ໄອຊ໌ແລນ ມີແຜນ “ລ່າປາວານ” ເພິ່ມອີກ 2 ພັນໂຕ ໃນຮອບ 5 ປີ ເຮັດໃຫ້ເກີດກະແສຕໍ່ຕ້ານຈາກກຸ່ມອະນຸລັກທໍາມະຊາດ

287

ເຖິງວ່າຄວາມຕ້ອງການເນື້ອປາວານໃນຕະຫຼາດຈະຫຼຸດໜ້ອຍລົງ ແລະ ຖືກຄັດຄ້ານຈາກຫຼາຍປະເທດ ລັດຖະບານໄອຊ໌ແລນກໍ່ຢືນຢັນທີ່ຈະລ່າປາວານຕໍ່ໄປ.

ບັນດານັກລ່າປາວານໃນໄອຊ໌ແລນ ໄດ້ຮັບອະນຸຍາດຈາກລັດຖະບານໃຫ້ລ່າປາວານຟິນ ຈໍານວນ 209  ໂຕ ແລະ ປາວານມິງ 217 ໂຕ ໃນໜ້ານໍ້າໄອຊ໌ແລນທຸກໆປີຈົນເຖິງປີ 2023 ລວມແລ້ວຫຼາຍເຖິງ 2130 ໂຕ.

ในภาพอาจจะมี มหาสมุทร, เมฆ และน้ำ

ກຸ່ມອະນຸລັກທໍາມະຊາດໄດ້ອອກມາຕໍ່ຕ້ານລັດຖະບານ ໂດຍກ່າວວ່າ ການລ່າປາວານເປັນ ‘ການເຮັດຜິດສີນທໍາ’ ແລະ ສະແດງເຖິງ ‘ຄວາມລົ້ມເຫຼວທາງເສດຖະກິດ’.

ແຕ່ ທ່ານ ຄຣິສຢານ ທໍ ຈູລຽດສ໌ສັນ (Kristjan Thor Juliusson) ລັດຖະມົນຕີກະຊວງການປະມົງກໍ່ໄດ້ອອກມາບອກວ່າ “ຈໍານວນວານທີ່ກໍານົດຂຶ້ນມາ ສໍາລັບການລ່າປາວານເຂດໜ້ານ້ຳທະເລໄອຊ໌ແລນນັ້ນ ຖືວ່າຍັງຄົງທີ່ຕາມຜົນວິໄຈທາງວິທະຍາສາດຫຼ້າສຸດ”.

ในภาพอาจจะมี มหาสมุทร, ท้องฟ้า, สถานที่กลางแจ้ง, น้ำ และธรรมชาติ

ນອກຈາກນັ້ນ, ລັດຖະບານຍັງຍົກຜົນປະໂຫຍດທາງເສດຖະກິດ ພ້ອມກັບສະແດງຈໍານວນປະຊາກອນຂອງປາວານທີ່ເພິ່ມຂຶ້ນຈາກເດີມທີ່ໃກ້ຈະສູນພັນ ໂດຍກ່າວວ່າ “ຈາກຈໍານວນວານທີ່ພົບ ໃນປີ 2015 ທາງພາກເໜືອຂອງມະຫາສະມຸດແອດແລນຕິກ ເພິ່ມຂຶ້ນເປັນ 37.000 ໂຕ ຫຼື ຄິດເປັນສາມເທົ່າຈາກປີ 1987”.

ຢ່າງໃດກໍ່ຕາມ ຝ່າຍນັກອະນຸລັກທຳມະຊາດ ກ່າວວ່າ ລັດຖະບານບໍ່ຄວນຢຶດຕິດກັບຈໍານວນປາວານທີ່ເພິ່ມຂຶ້ນ ໃນເຂດໄອຊ໌ແລນ ແຕ່ຄວນຄໍານຶງເຖິງຈໍານວນປາວານທົ່ວໂລກທີ່ບາງຊະນິດກໍາລັງສ່ຽງຈະສູງພັນ.

ในภาพอาจจะมี ท้องฟ้า, มหาสมุทร, ภูเขา, สถานที่กลางแจ้ง, ธรรมชาติ และน้ำ

ທາງດ້ານ ຄະນະກໍາມະການລ່າປາວານລະຫວ່າງປະເທດ ຫຼື International Whaling Commission’s (IWC) ໄດ້ສັ່ງຫ້າມລ່າປາວານ ຕັ້ງແຕ່ປີ 1987 ແຕ່ໃນປະເທດໄອຊ໌ແລນ, ນໍເວ ຍັງທ້າທາຍຄໍາສັ່ງນີ້ ໂດຍການລ່າຕໍ່ໄປ.

CR: independent