ຊິນຫົວ ອວດ “ຜູ້ປະກາດຂ່າວຊາຍ AI” ລຸ້ນອັບເກດ ສົ່ງພາສາກາຍ-ສີໜ້າອາລົມເປັນທໍາມະຊາດ

1609

ບໍ່ຢຸດພັດທະນາ! ຈີນ ອວດຜົນງານ “ຜູ້ປະກາດຂ່າວ AI” ຊາຍ ລຸ້ນອັບເກດຢືນສົ່ງພາສາກາຍ – ສີໜ້າອາລົມເປັນທໍາມະຊາດ.

ຊວນຊົມຄວາມກ້າວໜ້າໃໝ່ຫຼ້າສຸດຂອງຜູ້ປະກາດຂ່າວປັນຍາປະດິດ ຫຼື ເອໄອ (AI) ເຊິ່ງເກີດຈາກການຮ່ວມກັນພັດທະນາຂອງສໍານັກຂ່າວຊິນຫົວ ແລະ ໂຊໂກ້ (Sogou) ບໍລິສັດຜູ້ຜະລິດເວັບໄຊຄົ້ນຫາຂໍ້ມູນລາຍໃຫຍ່ສັນຊາດຈີນ.

ຄລິບວີດີໂອເຜີຍພາບຊາຍຜູ້ປະກາດຂ່າວເອໄອ ຊື່ວ່າ “ຊິນສ່ຽວຮ່າວ” (Xin Xiaohao) ກ່າວເຖິງຄວາມສາມາດໃໝ່ຂອງເຂົາທີ່ສາມາດລາຍງານຂ່າວ ພ້ອມສະແດງພາສາກາຍ ແລະ ອາລົມສີໜ້າ ໃນທ່າຢືນບໍ່ຕ້ອງນັ່ງຫຼັງໂຕ໊ະຄືເກົ່າ.

ເມື່ອບໍ່ດົນມານີ້ ສໍານັກຂ່າວຊິນຫົວ ຫາກໍ່ເປີດຕົວ “ຊິນ ສ່ຽວເໝິງ” ຜູ້ປະກາດຂ່າວເອໄອເພດຍິງຄົນທໍາອິດຂອງໂລກ ເມື່ອວັນພຸດ ທີ່ 20 ກຸມພາ ຜ່ານມາ ຫຼັງສ້າງຄວາມໜ້າສົນໃຈໄປທົ່ວວົງການດ້ວຍຜູ້ປະກາດຂ່າວເອໄອ ເພດຊາຍຄົນທໍາອິດຂອງໂລກ ເມື່ອປີຜ່ານມາ.

ຕ້ອງຍອມຮັບເລີຍວ່າ ຈີນ ເດີນໜ້າພັດທະນາເທັກໂນໂລຢີປັນຍາປະດິດຢ່າງຕໍ່ເນື່ອງ ແລະ ສ້າງສັນຜົນລັບອັນໜ້າຊຶ່ນຊົມຈົນແຍກບໍ່ອອກວ່າ ສິ່ງທີ່ເຮົາເຫັນນັ້ນເປັນ “ຄົນ” ແທ້ໆ ຫຼື ຫຸ່ນເລີຍ.

CR: China Xinhua News