ເກີດເຫດຍົນຂົນສົ່ງ ໂບອິ້ງ ຕົກລົງອ່າວທຣິນິຕີ້ ເສຍຊີວິດ 3 ຄົນ

343

ຍົນຂົນສົ່ງແບບໂບອິ້ງ 767 ຂອງສາຍການບິນແອັດລາສ ເດີນທາງໄປເມືອງຮຸສຕັນ ໃນລັດເທັກຊັສປະເທດອາເມຣິກາ ປະສົບອຸບັດຕິເຫດຕົກໃນອ່າວທຣິນິຕີ້ ເມື່ອວັນເສົາ ຜ່ານມາ ຄາດມີຜູ້ເສຍຊີວິດ 3 ຄົນ.

ສໍານັກຂ່າວເອພີລາຍງານຈາກເມືອງຮຸສຕັນ ລັດເທັກຊັສ ປະເທດສະຫະລັດ ອາເມຣິກາ ເມື່ອວັນທີ 24 ກຸມພາ ວ່າ ເຈົ້າເມືອງເຂດແຊມເບີ ລັດເທັກຊັສ ເປີດເຜີຍວ່າ ຍົນຂົນສົ່ງ ແບບໂບອິ້ງ 767 ຂະໜາດສອງເຄື່ອງຈັກຂອງສາຍການບິນແອັດລາສ ແອຣ໌ ພ້ອມລູກເຮືອເທິງຍົນ 3 ຄົນ ຂະນະກໍາລັງເດີນທາງໄປສະໜາມບິນເມືອງຮຸສຕັນ ເມື່ອວັນເສົາ ທີ່ຜ່ານມາ ໄດ້ປະສົບອຸບັດຕິເຫດຕົກໃນອ່າວທຣິນິຕີ້ ນອກຝັ່ງ ທາງຕາເວັນອອກຂອງເມືອງຮຸສຕັນ ເສດຊິ້ນສ່ວນຂອງຍົກກະຈາຍໄປທົ່ວອ່າວທຣິນິຕີ້ ໂດຍຍົນໄດ້ຕົກແບບປັກຫົວລົງມາກ່ອນ ຈຶ່ງຄາດວ່າຈະບໍ່ມີຜູ້ລອດຊີວິດເລີຍ ເຊິ່ງສະພາບທີ່ເກີດເຫດພົບວ່າຍົນເສຍຫາຍຄົມຄວນ.

ในภาพอาจจะมี หนึ่งคนขึ้นไป, รถยนต์ และสถานที่กลางแจ้ง

ຂໍ້ມູນຈາກ FlightAware.com ລະບຸວ່າ ຍົນຂົນສົ່ງລໍານີ້ ຫຼຸດລະດັບລົງມາ ເມື່ອເວລາ 12:45 ໂມງ ຂອງວັນເສົາ ຜ່ານມາຕາມເວລາທ້ອງຖິ່ນ ຈາກລະດັບຄວາມສູງ 1.900 ແມັດ ລົງມາເຫຼືອ 922 ແມັດ ໃນ ໄລຍະເວລາພຽງ 30 ວິນາທີເທົ່ານັ້ນ ສ່ວນສາຍການບິນແອັດລາສ ແອຣ໌ ຖະແຫຼງການວ່າ ບໍລິສັດອະເມຊອນເປັນຜູ້ດໍາເນີນການຖ້ຽວບິນດັ່ງກ່າວ ແລະ ທາງບໍລິສັດຂໍສະແດງຄວາມເສຍໃຈກັບຄອບຕົວຜູ້ຊີວິດ ຈາກເຫດການຄັ້ງນີ້.

ເຈົ້າເມືອງເຂດແຊມເບີ ກ່າວອີກວ່າ ເຈົ້າໜ້າທີ່ພົບຊິ້ນສ່ວນຂອງຜູ້ເສຍຊີວິດໃນທີ່ເກີດເຫດແລ້ວ ລວມເຖິງເສດຊິ້ນສ່ວນຕ່າງໆ ແຕ່ກ່ອງດໍາ ຫຼື ເຄື່ອງບັນທຶກຂໍ້ມູນການບິນຍັງຕ້ອງການຄົ້ນຫາຕໍ່ໄປ ເຖິງວ່າຈະຍາກລໍາບາກເພາະວ່າສະຖານທີ່ເກີດເຫດເປັນບ່ອນນ້ຳຂັງມີໂຄນຂີ້ຕົມເລິກ ປະມານ 1,5 ແມັດ ຕ້ອງໃຊ້ຍົນຕິດໃບພັດເຂົ້າໄປໃນພື້ນທີ່.

ในภาพอาจจะมี หนึ่งคนขึ้นไป, ท้องฟ้า, สถานที่กลางแจ้ง และธรรมชาติ

ຍົນຂົນສົ່ງລໍານີ້ ເປັນຖ້ຽວບິນ 3591 ເດີນທາງມາຈາກເມືອງໄມອາມີ ແລະ ໃກ້ຈະຮອດສະໜາມບິນນານາຊາດຈັອດ ບຸຊ ໃນເມືອງຮຸສຕັນແລ້ວ ກໍ່ຂາດການຕິດຕໍ່ກັບຫໍບັງຄັບການບິນ ທີ່ຢູ່ຫ່າງກັນພຽງ 48 ກິໂລແມັດ ທາງພາກຕາເວັນອອກສຽງໃຕ້ ເຊິ່ງທາງສໍານັກງານບໍລິຫານການບິນແຫ່ງຊາດຂອງສະຫະລັດ ໄດ້ສົ່ງເຈົ້າໜ້າທີ່ມາຮ່ວມກວດກາກັບສໍານັກງານຄະນະກໍາມະການຄວາມປອດໄພການຂົນສົ່ງແຫ່ງຊາດ ທີ່ຈະເປັນຫົວໜ້າທີມໃນການກວດກາຫາສາເຫດ.