ຫວຽດນາມ ປິດເສັ້ນທາງສັນຈອນ – ເຂັ້ມງວດຄວາມປອດໄພ ຕ້ອນຮັບຜູ້ນໍາເກົາຫຼີເໜືອ

386

ລັດຖະບານຫວຽດນາມປະກາດແຜນປິດເສັ້ນທາງຈະລາຈອນ ແລະ ເພິ່ມມາດຕະການດ້ານຄວາມປອດໄພຢ່າງເຂັ້ມງວດ ໃນເສັ້ນທາງສາຍຫຼັກ ທີ່ ທ່ານ ຄິມ ຈອງ-ອຶນ ຜູ້ນຳສູງສຸດເກົາຫຼີເໜືອ ໃຊ້ເດີນທາງມານະຄອນຫຼວງຮາໂນ່ຍ ເພື່ອກຽມຕົວປະຊຸມກັບ ປະທານາທິບໍດີໂດນັລ ທຣຳ ຜູ້ນໍາສະຫະລັດ.

ສໍານັກຂ່າວຕ່າງປະເທດລາຍງານຈາກນະຄອນຫຼວງຮາໂນ່ຍ ປະເທດຫວຽດນາມ ເມື່ອວັນເສົາ ທີ 23 ກຸມພາ ວ່າ ກົມທາງຫຼວງແຫ່ງຊາດຂອງຫວຽດນາມ ອອກຖະແຫຼງການ ເມື່ອວັນສຸກ ເລື່ອງການປິດເສັ້ນທາງການຈະລາຈອນບາງສ່ວນຂອງຖະໜົນສາຍຫຼັກສູ່ນະຄອນຫຼວງຮາໂນ່ຍ ຕັ້ງແຕ່ເວລາ 19:00 ໂມງ ຕາມເວລາທ້ອງຖິ່ນຂອງວັນທີ 25 ກຸມພາ ແລະ ການປິດເສັ້ນທາງທັງໝົດລະຫວ່າງ ເວລາ 06:00 ເຖິງ 14:00 ໂມງ ຕາມເວລາທ້ອງຖິ່ນຂອງວັນທີ 26 ກຸມພາ ຂະນະທີ່ ທາງການແຂວງຫຼັ່ງເຊີນ ເຊິ່ງຕັ້ງຢູ່ເໜືອສຸດຂອງຫວຽດນາມ ໄດ້ເພິ່ມກໍາລັງຕໍາຫຼວດ ແລະ ຈຸດກວດຕະຫຼອດເສັ້ນທາງຫຼວງສາຍຫຼັກສູ່ນະຄອນຫຼວງຮາໂນ່ຍ ໂດຍມີກໍາລັງເຈົ້າໜ້າທີ່ເພິ່ມຂຶ້ນຊັດເຈນທີ່ສຸດບໍລິເວນຈຸດຜ່ານແດນທີ່ເມືອງດິ່ງດາງ.

ຄວາມເຄື່ອນໄຫວດັ່ງກ່າວ ສອດຄ້ອງກັບລາຍງານທີ່ໄດ້ເຜີຍແຜ່ກ່ອນໜ້ານີ້ ວ່າ ທ່ານ ຄິມ ຈອງ-ອຶນ ຜູ້ນໍາສູງສຸດຂອງເກົາຫຼີເໜືອ ແລະ ຄະນະຈະເດີນທາງດ້ວຍຂະບວນລົດໄຟສາຍພິເສດຢ້ຽມຢາມຫວຽດນາມ ເພື່ອຮ່ວມການປະຊຸມກັບປະທານາທິບໍດີໂດນັລ ທຣຳ ຜູ້ນໍາສະຫະລັດ ລະຫວ່າງວັນທີ 27 ເຖິງ 28 ກຸມພານີ້ ທີ່ນະຄອນຫຼວງຮາໂນ່ຍ ໂດຍຂະບວນລົດໄຟຂອງຜູ້ນໍາເກົາຫຼີເໜືອ ແລະ ຄະນະຜູ້ຕິດຕາມຈະເດີນທາງມາຮອດຈຸດຜ່ານແດນ ໃນເມືອງດິ່ງດາງ ຫຼັງຈາກນັ້ນ ທ່ານ ຄິມ ຈອງ-ອຶນ ຈະເດີນທາງຕໍ່ດ້ວຍຂະບານລົດເປັນໄລຍະທາງອີກ 170 ກິໂລແມັດ ມາຮອດຮາໂນ່ຍ.

ในภาพอาจจะมี ท้องฟ้า และสถานที่กลางแจ้ง

ຂະນະດຽວກັນ ທາງການແຂວງຫຼັ່ງເຊີນ ໄດ້ສັ່ງລະງັບໂຄງການສ້ອມແປງ ແລະ ບູລະນະຖະໜົນທຸກສາຍໄວ້ກ່ອນ ລະຫວ່າງວັນທີ 24 ເຖິງ 28 ກຸມພານີ້ດ້ວຍ ສ່ວນສະຖານທີ່ພັກຂອງ ຜູ້ນຳເກົາຫຼີເໜືອ ແລະ ຄະນະຄາດຈະເປັນໂຮງແຮມເມເລຍ ເນື່ອງຈາກຕັ້ງຢູ່ໃກ້ກັບທຳນຽບລັດຖະບານ ທີ່ຫຼາຍຝ່າຍເຊື່ອວ່າຈະເປັນສະຖານທີ່ຈັດການປະຊຸມຄັ້ງນີ້ ເຊິ່ງຈະເປັນຄັ້ງທີ 2 ຕໍ່ຈາກການພົບປະຫາລືກັນ ຄັ້ງທໍາອິດທີ່ປະເທດສິງກະໂປ ເມື່ອເດືອນມິຖະນາ  ປີຜ່ານມາ. ນອກຈາກນີ້, ມີລາຍວຽກດ້ວຍວ່າ ການທີ່ຜູ້ນໍາໜຸ່ມຂອງເກົາຫຼີເໜືອຕັດສິນໃຈເດີນທາງມາຢ້ຽມຢາມຫວຽດນາມກ່ອນ ເນື່ອງຈາກຕ້ອງການໃຊ້ເວລາໃນການຢ້ຽມຊົມໂຄງການພັດທະນາດ້ານເສດຖະກິດ ແລະ ອຸດສາຫະກໍາຂອງຫວຽດນາມທີ່ອາດຈະລວມເຖິງການເດີນທາງໄປທີ່ໂຮງງານຜະລິດຊິ້ນສ່ວນຂອງຊໍາຊຸງ ໃນແຂວງບັ໊ກນິນ ທີ່ຢູ່ທາງພາກເໜືອບໍລິເວນດິນດອນສາມຫຼ່ຽມປາກແມ່ນ້ຳແດງ.

ในภาพอาจจะมี หนึ่งคนขึ้นไป และข้อความ