ຕາຍແລ້ວ 127 ຄົນ ໄຂ້ຫວັດໝູລະບາດໜັກໃນອິນເດຍ

264

ຕົວເລກຫຼ້າສຸດທີ່ສູນຄວບຄຸມພະຍາດແຫ່ງຊາດອິນເດຍ ເປີດເຜີຍສະແດງໃຫ້ເຫັນວ່າ: ໃນປີນີ້ ອິນເດຍ ມີຜູ້ເປັນໄຂ້ຫວັດສາຍພັນ H1N1 ຫຼື ໄຂ້ຫວັດໝູ ປະເພດ A ຫຼາຍກວ່າ 12 ພັນຄົນ. ໃນນັ້ນ, ມີ 377 ຄົນເສຍຊີວິດ ແລະ ສ່ວນຫຼາຍແມ່ນເສຍຊີວິດຍ້ອນມີພະຍາດອື່ນແຊກຊ້ອນກັບພະຍາດໄຂ້ຫວັດດັ່ງກ່າວ.

ລັດຣາຊາສະຖານຂອງ ອິນເດຍ ເກີດພະຍາດດັ່ງກ່າວໜັກໜ່ວງກວ່າໝູ່ ໂດຍນັບລວມແລ້ວຕາມການລາຍງານມີຜູ້ເປັນໄຂ້ຫວັດຮ້າຍແຮງນີ້ ທັງໝົດ 3.508 ຄົນ. ໃນນັ້ນ, ເສຍຊີວິດແລ້ວ 127 ຄົນ.

ຂະນະທີ່ຢູ່ນະຄອນຫຼວງນິວເດນລີ ກໍເກີດມີການແຜ່ລະບາດຂອງໄຂ້ຫວັດໝູເຊັ່ນດຽວກັນ ໂດຍໃນສອງອາທິດທີ່ຜ່ານມາ ມີ 700 ກວ່າຄົນ ເປັນໄຂ້ຫວັດ ແລະ ເຮັດໃຫ້ຜູ້ເປັນໄຂ້ຫວັດໃນປີນີ້ ເພີ່ມຂຶ້ນເປັນ 2.278 ຄົນ.