ອາວະກາດຍີ່ປຸ່ນ ປະສົບຜົນສຳເລັດ ນຳຍານສຳຫຼວດລົງຈອດດາວເຄາະນ້ອຍ

369

ຍານສໍາຫຼວດ ຮາຢາບຸສະ-2 ຂອງອົງການອະວະກາດຍີ່ປຸ່ນ ສາມາດລົງຈອດດ້ວຍຕົວເອງ ເທິງພື້ນຜິວຂອງດາວເຄາະນ້ອຍ ທີ່ຕິດຕາມມາດົນເຖິງ 4 ປີ ຫຼັງປ່ອຍຍານລູກ 1 ຄູ່ ລົງໄປສໍາຫຼວດພື້ນທີ່ຫຼ່ວງໜ້າ ເມື່ອເດືອນກັນຍາ ປີຜ່ານມາ.

ສໍານັກຂ່າວຕ່າງປະເທດລາຍງານຈາກນະຄອນຫຼວງໂຕກຽວ ປະເທດຍີ່ປຸ່ນ ເມື່ອວັນສຸກ ທີ 22 ກຸມພາ ວ່າ ອົງການອະວະກາດຍີ່ປຸ່ນ (JAXA: Japan Aerospace Exploration Agency) ອອກຖະແຫຼງການເມື່ອວັນສຸກ ວ່າ ຍານສໍາຫຼວດ ຮາຢາບຸສະ-2 ປະສົບຄວາມສໍາເລັດໃນການລົງຈອດເທິງພື້ນຜິວຂອງດາວເຄາະນ້ອຍ “ລິວງຸ” ເທິງຕໍາແໜ່ງທີ່ກໍານົດໄວ້ ເມື່ອເວລາປະມານ 8:00 ໂມງ ຕາມເວລາທ້ອງຖິ່ນ (6:00 ໂມງເຊົ້າ ຕາມເວລາຂອງລາວ) ຫຼັງອອກເດີນທາງຈາກໂລກເພື່ອຕິດຕາມດາວເຄາະນ້ອຍດວງນີ້ ຕັ້ງແຕ່ເດືອນທັນວາ ປີ 2014 ແລະ ເຂົ້າສູ່ວົງໂຄຈອນຂອງດາວເຄາະນ້ອຍດວງນີ້ໄດ້ ເມື່ອເດືອນມິຖຸນາ ປີຜ່ານມາ ຫຼັງຈາກນັ້ນ ໃນເດືອນກັນຍາ ປີດຽວກັນ ຍານຮາຢາບຸສະ-2 ສາມາດປ່ອຍຫຸ່ນຍົນຂະໜາດນ້ອຍ 2 ລໍາ ລົງຈອດເທິງພື້ນຂອງດວງດາວກ່ອນ ເພື່ອເລິ່ມການສໍາຫຼວດໃນເບື້ອງຕົ້ນກ່ອນ.

ไม่มีคำอธิบายรูปภาพ

ທັງນີ້ ຍານຫຸ່ນຍົນທັງ 2 ລໍາ ຂອງຈາຊາ ທີ່ມີຮູບຊົງຄ້າຍກ່ອງເຂົ້າໜົມ ແລະ ມີລະຫັດວ່າ “ໂລເວີ 1 ເອ” ແລະ “ໂລເວີ 1 ບີ” ຖືເປັນຍານຫຸ່ນຍົນລໍາທໍາອິດ ທີ່ສາມາດລົງຈອດເທິງພື້ນຜິວຂອງດາວເຄາະນ້ອຍໄດ້ ໂດຍຈາຊາ ເຄີຍພະຍາຍາມສົ່ງຍານສໍາຫຼວດລົງຈອດດາວເຄາະນ້ອຍມາແລ້ວຄັ້ງໜຶ່ງ ເມື່ອປີ 2005 ແຕ່ປະສົບຄວາມລົ້ມເຫຼວ. ຂະນະດຽວກັນ, ລາຍງານຂອງຈາຊາ ລະບຸດ້ວຍວ່າ ພາລະກິດຫຼັກຂອງຍານຮາຢາບຸສະ-2 ທີ່ເປັນຍານແມ່ ກໍ່ຄືການຂຸດເຈາະພື້ນຂອງດາວ ລິວງຸ ເຊິ່ງມີລັດມີປະມານ 1 ກິໂລແມັດ ແລ້ວນໍາຕົວຢ່າງຂອງດິນ ແລະ ຫິນ ຈາກດາວເຄາະນ້ອຍດວງນີ້ກັບມາທີ່ໂລກ ພາຍໃນປີ 2020.

ในภาพอาจจะมี กลางคืน
ในภาพอาจจะมี 1 คน

ในภาพอาจจะมี 1 คน, ข้อความ