ເກືອບຖືກລົດຢຽບ! ຂັບໄວລັອກປະຕູບໍ່ແໜ້ນ ເດັກນ້ອຍຕົກ ໂຊກດີຫວຸດຫວິດ

614

ເປັນເຫດການທີ່ເກີດຂຶ້ນຈິງ ແລະ ຖືເປັນອຸທະຫອນເຕືອນໃຈ ສຳລັບຜູ້ໃຊ້ລົດໃນທ້ອງຖະໜົນ ໃຫ້ມີສະຕິເພີ່ມຄວາມລະມັດລະວັງ ເພື່ອຄວາມປອດໄພແກ່ຊີວິດ ແລະ ຊັບສິນ ທັງຂອງເຮົາເອງ ແລະ ຜູ້ໂດຍສານ ເພາະບໍ່ແມ່ນທຸກຄົນທີ່ຈະໂຊກດີ ຄືກັບເຫດການໃນຄລິບວີດີໂອ ນີ້.

ພີເພິລ ເດລີ ສື່ທາງການຂອງຈີນ ໄດ້ເຜີຍແຜ່ ພາບວິນາທີຜູ້ໃຫຍ່ ແລະ ເດັກນ້ອຍຕົກລົງມາຈາກລົດຕູ້ຄັນໜຶ່ງ ທີ່ກໍາລັງແລ່ນຕີໂຄ້ງຢູ່ເທິງທາງດ່ວນດ້ວຍຄວາມໄວ ໃນເຂດວ່ານໂຈ ມະຫານະຄອນສົງຊິ່ງ ທາງຈີນຕາເວັນຕົກສຽງໃຕ້.

ພາບຈາກຄລິບວີດີໂອ ເຜີຍໃຫ້ເຫັນວ່າ ລົດຕູ້ຄັນດັ່ງກ່າວແລ່ນດ້ວຍຄວາມໄວ ຕີໂຄ້ງຂະນະທີ່ປະຕູເລື່ອນຂອງລົດນັ້ນ ລັອກບໍ່ແໜ້ນ ເຮັດໃຫ້ປະຕູເປີດອອກແລ້ວ ເດັກນ້ອຍຕົກລົງຈາກລົດເປັນຄົນທໍາອິດແລ້ວກິ້ງໄປຂ້າງລົດເກືອບເຂົ້າຕີນລົດສິບລໍ້ ແລະ ຜູ້ໃຫຍ່ອີກຄົນໜຶ່ງຕົກຈາກລົດແລ້ວຟ້າວລຸກຂຶ້ນແລ່ນໄປອູ້ມເດັກນ້ອຍຂຶ້ນຢ່າງວ່ອງໄວ.

ຢ່າງໃດກໍ່ດີ ໂຊກດີທີ່ເດັກນ້ອຍ ແລະ ຜູ້ໃຫຍ່ທັງສອງໄດ້ຮັບບາດເຈັບບໍ່ຫຼາຍ ຖືວ່າເປັນເຫດການທີ່ລະທຶກຂັວນ ແລະ ໃຫ້ມີສະຕິທຸກຄັ້ງ.

CR:China Xinhua News