ຍັງບໍ່ສູນພັນ! ຄົ້ນພົບເຕົ່າໃຫຍ່ເຟີນາດິນາ ເທິງໝູ່ເກາະກາລາປາໂກສ ໃນຮອບກວ່າ 100 ປີ

475

ຖ້າເວົ້າເຖິງສັດທີ່ສູນພັນໄປແລ້ວ ຕາມປົກກະຕິ ກໍ່ມັນຈະຄິດວ່າສັດທີ່ກ່າວເຖິງນັ້ນຈະບໍ່ສາມາດຊອກເຫັນໄດ້ເທິງໂລກນີ້ອີກຕໍ່ໄປແລ້ວ ແລະ ບໍ່ວ່າຈະເຮັດແນວໃດສັດເຫຼົ່ານີ້ ກໍ່ບໍ່ສາມາດຢ້ອນກັບຄືນມາໄດ້.

ເຖິງຢ່າງໃດກໍ່ຕາມ ທີ່ຜ່ານມາ ພວກເຣົາກໍ່ໄດ້ເຫັນຂ່າວຫຼາຍໆຄັ້ງ ວ່າ ສັດຊະນິດໃດໜຶ່ງທີ່ຖືກລະບຸວ່າໄດ້ສູນພັນໄປແລ້ວນັ້ນ ບາງຄັ້ງອາດຈະເກີດຂຶ້ນພຽງເພາະມະນຸດຄົ້ນຫາມັນບໍ່ເຫັນກໍ່ເປັນໄດ້.

ในภาพอาจจะมี ต้นพืช และสถานที่กลางแจ้ง

ເມື່ອວັນທີ 17 ກຸມພາ ປີ 2019 ຜ່ານມານີ້ເອງ ກໍ່ມີເຈົ້າໜ້າທີ່ ກະຊວງສິ່ງແວດລ້ອມຂອງອາເມຣິກາ ໃນໝູ່ເກາະກາລາປາໂກສແຫ່ງປະເທດເອກວາດໍ ໄດ້ອອກມາປະກາດວ່າ ເຕົ່າໃຫຍ່ເຟີນາດິນາ ( Fernandina giant tortoise or Chelonoidis phantasticus) ທີ່ຫຼາຍຄົນເຊື່ອກັນວ່າມັນໄດ້ສູນພັນໄປແລ້ວ ຕັ້ງແຕ່ປີ 1906 ນັ້ນແທ້ຈິງແລ້ວມັນຍັງຖືກຄົ້ນພົບ ແລະ ມີຊີວິດຢູ່ເທິງເກາະເຟີນາດິນາ.

ໂດຍການຄົ້ນພົບໃນຄັ້ງນີ້ ເກີດຂຶ້ນຫຼັງຈາກທີ່ເຈົ້າໜ້າທີ່ປ່າໄມ້ຂອງກາລາປາໂກສໄດ້ພົບກັບເຕົ່າຕົວເມຍຕົວໜຶ່ງ ທີ່ເດີນທາງກັບມາທີ່ເກາະເພື່ອປະສົມພັນຕາມສັນຊາດຕະຍານຂອງສັດ. ເທົ່ານັ້ນຍັງບໍ່ພໍ ໃນບໍລິເວນເກາະ ມີບັນດານັກວິໄຈຍັງໄດ້ພົບຮ່ອງຮອຍຂອງເຕົ່າຕົວອື່ນໆ ທີ່ຄາດກັນວ່າ ມາຈາກສາຍພັນດຽວກັນອີກດ້ວຍ ເຮັດໃຫ້ການຄົ້ນພົບໃນຄັ້ງນີ້ ນັບວ່າເປັນຂ່າວໃຫຍ່ ສໍາລັບບັນດານັກອະນຸລັກເລີຍກໍ່ວ່າໄດ້.

ในภาพอาจจะมี สถานที่กลางแจ้ง

ໃນອະດີດ ເຕົ່າໃຫຍ່ເຟີນາດິນາ ຖືກສັນນິຖານວ່າສູນພັນໄປຈາກການລະເບີດຂອງພູໄຟທີ່ເກີດຂຶ້ນເທິງເກາະຢູ່ເລື້ອຍ ຢ່າງໃດກໍ່ຕາມການຄົ້ນພົບຄັ້ງນີ້ ເຮັດໃຫ້ປ່ຽນຄວາມຄິດວ່າເຕົ່າໃຫຍ່ເຟີນາດິນາໄດ້ສູນພັນໄປຫມົດແລ້ວ ຕັ້ງແຕ່ 113 ປີກ່ອນ.

ແຖມການທີ່ມັນກັບມາຜະສົມຜະສານຍັງເຮັດໃຫ້ມີຄວາມເປັນໄປໄດ້ສູງທີ່ວ່າໃນອະນາຄົດເລົາອາດຈະໄດ້ເຫັນເຕົ່າຍັກເຟີນາດິນາກັບມາຢູ່ໃນທໍາມະຊາດເປັນຈໍານວນຫລາຍອີກຄັ້ງດ້ວຍ

ในภาพอาจจะมี สถานที่กลางแจ้ง

ໃນປັດຈຸບັນ ທາງທີມງານທີ່ກ່ຽວຂ້ອງໄດ້ຍ້າຍເຕົ່າໃຫຍ່ຕົວເມຍທີ່ຖືກພົບໄປໄວ້ທີ່ເກາະຊານຕາຄູຊ ເພື່ອດູແລຢ່າງໃກ້ຊິດຊົ່ວຄາວ ເພາະວ່າບາງທີເຈົ້າຈະສາມາດພົບເຕົ່າໃຫຍ່ເຟີນາດິນາຕົວຜູ້ ພວກມັນຈະໄດ້ຖືກນຳມາສືບພັນຢ່າງປອດໄພ ແລະ ຖ້າຄວາມພະຍາຍາມໃນການສືບພັນຄັ້ງນີ້ຜ່ານໄປໄດ້ດ້ວຍດີ ທາງທີມງານກໍ່ຫວັງເປັນຢ່າງຍິ່ງວ່າຈະເຮັດໃຫ້ເຕົ່າເຫຼົ່ານີ້ ຫຼຸດພົ້ນຈາກສະຖານະທີ່ໃກ້ສູນພັນຕໍ່ໄປ.

CR: allthatsinteresting