ນາງສາວນະຄອນຫຼວງ ເດີນທາງເຂົ້າຮ່ວມປະກວດ Miss Chinese international ທີ່ຮົງກົງ

406

ໃນວັນທີ່ 19 ກຸມພາ 2019 ຜ່ານມາ ນາງ ນິສຸດາ ວົງປະເສີດ ນາງສາວ ຄອນຫຼວງວຽງຈັນ 2018 ໄດ້ເດີນທາງໄປຈາກສະໜາມບິນສາກົນວັດໄຕ ນະຄອນຫຼວງວຽງຈັນ ເພື່ອເກັບຕົວເຮັດກິດຈະກໍາຕ່າງໆ ຂອງເວທີປະກວດ Miss Chinese international ທີ່ປະເທດຮົງກົງ ເຂດປົກຄອງພິເສດຂອງປະເທດຈີນ.

ທ່ານນາງ ສະຫວັນທອງ ອຸ່ນມີໄຊ ຜູ້ອໍານວຍການກອງຄັດເລືອກນາງສາວນະຄອນຫຼວງວຽງຈັນ ພ້ອມຄະນະ ຜູ້ປົກຄອງ ແລະ ເພື່ອນມິດສະຫາຍເຂົ້າຮ່ວມ ສົ່ງທີ່ເດີນບິນ.

ການປະກວດ Miss Chinese International ຈັດຂຶ້ນຄັ້ງທຳອິດໃນປີ 1988  ແລະ ໃນປີ 2019 ນີ້ ຖືເປັນຄັ້ງທີ 30 ແລະ ຄາດວ່າຈະມີຜູ້ເຂົ້າຮ່ວມປະກວດຈາກທົ່ວໂລກກວ່າ 15 ປະເທດ.

ສຳລັບຮອບຕັດສິນແມ່ນຈະມີຂຶ້ນໃນວັນທີ 3 ມີນາ 2019 ຮວມເຊຍໃຫ້ກຳລັງໃຈ ສາວ ນິສຸດາ ຕົວແທນຂອງປະເທດເຮົາກັນແດ່ເດີ