ສຳເລັດແລ້ວ! ຈີນເຈາະອຸມົງບໍ່ເຕັນ ຍາວກວ່າ 6,4 ກິໂລແມັດ 1 ໃນ 10 ອຸມົງຫຼັກເສັ້ນທາງລົດໄຟຈີນ – ລາວ

1795

ເມື່ອວັນເສົາ ທີ 23 ມີນາ ຜ່ານມາ ສຳນັກຂ່າວສິນຫົວ ໄດ້ນຳສະເໜີຂ່າວກ່ຽວກັບຜົນສຳເລັດຂອງການຂຸດເຈາະອຸມົງ ໃນໂຄງການໜຶ່ງແຖບໜຶ່ງເສັ້ນທາງ ນັ້ນຄື ໂຄງການເສັ້ນທາງລົດໄຟຈີນ – ລາວ ອຸໂມງບໍ່ເຕັນ (Boten Tunnel) ເຊິ່ງເປັນອຸໂມງຫຼັກຂອງໂຄງການເສັ້ນທາງລົດໄຟຈີນ – ລາວ ຖືກເຈາະທະລຸພູທີ່ມີຄວາມຍາວ 6.453,5 ແມັດ ສໍາເລັດແລ້ວເມື່ອບໍ່ດົນມານີ້.

ສືບເນື່ອງຈາກເງື່ອນໄຂທາງພູມສາດທີ່ບໍ່ເອື້ອອໍານວຍຕໍ່ການວາງເສັ້ນທາງລົດໄຟ ເຊັ່ນ ພູມສາດປະເທດທີ່ເປັນແບບຫິນປູນ, ມີຂຸມ ຫຼື ພາສາອັງກິດເອີ້ນວ່າ Karst ແລະ ພື້ນທີ່ທີ່ມີຮອຍແຍກ.

ເມື່ອການຂຸດອຸໂມງຫຼັກນີ້ ສໍາເລັດຈຶ່ງເປັນໝຸດໝາຍສໍາຄັນຂອງໂຄງການກໍ່ສ້າງ ເຊິ່ງມີອຸໂມງຫຼັກທັງໝົດ 10 ແຫ່ງ ໂດຍແຕ່ລະແຫ່ງມີຄວາມຍາວຫຼາຍກວ່າ 5 ກິໂລແມັດ.

ທັງນີ້ ໂຄງການເສັ້ນທາງລົດໄຟຈີນ – ລາວ ເປັນຄວາມຮ່ວມມືດ້ານການເຊື່ອມໂຍງລະດັບພາກພື້ນພາຍໃຕ້ນະໂຍບາຍໜຶ່ງແຖບໜຶ່ງເສັ້ນທາງ (BRI) ໂດຍປະເທດລາວເອງມີແຜນຈະພິກໂສມປະເທດຈາກທີ່ເຄີຍເປັນດິນແດນປິດ ໃຫ້ເປັນສູນກາງການເຊື່ອມຕໍ່ ທາງບົກ.

ໂຄງການເສັ້ນທາງລົດໄຟຈີນ – ລາວ ນີ້ ໄດ້ເລີ່ມຕົ້ນກໍ່ສ້າງ ເມື່ອປີ 2016 ແລະ ມີກໍານົດເປີດໃຊ້ບໍລິການໃນປີ 2021.

Credit Clip: China Xinhua News