ການກໍ່ສ້າງອຸມົງ – ຂົວ ໂຄງການເສັ້ນທາງລົດໄຟຈີນ – ລາວ ເຊື່ອມຢູນນານ – ວຽງຈັນ ຈະສຳເລັດ 90% ພາຍໃນປີນີ້

2486

ໂຄງການເສັ້ນທາງລົດໄຟຈີນ – ລາວ ທີ່ກໍາລັງຢູ່ລະຫວ່າງການກໍ່ສ້າງມີຄວາມຍາວ 414 ກິໂລແມັດ ມີບາງໄລຍະທາງທີ່ເປັນຂົວຍາວລວມ 62 ກິໂລແມັດ ແລະ ເປັນອຸໂມງຍາວລວມ 198 ກິໂລແມັດ.

ໃນປີ 2019 ນີ້ ໂຄງການກໍ່ສ້າງເສັ້ນທາງລົດໄຟກໍາລັງເຂົ້າຮູບເຂົ້າຮ່າງ ໂດຍຄາດວ່າ ການກໍ່ສ້າງພາກສ່ວນຂອງອຸມົງ ແລະ ຂົວຈະແລ້ວສຳເລັດ 90% ພາຍໃນປີນີ້.

ໂຄງການເສັ້ນທາງລົດໄຟຈີນ – ລາວ ເປັນສ່ວນໜຶ່ງຂອງການເຊື່ອມຕໍ່ລະຫວ່າງປະເທດພາຍໃຕ້ນະໂຍບາຍໜຶ່ງແຖບໜຶ່ງເສັ້ນທາງ (BRI: Belt and Road Initiative) ຂອງຈີນ ເສັ້ນທາງລົດໄຟສາຍນີ້ຈະເຊື່ອມຕໍ່ຈາກປະຕູຊາຍແດນໂມຮານ – ບໍ່ເຕັນ ທາງພາກເໜືອຂອງປະເທດລາວ ແລນສາຍກົງສູ່ນະຄອນຫຼວງວຽງຈັນ.

ທັງນີ້ ໂຄງການກໍ່ສ້າງເສັ້ນທາງລົດໄຟຈີນ – ລາວ ເລິ່ມຕົ້ນປະຕິບັດ ເມື່ອປີ 2016 ແລະ ຄາດວ່າຈະເປີດໃຫ້ບໍລິການໄດ້ໃນປີ 2021.

CR: China Xinhua News