ນໍ້າຕົກຕາດສົມພະມິດ ຢູ່ພາກໃຕ້ຂອງລາວ

537

ມື້ນີ້ຍິນດີແນະນໍາໃຫ້ທ່ານໄປຮູ້ຈັກກັບສະຖານທີ່ທ່ອງທ່ຽວແຫ່ງໜຶ່ງ ໃນດິນແດນພາກໃຕ້ຂອງລາວ
ເຊື່ອວ່າຫຼາຍໆຄົນຄົງຍັງບໍ່ທັນໄດ້ສໍາຜັດ ແລະ ມື້ນີ້ກໍມາທໍາຄວາມຮູ້ຈັກໄວ້ກ່ອນກໍດີ ເພື່ອມີໂອກາດໄປເຫັນ  ຈະໄດ້ສົມທຽບລະຫວ່າງຄໍາເລົ່າຂານກັບຄວາມເປັນຈິງ ມັນມີຄວາມຄ້າຍຄຽງກັນພຽງໃດ.

ນໍ້າຕົກຕາດສົມພະມິດ ເປັນນໍ້າຕົກຕາດທີ່ຂຶ້ນຊື່ລືນາມຂອງແຂວງຈຳປາສັກ ຮອງຈາກນໍ້າຕົກຕາດຄອນພະເພັງ ເຊິ່ງຕັ້ງຢູ່ທິດຕາເວັນຕົກຂອງດອນຄອນ ຫຼື ບ້ານຄອນໃຕ້, ຫ່າງຈາກຂົວຂ້າມແມ່ນ້ຳຂອງເສັ້ນທາງລົດໄຟປະມານ 700 ແມັດ.

ในภาพอาจจะมี ท้องฟ้า, มหาสมุทร, เมฆ, สถานที่กลางแจ้ง, ธรรมชาติ และน้ำ

ນ້ຳຕົກຕາດແຫ່ງນີ້ມີຄວາມສວຍງາມເປັນເອກະລັກສະເພາະ ນັກທ່ອງທ່ຽວ ທັງພາຍໃນ ແລະ ຕ່າງປະເທດໄດ້ມາສຳຜັດດ້ວຍຕາຕົນເອງແລ້ວຕ່າງກໍ່ຍ້ອງຍໍວ່າ: “ມີຄວາມງົດງາມສົມຄຳເລົ່າລືແທ້ໆ” ທັງນີ້ ຍ້ອນວ່າທຳມະຊາດນ້ຳຕົກຕາດແຫ່ງນີ້ ມີຄວາມສວຍງາມຊົມແລ້ວບໍ່ຮູ້ເບື່ອ ບໍ່ວ່າຈະຢູ່ໃນລະດູແລ້ງ ແລະ ລະດູຝົນ.

ສຳລັບຊື່ “ສົມພະມິດ” ມີຕຳນານໄດ້ກ່າວໄວ້ວ່າ: ພະມະຫາປາສະມັນນໍາຫາຍາດ ສ້າງວັດວາອາຣາມ ແລະ ເປັນເຈົ້າອາວາດວັດແຫ່ງນີ້ ຕໍ່ມາພະມະຫາປາສາມັນໄດ້ໄປສ້າງສຳນັກວິປັດສະນາກຳມະຖານຢູ່ດ້ານເທິງນ້ຳຕົກຕາດ ເຊິ່ງເພິ່ນເອີ້ນວ່າ: ວັດດອນຄອນ (ໃນປັດຈຸບັນ).

ในภาพอาจจะมี ต้นพืช, ท้องฟ้า, ภูเขา, ต้นไม้, สถานที่กลางแจ้ง, ธรรมชาติ และน้ำ

ເມື່ອສ້າງສຳເລັດແລ້ວພະມະຫາປາສະມັນ ໄດ້ໄປນຳເອົາພະພຸດທະຮູບອົງສັກສິດມາຈາກນະຄອນທົມ (ນະຄອນພະນົມໃນປະຈຸບັນ) ຫວັງຈະນຳມາປະດິດສະຖານໄວ້ທີ່ສຳນັກວິປັດສະນາກຳມະຖານ ເພື່ອເປັນທີ່ກາບໄຫວ້ຂອງເທວະດາ ແລະ ມະນຸດທັງຫຼາຍ. ເມື່ອມາເຖິງຝ່ັງນ້ຳຍາດໂຍມໄດ້ນໍາເຮືອ 3 ລໍາຕິດກັນແລ້ວເອົາພະພຸດທະຮູບຂຶ້ນໃສ່ເພື່ອຈະນຳຂ້າມມາສັກກາລະບູຊາໄວ້ທີ່ສຳນັກວິປັດສະນາກຳມະຖານ. ເມື່ອໃກ້ຈະມາຮອດທ່າພະລານຫີນບ່ອນຈອດແລ້ວບັງເອີນເຮືອໄດ້ໄຫຼລົງໄປຕາມກະແສນ້ຳ, ເຮືອຈຶ່ງແຕກອອກຈາກກັນໂດຍທີ່ພະພຸດທະຮູບກໍຕົກລົງສູ່ພາກພື້ນນ້ຳ.

ในภาพอาจจะมี ต้นพืช, ท้องฟ้า, ต้นไม้, สถานที่กลางแจ้ง, ธรรมชาติ และน้ำ

ເມື່ອເຫັນເປັນເຊັ່ນນັ້ນ ພະມະຫາປາສະມັນ ຈິ່ງໄດ້ຕັກເຕືອນຍາດໂຍມວ່າ: ອາດຕະມາຈະໄດ້ນັ່ງ ທຳການສະມາທິວິ່ງວອນຂໍແຜ່ເມດຕາໃຫ້ພະພຸດທະຮູບພົ້ນຂຶ້ນມາຂໍໃຫ້ຍາດໂຍມຢ່າຮ້ອງເຮ, ນັ່ງພະນົມມືເປັນສະມາທິດ້ວຍກັນ ເມື່ອພະພຸດທະຮູບຍ້າຍເຂົ້າມາແຄມຕາຝ່ັງແລ້ວຈິ່ງໂຈມຂຶ້ນໃສ່ພະລານຫີນ.

ເມື່ອກ່າວເຕືອນຍາດໂຍມແລ້ວ ພະມະຫາປາສະມັນ ກໍນັ່ງສະມາທິ, ຕັ້ງອາທິຖານອາລາທະນານິມົນ ໃຫ້ພະພຸດທະຮູບໄດ້ຜຸດຂຶ້ນມາແລ້ວເຂົ້າສູ່ຝັ່ງເຖິງແຄມ. ທັນໃດນັ້ນ ພະພຸດທະຮູບ ກໍຜຸດຂຶ້ນສູ່ໜ້ານ້ຳ ຍາດໂຍມແນມເຫັນດີໃຈຫຼາຍເລີຍພາກັນຮ້ອງຂຶ້ນວ່າ: “ສາທຸ” ພະພຸດທະຮູບກໍຈົມລົງຄືນ.

ในภาพอาจจะมี ท้องฟ้า, ต้นไม้, เมฆ, ต้นพืช, สถานที่กลางแจ้ง, ธรรมชาติ และน้ำ

ພະມະຫາປາສະມັນ ກໍໄດ້ເຕືອນຍາດໂຍມເປັນ ຄັ້ງທີ 2 ວ່າ: ເມື່ອພະພຸດຮູບພຸດຂຶ້ນເທິງໜ້ານ້ຳ ແລະ ເຂົ້າສູ່ຝັ່ງເຖິງແຄມແລ້ວ ຍາດໂຍມໂຈມຂຶ້ນສູ່ພະລານຫີນ ແລ້ວຈິ່ງປາກເວົ້າໄດ້. ພະມະຫາປາສະມັນໄດ້ນັ່ງສາມາທິວິ່ງວອນຂໍຄວາມເມດຕາໃຫ້ພະພຸດທະຮູບຜຸດຂຶ້ນມາເປັນເທື່ອທີ 2 ທັນໃດນັ້ນ ພະພຸດທະຮູບກໍຜຸດຂຶ້ນມາອີກ ແລ້ວຫຍັບຍ້າຍເຂົ້າແຖ່ນພະລານຫີນ ຍາດໂຍມ ໄດ້ໂຈມເອົາຂຶ້ນຫວິດຈາກໜ້ານ້ຳພໍພຽງຄືບໜຶ່ງ ດ້ວຍຄວາມໃຈຮ້ອນຍາດໂຍມທີ່ຢູ່ທາງດ້ານເທິງພະລານຫີນກໍຮ້ອງຂຶ້ນວ່າ “ຊ້າເຝີ” ໝົດທຸກຄົນກໍຮັບຄຳວ່າ: “ຊ້າ!” ພະພຸດທະຮູບ ກໍໜັກລົງຫຼຸດມືຍາດໂຍມ, ຈົມລົງຄືນ.

ในภาพอาจจะมี ท้องฟ้า, สถานที่กลางแจ้ง, ธรรมชาติ และน้ำ

ພະມະຫາປາສະມັນ ນັ່ງສະມາທິອີກ ແຕ່ພະພຸດທະຮູບກໍບໍ່ຜຸດຂຶ້ນອີກ ກໍເລີຍບໍ່ໄດ້ພະພຸດທະຮູບມາປະດິດສະຖານຢູ່ສຳນັກວິປັດສະນາກຳມະຖານ. ດ້ວຍເຫດນີ້ ຈຶ່ງໄດ້ໃສ່ຊື່ສະຖານທີ່ແຫ່ງນີ້ວ່າ: “ສົມພະມິດ” ແປວ່າ: ສົມພະເສຍ ຍ້ອນບໍ່ຟັງຄຳເຕືອນ.

ในภาพอาจจะมี น้ำ, สถานที่กลางแจ้ง และธรรมชาติ

ສ່ວນຊື່ ຄັນຫຼີ່ຜີ ຫຼື ຫຼີ່ຜີ ຫຼາຍທ່ານກໍ່ເຂົ້າໃຈວ່າ: ແມ່ນນ້ຳຕົກຕາດຄອນພະເພັງ ແລະ ອີກຫຼາຍທ່ານກໍເຂົ້າໃຈແມ່ນນ້ຳຕົກຕາດສົມພະມິດ, ມີຄວາມແປ ແລະ ນຶກຄິດ ຕາມຈິດສຳນຶກໃຜລາວ. ຄວາມເປັນຈິງແລ້ວ ຄັນຫຼີ່ຜີ ຫຼື ຫຼີ່ຜີນີ້ ແມ່ນນໍ້າຕົກຕາດເຫວ, ເຊິ່ງຄອນທັງຫຼາຍນັບແຕ່ນ້ຳແຄມຕາດຄອນພະເພັງຈົນເຖິງຄອນຝັ່ງທີ່ຕິດກັບດິນແດນຢູ່ກຳປູເຈຍ ໃນພູມສາດແຫ່ງຊາດໄດ້ກ່າວໄວ້ວ່າ: “ສາຍພູເຫຼັກຍາວຢຽດ ຂວາງກັ້ນແມ່ນ້ຳ ຕອນໃຕ້ຂອງປະເທດ ເຊິ່ງມີຄວາມຍາວປະມານ 15-20 ກິໂລ ແມັດ” ສາຍພູເຫຼັກດັ່ງກ່າວເຖົ້າແກ່ບູຮານໄດ້ຂະໜາມນາມວ່າ: ຫຼີ່ຜີ ແປວ່າ ຄັນຕັນເອົາຊາກສົບຄົນຕາຍ.

ในภาพอาจจะมี สถานที่กลางแจ้ง, ธรรมชาติ และน้ำ

CR: ອົງການພັດທະນາການທ່ອງທ່ຽວ