ພຽງ 2 ອາທິດ Captain Marvel ກວາດລາຍໄດ້ທົ່ວໂລກກວ່າ 7 ພັນຕື້ກີບ

410

ຄ້າຍຮູບເງົາຟອມໃຫຍ່ Marvel ໄດ້ສົ່ງຮີໂຣສາວ ພະລັງມະຫາສານຄົນຫຼ້າສຸດ Captain Marvel ອອກມາກອບກູ້ໂລກ ແລະ ຊ່ວຍທີມ Avengers ທີ່ກຳລັງສິ້ນຫວັງຈາກສົງຄາມອັນຍະມະນີ ໃນ Avengers: Infinity War ເຊິ່ງປະຊາກອນເຄິ່ງຂອງຈັກກະວານໄດ້ສູນຫາຍ ຈາກການດີດນິ້ວ ຫຼື Snap ຂອງມະຫາຕົວຮ້າຍ Thanos ທີ່ລົງມາລ່າ ອັນຍະມະນີ ທັງ 6 ເມັດ ດ້ວຍຕົນເອງຈົນສຳເລັດ.

ການມາປະກົດຕົວຂອງຮີໂຣສາວ Captain Marvel ສ້າງຄວາມສົນໃຈ ແລະ ໜ້າຕິດຕາມຫຼາຍຂອງແຟນຮູບເງົາທົ່ວໂລກ ເພື່ອຈະໄດ້ຮູ້ຈັກຄວາມສາມາດ ແລະ ຄວາມເກັ່ງຂອງນາງເພື່ອປູທາງໄປສູ່ການຜະເດັດເສິກໃນສົງຄາມ Avengers: End Game ທີ່ມີຄິວເຂົ້າສາຍໃນບ້ານເຮົາວັນທີ 25 ເມສາ 2019 ນີ້.

ສຳລັບ ຮູ້ເງົາຮີໂຣສາວສຸດສະຕຣອງ ສ້າງລາຍໄດ້ທົ່ວໂລກກວ່າ 825 ລ້ານໂດລາສະຫະລັດ ຫຼື ປະມານ 7.019 ຕື້ກີບ ໃນໄລຍະພຽງ 2 ອາທິດ ຫຼັງຈາກເຂົ້າສາຍ.

ໂດຍທາງເວັບໄຊ www.boxofficemojo.com ໄດ້ໃຫ້ຂໍ້ມູນ ໃນວັນທ 21 ມີນາ 2019 ວ່າ ຮູບເງົາຟອມໃຫຍ່ ເລື່ອງ Captain Marvel ສ້າງລາຍໄດ້ລວມທົ່ວໂລກ ທັງໝົດ 825.077.835 ໂດລາສະຫະລັດ ພາຍໃນເວລາພຽງ 2 ອາທິດ.

ນັບວ່າເປັນຮູບເງົາໃນລໍາດັບທີ 21 ຂອງເຄືອຈັກກະວານ Marvel ທີ່ກວາດລາຍໄດ້ສູງເປັນອັນດັບທີ 77 ຂອງຮູງເງົາຈາກທົ່ວໂລກທັງໝົດໃນຂະນະນີ້.

Captain Marvel ເຂົ້າສາຍຄັ້ງທໍາອິດໃນປະເທດອາເມຣິກາ ເມື່ອວັນທີ 8 ມີນາ 2019 ເຊິ່ງກໍ່ເປັນມື້ດຽວກັບວັນແມ່ຍິງສາກົນອີກດ້ວຍ ແລະ ໄດ້ເຂົ້າສາຍໃນບ້ານເຮົາ ວັນທີ 7 ມີນາ 2019 ກ່ອນ ອາເມຣິກາ.

ຮູບເງົາເລື່ອງນີ້ອໍານວຍການສ້າງໂດຍ Marvel Studios ເຜີຍແຜ່ໂດຍ Walt Disney Studios Motion Pictures ແລະ ໄດ້ນັກສະແດງສາວໜ້າຮັກຢ່າງ Brie Larson ຮັບບົດເປັນ Captain Marvel.