຂະບວນການເລິ່ມຕົ້ນການວາງຄານທີ່ເປັນສ່ວນໜຶ່ງໃນໂຄງການກໍ່ສ້າງຂົວທາງລົດໄຟ ຈີນ – ລາວ ໃນມົນທົນຢູນນານ ທາງພາກຕາເວັນຕົກສຽງໃຕ້ຂອງຈີນ ໂດຍຄາດວ່າຂັ້ນຕອນຂອງການວາງຄານຈະໃຊ້ເວລາ ປະມານ 3 ເດືອນ ແລ້ວສຳເລັດ.

ທ່ານ ຫວັງກວນອິ໋ງ ເຈົ້າໜ້າທີ່ຈາກບໍລິສັດໄຊນາ ເຣລເວ ທະເວນຕີ້ເຊກຄັນ ບູໂຣ ກຣຸບ ຈໍາກັດ ໄດ້ໃຫ້ສໍາພາດວ່າ ເຖິງວ່າໂຮງງານຜະລິດຄານຈະຢູ່ບໍ່ຫ່າງໄກຈາກທີ່ຕັ້ງຂົວແຫ່ງນີ້ ແຕ່ວັດຖຸທັງໝົດມີນໍ້າໜັກກວ່າ 8 ໂຕ້ນ ທີ່ຕ້ອງໃຊ້ໃນການສ້າງຄານ ຖືກສົ່ງມາຈາກຫຼາຍແຫ່ງ ທັງຈາກປະເທດລາວ, ເມືອງຄຸນໝິງ ແລະ ມົນທົນກຸ້ຍໂຈ ໃນຈີນ ທີ່ຕັ້ງຢູ່ຫ່າງອອກໄປຫຼາຍພັນກິໂລແມັດ.

ໂດຍ ທ່ານ ຫວັງກວນອິ໋ງ ກ່າວເພິ່ມອີກວ່າ “ພວກເຮົາຄັດເລືອກແຕ່ວັດຖຸທີ່ມີຄຸນນະພາບສູງ ເພື່ອຮັບປະກັນຄຸນະພາບຂອງຂົວແຫ່ງນີ້”.

ຂົວທາງລົດໄຟແຫ່ງນີ້ມີຄວາມຍາວ 3,5 ກິໂລແມັດ ປະກອບໄປດ້ວຍເສົາ 108 ຕົ້ນ ເປັນສ່ວນໜຶ່ງຂອງທາງລົດໄຟ ໄລຍະທາງ 414,3 ກິໂລແມັດ ທີ່ຈະເຊື່ອມລະຫວ່າງປະຕູຊາຍແດນບໍ່ຫານ – ບໍ່ເຕັນ ທາງພາກເໜືອຂອງລາວ ມຸ່ງໜ້າສູ່ນະຄອນຫຼວງວຽງຈັນ.

ໂຄງການທາງລົດໄຟດັ່ງກ່າວ ເຊິ່ງເປັນສ່ວນໜຶ່ງຂອງໂຄງການ “ເສັ້ນທາງສາຍໄໝໃໝ່” ຂອງຈີນ ໄດ້ເລິ່ມຕົ້ນສ້າງຂຶ້ນໃນປີ 2016 ແລະ ມີກໍານົດການເປີດໃຫ້ໃຊ້ບໍລິການ ພາຍໃນປີ 2021.

ທ່ານ ຫວັງ ກ່າວເຖິງສາເຫດທີ່ເສັ້ນທາງລົດໄຟແຫ່ງນີ້ ທີ່ປະກອບໄປດ້ວຍອຸມົງ ແລະ ຂົວ ຫຼາຍບ່ອນ ເນື່ອງມາຈາກຈຸດປະສົງຂອງໂຄງການຄືການອະນຸລັກແຜ່ນດິນປົກປ້ອງພື້ນທີ່ເພາະປູກ, ແຫຼ່ງນໍ້າ ແລະ ປ່າຢ່າງມີປະສິດທິພາບນັ້ນເອງ.

Credit: China Xinhua News